मत्ती 26:26 - जिरेल

²⁶ थेबाबरी गाङेराङ सेइनराङ ओतान। थेजीनराङ येशूकी स्‍योबेनज्‍यीक लाःक्‍तु लाकीन थे लाईदु परमेश्‍वरला धन्‍यवाद बिन्‍सुङ। थोक खानामेई थेकी थे स्‍योबेन च्‍यागीन “लो या, दि सो। दिचेन ङे जीउ ईन,” सिनकामा चेलातेबाला गोकीन बिन्‍सुङ।

मत्ती 26:26 ပူးပေါင်းရင်းမြစ်များ

मत्ती 14:19

थेमे थे मिओनला साला पाङगी सो लाई नाङला देत च्‍युत्‍कीन थेकी थे स्‍योबेन ङाताङ ङ्या ङि लाःक्‍तु लाकीन नामने ताकीन थे सापकी लाईदु परमेश्‍वरला धन्‍यवाद बिन्‍सुङ। थेमे थेकी थे स्‍योबेन च्‍य्‌वाकीन गाङेला गोला बिन सिन चेलातेबाला तेरगीन खानामेई थेबेकीङ साबा च्‍योकराङ खाईन गोकीन बिन्‍सुङ।

मत्ती 26:27

थोकराङ खाईन अंगूर छ्याङ लुक्‍पाते कचौराज्‍यीक लाःक्‍तु लाकीन थेकी थे लाईदुङ परमेश्‍वरला धन्‍यवाद बिन्‍सुङ। थेमे थेङ थेबाला तेरगीन “लो या, दिङ ख्‍योकोन गाङेकी पालो खाला थुङ।

मर्कूस 6:41

थेमे येशूकी थे स्‍योबेन ङाताङ ङ्या ङि लाःक्‍तु लाकीन नामने ताकीन थे सापकी लाईदु परमेश्‍वरला धन्‍यवाद बिन्‍सुङ। थेमे थेकी थे स्‍योबेन च्‍य्‌वाकीन गाङेला गोला बिन सिन चेलातेबाला तेरगीन खानामेई थेबेकीङ साबा च्‍योकराङ खाईन गोकीन बिन्‍सुङ। थोकराङ खाईन ङ्याङ थेकी मि गाङेला गोकीन बिन्‍सुङ।

लूका 22:17

थेमे अंगूर छ्याङ लुक्‍पाते कचौराज्‍यीक लाःक्‍तु लाकीन थेकी थे लाईदु परमेश्‍वरला धन्‍यवाद बिन्‍सुङ। थेमे “लो या, दि अंगूर छ्याङ पालो खाला थुङ।

लूका 24:30

थेमे साप सा बेलाला स्‍योबेनज्‍यीक लाःक्‍तु लाकीन थेकी परमेश्‍वरला सापकी लाईदु धन्‍यवाद बिन्‍सुङ। थेमे थे स्‍योबेन च्‍यागीन थेबाला गोकीन बिन्‍सुङ।

शक्ति काम 2:46

थेबा ङीमे ठाङमा परमेश्‍वर मन्‍दिरदु जम्‍मा ओङला ङ्योम्‍बुराङ परमेश्‍वरला प्रार्थना खिन ओतान। थेबेकी दोक्‍पोईकी ज्‍येनज्‍यीकला ईख इबी खुरगीन मेतान। बरू खाम्‍बा खाम्‍बाला रूला प्रभु भोज साच्‍येते थेमे गा खिन ङ्योम्‍बुराङ साप साच्‍येते खिन ओतान।

शक्ति काम 20:7

थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

१ कोरिन्‍थी 10:4

थोकराङ खाईन थेबेकी परमेश्‍वरगी बिन्‍दाते छ्युराङ थुबा ओतान। थेबा गाङेकी ठाःकज्‍यीकलाराङ दोलाते छ्यु थुबा ओतान। दि छ्यु दोल्‍च्‍येते ठाःक साबातेचेन थेबाताङ ङ्योम्‍बुराङ ख्‍याम्‍बाते ख्रीष्‍टराङ ईन।