मत्ती 25:8 - जिरेल

⁸ थोक खित्‍जीन थे लेम्‍बीतेबेकी ज्‍येनतेबाला ‘ए होइबावे, मोर्गु सिन्‍गीन ङ्योकोन बत्तीनी स्‍याप खादुक, ङ्योकोनलाङ मोर्गु टिक्‍पीस्‍यिक नाङना,’ सिन साबाक्‍वालो।

मत्ती 25:8 ပူးပေါင်းရင်းမြစ်များ

मत्ती 25:1

परमेश्‍वर ओत्‍सादुई वाबाते मि ग्‍युरला ओङजीनचेन स्‍वर्गे राज्‍यदु दि कथाला साबा च्‍योकराङ ओङगो। चुक सासीन बाजिई ठाउँज्‍यीक्‍तु फाङमा खिते बेलाला खोपरोङ चलनला खिता फापा च्‍योकराङ खाईन कर्नेते फेम्‍मे फिजा च्‍युताम्‍बा खोपरोङ खोपरोङ बत्ती पारगीन खुरगीन बेउलाला ठेता खिताला गाल्‍दुक्‍लो।

मत्ती 25:7

थेमे थेबा गाङेराङ खागा खोगा लाकीन दाक्‍पोन दाक्‍पोन बत्ती छाँटे खिताला स्‍यूदुक्‍लो।

मत्ती 25:9

थोक सिरजीन ज्‍येनतेबेकीचेन ‘ङ्योकोनताङ दुरू ङुरूङ गाङेला दाङच्‍याई मोर्गु मेत। बरू ख्‍योकोन पसलला गाल्‍ला ङ्यो,’ सिन सादुक्‍लो।

मत्ती 3:9

ख्‍योकोनचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

लूका 12:35

थेमे ख्‍योकोनचेन जुन बेलालाङ काम खिताला ठीक ओङगीन देताते मि च्‍योक ओङला देत। नुप्‍ला सुइँदा मि ओङकान ओत्‍सीन बत्ती पारगीन गुकीन देताच्‍योक खाला ख्‍योकोन गुला देत।

लूका 16:24

थेमे थेकी मिताराङ खाच्‍या खाईन ‘गोप्‍पो अब्राहामोउ,’ सिन काताङदुक्‍लो। थेमे ‘ङे दुक्‍पा थोङला नाङ। ङे दि मे ज्‍वाला खपे खिता माथुप्‍सुङ। ङाला टिक्‍पीई शीतल ओङस्‍यीत सिन लाक्‍पे जुकी ङे खानामा छ्यु तिक्‍ला तेराला लाजरसला देमा ताङला नाङ,’ सिन अब्राहामला बिन्‍ती खादुक्‍लो।

लूका 8:18

थोगी ङे लोप्‍च्‍येते बात लेमु खाला ङेन। दि बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। दि बात थोलाङ खोबा मोछोल्‍कान्‍ते मिओनलाचेन खोपरोङला छ्या ओत सिराच्‍योक लाबाते बादोङ टोक ज्‍येत ज्‍युत्‍क्‍यो,” सिन सिदुक।

शक्ति काम 8:24

पत्रुसकी थोक सानामेकी थेकी ज्‍यीबा खिन पत्रुसताङ यूहन्‍नाला “हजूरवे, ङाला थोक मेलेबा छ्याःङ मेङस्‍यीत सिन बरू ख्‍योकोनगीराङ प्रभु परमेश्‍वरताङ ङे लाईदु प्रार्थना खाला नाङ,” सिन सिदुक।

हिब्रू 4:1

परमेश्‍वरगी मिओनला थे खोरोङगी देत ज्‍युता चालाच्‍योक खाला ढुक्‍क खाला देत ज्‍युत्‍क्‍यो सिन जमान खाबाते बात थोरूमोङ खुदुक गाला मेत। थेकी साबा च्‍योकराङ खाला देता ङेत्‍सादुई खेराङ सुङ माठाल्‍स्‍यीत सिन ङुरूङ च्‍याङबो खाला देता फाप्‍क्‍यो।

छ्या स्‍ये च्‍युताते बात 3:9

दि बात ङेन। चुक सासीन खोपरोङ यहूदी ईन सिन छ्ये खित्‍कान्‍ते मिओन परमेश्‍वरगी साबाते ङेन्‍कान्‍ते मि मेन। थेबानी शैतानताङ डिक्‍कान्‍ते मिका ईन। ङा थेबाला ख्‍योकोन तिङबे ओक्‍तु दुल्‍ला ख्‍योकोन काम्‍बाला से खित ज्‍युत्‍क्‍यो। थेमे थेबेकी ङे ख्‍योकोनला ङिङज्‍ये खाबा ओताक्‍वा सिन छ्या स्‍येक्‍यो।