मत्ती 25:34 - जिरेल34 थेमे थे खोरोङ सामे छ्य्वापा ज्याक्पाते मिओनला थेकी ‘ङे आबेकी ख्योकोनला आशी बिन्दा ओत। दि साताङ नाम जोजीनमेईराङ थेकी ख्योकोनला थे खोरोङ राज्यदु देत ज्युत्क्यो सिन साबा ओतान। लो स्योक, थाचेन थे राज्यदु स्यूला देत। အခန်းကိုကြည့်ပါ။ |
मत्ती 25:34
68 ပူးပေါင်းရင်းမြစ်များ
ङे बात ङेन्ला ङात्ताङ ख्याम्बे लाईदु खाम्बा कि आबा आमा कि आज्यो न्वा आज्यी नुमु कि फुज्युङ फुमु कि जग्गा जिमीन तोङकान्तेबाला परमेश्वरगी आबा आमा, आज्यो न्वा आज्यी नुमु, फुज्युङ फुमु च्योक्तेताङ खाम्बा थेमे जग्गा जिमीन ज्येनोङ झन काल्बेई तेरग्यो। थेमे थेबेकी नोमुङ मिसिन्च्येते जुनीङ ङेत्क्यो।
थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्योकराङ खित्कान्ते मि दुका। ङे खोल्ला चाँदी डबल थोस्यिककामा बिन्गीन ज्याक्सीनोङ खुई थे लेमु खाईन चले खाबेकी था ङा खोल्ला झन थे भन्दाङ काल्बेई पैसे जिम्मा तेरग्यो। था खो ङा च्योकराङ गा खिन ङात्ताङ ङ्योम्बुराङ देता ङेत्क्यो,’ सिन सादुक्लो।
मालिकतेकी थेलाङ ‘खुई आउदी लेमु खादुक। खो मालिककी साबा च्योकराङ खित्कान्ते मि दुका। ङे खोल्ला चाँदी डबल थोस्यिककामा बिन्गीन ज्याक्सीनोङ खुई थे थोक लेमु खाईन चले खाबेकी था ङा खोल्ला झन थे भन्दाङ काल्बेई पैसे जिम्मा तेरग्यो। था खोङ ङा च्योकराङ गा खिन ङात्ताङ ङ्योम्बुराङ देता ङेत्क्यो,’ सिन सादुक्लो।
थोगी ख्योकोन सुइँदेकी थे नियम नाङ दिनी माङेन्सीनोङ ओङगीतासीन सिराच्योक लाङच्येते नियमज्यीककामा माङेन्सीन थेमे ज्येनलाङ थे माङेन्सीन ओङगो सिन लाप्सीन थोक्ते मिला स्वर्गे राज्यदु छ्ये ईन सिन मिसिरो। थोक मिक्किता खाईन होथोक्ते नियमतेबाङ ङेन्गीन ज्येनलाङ ङेन सिन लोप्कान्ते मिलाचेन स्वर्गे राज्यदु छ्ये ईन सिन सिओ।
थेकी थोक सानामेई “दिला ङ्योकोन मिगी दोन्दु माज्यो, दिला खेरला स्यिङगी थामला टाँए खाला सेत,” सिन थेबा झन नामज्योक बुराङ साच्या खाईन छेरा खिताला स्यूसुङ। थेमे थेकी “च्यि ङे ख्योकोन गेल्बोला स्यिङगी थामला टाँए खाला सेत्च्या?” सिन सिदुक। थोक सिरजीन छ्ये छ्ये पूजारीकी “ङ्योकोनतेनी रोमी गेल्बो बाई ज्येन गेल्बो ओतराङ मेत,” सिन सासुङ।
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
ज्येनला अन्याय खित्कानताङ मेलेबा काम खित्कान्ते मि सुङ परमेश्वर राज्यने स्यूक्पा मेङेदो सिन च्यि ख्योकोनला छ्या मेत? ख्योकोन सुङगीङ दाक्पोनगी ठुबाते डालुम नाङ दाक्पोनराङ स्यूक्च्येते काम माकेत। चुक सासीन रन्डीबाजी थेमे होदि च्योक्ते खिता मेङच्येते काम खित्कान्तेबा, ल्हा लु माने खित्कान्तेबा, मि ख्यावा फेम्मेताङ ङ्याल्कान्तेबा, ख्योओ मिकी फेम्मे मि च्योक खाला ख्योओ मि ज्याक्ला खिता मेङच्येते काम खित्कान्तेबा,
थेमे मि जाला लोभ खिओ। दोस्यिककामा मेन, थे छ्याङ रक्सीकी जिला ख्याम्ग्यो, ज्येनताङ रूला भक्कुचूर सोला थुला मोज मज्जा खिओ थेमे होदोक्ते ज्येन ज्येन कामोङ खिओ। होदोक दोक खिन देत्कान्ते मि सुङ तिरी परमेश्वर राज्यने स्यूक्पा मेङेदो सिन ङे ख्योकोनला गोमाकाङ लेमु खाईन साबा ओत, लोक्ला थरिङोङ थोकराङ सिओ।
थोगी ङा परमेश्वरगी खि साबा साबा च्योकराङ खित्कान्ते मि ईन सिन था ङे इनाम ङेत्क्यो। थे इनामचेन सुङलाङ काका पाका मिक्किता खाला न्याय खित्कान्ते प्रभु येशू ख्रीष्टकी थे खोरोङ ग्युरला ओङे छोमु ङाला तेरग्यो। थे इनाम थेकी ङालाकामा मेन, थे स्वर्गनेकी ग्युरला ओङगो सिन गा खिन गुला देत्कान्तेबा गाङेला तेरग्यो।
परमेश्वरगी चुक साला दुका सासीन “ङाला स्येदाङ लाबेकी ङे ‘ङा दिबाला ङाराङगी देत ज्युता चालाच्योक खाला ढुक्क खाला देतराङ मुज्युदो,’ सिन ना क्यालाप,” सिन साला दुक। ईन्सीनोङ थेकी जमान खाबाच्योक पक्काराङ खिओ सिन ङुरूङगी थेला विश्वास खिन देत्सीन थेकी ङुरूङलाचेन थे खोरोङगी साबा च्योकराङ खाला ढुक्क खाला देत ज्युत्क्यो। विचार खित्जीन सा नाम जोला सिन्जीनराङ परमेश्वरगी खिता फाप्च्येते काम जति खाईन सिन्दा ओतान।
ङिङज्येते आज्यो न्वावे, दि बात लेमु खाला ङेन। येशू ख्रीष्टला विश्वास खित्कान्ते मि ओङला थे खोरोङ राज्यदु देताला च्यि परमेश्वरगी ज्येनगी छ्याःङज्यीक खाङज्यीक मेताते मि ईन सिरच्येते मिओनलाराङ छाने खाबाते मेनरो? था थेबा परमेश्वरगी थे खोरोङला ङिङज्ये खित्कान्ते मिओनला तेरग्यो साबाते राज्यदु देता ङेत्क्यो।
खुई थोङाते दि जन्तु गोमा पालोई ओतान, थाल्ला मेत। थे था तिरी खापान खापान तीङ ओताते डालुममेकी थेन्ला ओङगो। तर थेन्गीन वानामेकी थे सजाय ङेत्ला नरककुण्डमा ड्वा फाप्क्यो। दि सा नाम ज्वा भन्दा गोमामेकीराङ नोमुङ मिसिन्च्येते जुनी ङेत्कान्ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्तुला थोङजीन छक्क परे खिओ। च्यिला सासीन थे जन्तु गोमा ओतान, थाल्ला मेत थेमे था ङीमाई याङराङ थे दुरू ओङगो।
ကြော်ငြာတွေ