थेजीनसाक ख्योकोन चुक खिन देता फाप्कीते सासीन मालिकतेकी कोत्कीन ज्याक्पाते ङेन्ला लेमु खाला काम खित्कान्ते मि च्योकराङ ओङा फाप्क्यो। थोक्ते मिलाचेन मालिकतेकी थे खोरोङ खइँसापा डोजीन थे खाम्बादुराङ काम खित्कान्ते ज्येनतेबाला लेमु खाला साप थुङा बिना सिन खाम्बे कामओन जिम्मा बिन्ला डुइओ।
मत्ती 25:21 - जिरेल21 थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्योकराङ खित्कान्ते मि दुका। ङे खोल्ला चाँदी डबल थोस्यिककामा बिन्गीन ज्याक्सीनोङ खुई थे लेमु खाईन चले खाबेकी था ङा खोल्ला झन थे भन्दाङ काल्बेई पैसे जिम्मा तेरग्यो। था खो ङा च्योकराङ गा खिन ङात्ताङ ङ्योम्बुराङ देता ङेत्क्यो,’ सिन सादुक्लो। အခန်းကိုကြည့်ပါ။ |
मत्ती 25:21
30 ပူးပေါင်းရင်းမြစ်များ
मालिकतेकी थेलाङ ‘खुई आउदी लेमु खादुक। खो मालिककी साबा च्योकराङ खित्कान्ते मि दुका। ङे खोल्ला चाँदी डबल थोस्यिककामा बिन्गीन ज्याक्सीनोङ खुई थे थोक लेमु खाईन चले खाबेकी था ङा खोल्ला झन थे भन्दाङ काल्बेई पैसे जिम्मा तेरग्यो। था खोङ ङा च्योकराङ गा खिन ङात्ताङ ङ्योम्बुराङ देता ङेत्क्यो,’ सिन सादुक्लो।
बात चुक सासीन दाक्पोन जिम्माला बिन्दाते सम्पत्ति टिक्पीस्यिकराङ ईन्सीनोङ जसकी लेमु खाला तेइदुक थेकीचेन काल्बेई सम्पत्ति जिम्मा बिन्सीनोङ लेमुराङ खाला तेइओ। तर जिम्मा लै खाबाते टिक्पीस्यिक सम्पत्ति लेमु खाला माताबा खाला मनपरी खित्कानला सम्पत्ति काल्बेई जिम्मा बिन्सीन झन मनपरी खिओ।
परमेश्वरगी छाने खाबाते मि ओङालानी जीउला थे खतकी चिनु जोला मेन, दाक्पोन सेमका लेमु ओङा फाप्क्यो। परमेश्वर नियमला खतकी चिनु जो सिन टिबाते बात ङेन्ला मि सेम लेमु ओङच्येते मेन। परमेश्वर आत्मेकीकामा मि सेम लेमु जोइओ। होदोक्ते मिलाचेन ज्येनगी मान माक्यासीनोङ परमेश्वर थेबाताङ खुशी ओङला थेबाला मान तेरग्यो।
थोगी ङा ख्योकोनला च्यि सिते सासीन प्रभु येशू ग्युरगीन मावाथुप ख्योकोन सुङगीङ दि दोक्तेताङ थे थोक खित्कान्ते सिन ज्येनगी गल्ती मातेन। था वाला च्याला प्रभु येशूकी मिकी ज्येनगी छ्या मेस्येबा खाईन खाबाते काम ईन्स्यीत, खोपरोङ सेमलाकामा विचार खाबाते बात ईन्स्यीत, लेमु मेलेबा चुक ईन्दे सिन डेल्ग्यो। थेमे लेमु काम खित्कानलाचेन गाङेला परमेश्वरगी खुई आउदी लेमु खासुङ सिन सिओ।
दोक दोक खित्जीन येशूकी चुक चुक खासुङा सिन टोक मेज्येता खाला थेलाराङ तेइन देता फाप्क्यो। परमेश्वरला चुक खाला विश्वास खित्च्ये सिन तेन्ला तेरकान्ते थेराङ ईन। थेकी खित्सादुराङ ङुरूङ जुनी खाङराङ परमेश्वरला विश्वास खिन देता थुप्क्यो। स्यिङगी थामला टाँए खाला सेत्च्येते बात मि ङोन्ला आउदी मेलेबा ईन्सीनोङ तिरी आउदी गा खिता ङेत्क्यो सिरच्येते बात सेमला ज्यागीन मिओनगी दुक्पा बिन्दाते गाङे खपे खिन स्यिङगी थामला टाँए खाला स्याप्लाङ थेकी छ्याःङ ङोचा माक्यासुङ। थेमे थे गाल्गीन परमेश्वर देत्च्येते सिंहासन सामे छ्य्वापा देता ओत।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।
ကြော်ငြာတွေ