मत्ती 25:20 - जिरेल

²⁰ थोक खित्‍जीन चाँदी डबल धार्नी खाल सुमजो जिम्‍मा लाकीन ज्‍याक्‍पाते मिकी थे खोरोङगी जोबाते चाँदी डबल धार्नी खाल सुमोङ खुलाकीन थेला ‘हजूर, खुई ङाला चाँदी डबल धार्नी खाल सुमजो सोम्‍पे खाईन ज्‍याक्‍पा ओतान। थे खेलो खाईन ङे ज्‍येन चाँदी डबल धार्नी खाल सुम जोबाप, तोना ई,’ सिन तेन्‍दुक्‍लो।

मत्ती 25:20 ပူးပေါင်းရင်းမြစ်များ

मत्ती 18:24

थोक खाला हर हिसाब लिन्‍जीन थेरू लाख थोई थोई पैसा ज्‍येला फाप्‍कान्‍ते मिज्‍यीक गेल्‍बो दोन्‍दु क्‍याल्‍दुक्‍लो।

लूका 19:13

थोक खाला ड्वा भन्‍दा गोमा थेकी दरवारदु काम खित्‍कान्‍तेबा मेरा च्‍युताम्‍बाला काताङगीन च्‍याकीन ‘ङा दुरू ग्‍युरला ओङकेसाकला ख्‍योकोनगी दि पैसा बेपारला खेलो खि,’ सिन साकीन गाङेला सेरगी डबल रेरे बिन्‍गीन ज्‍यागीन थे थेरूकी ख्‍याम्‍दुक्‍लो।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

कलस्‍सी 1:29

मिओन थोक खाला देता थुप्‍स्‍यीत सिनराङ ङा दुक्‍पा खाला खाला दि बाततेबा ज्‍येनला लोप्‍क्‍यो। ङाराङगी थुपासम्‍म स्‍याप स्‍याप खाईन काम खासीनोङ ङाला थोक खिताला छ्येज्‍यीक शक्ति तेरकान्‍तेचेन ख्रीष्‍टराङ ईन।

याकूब 2:18

थेमे कोईकी चुक सिते सासीन ङा येशू ख्रीष्‍टला विश्‍वास खिओ, ज्‍येनगीचेन थेकी खि साबाच्‍योक खाला काम खिदुक सिन सिओ। दोक सिरकान्‍ते मिला ङा च्‍यि सिते सासीन छ्याःङ काम मिक्‍किता खाला येशू ख्रीष्‍टला विश्‍वास खिओ सिन लो खो ङाला तेन। थेला विश्‍वास खिओ सिन ङानी खोल्‍ला कामराङ खाला तेन्‍ग्‍यो सिन सिओ।