मत्ती 24:6 - जिरेल

⁶ ख्‍योकोनगी लुङबा लुङबाला लडाइँ ओङाते थेमे दि दि लुङबादु लडाइँ ओङगीन दुक्‍लो सिरा थोक्‍यो। थोक्‍ते बात थोजीन था च्‍यि ओङोङा, चुक ओङोङा सिन ख्‍योकोन ज्‍यीबा माकेत। थोक थोकनी ओङाराङ फाप्‍क्‍यो। ईन्‍सीनोङ थोक थोककामा ओङला दि जुग सिन्‍च्‍येते मेन।

मत्ती 24:6 ပူးပေါင်းရင်းမြစ်များ

मत्ती 2:3

थे खोरोङ राज्‍यदु गेल्‍बो ओङाला फिजाज्‍यीक केबा ओत सिन थोनामेई हेरोद गेल्‍बो सेमला ठङगे स्‍यूसुङ। थेमे थेत्ताङ यरूशलेम मि गाङेराङ ज्‍यीबेकी थरावरी गाल्‍सुङ।

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

मत्ती 26:54

ङे थोक खासीन च्‍यि ङाला दोक दोकराङ ओङा फाप्‍क्‍यो सिन परमेश्‍वर बातला टिबाते बात साबा च्‍योकराङ ओङगोतरो?” सिन सिदुक।

लूका 21:19

थोक थोक दुक्‍पा ओङजीनोङ सेम मेसेता खाईन ङाला विश्‍वास खिन देत्‍सीन ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

लूका 21:9

ख्‍योकोनगी लुङबा लुङबाला लडाइँ ओङाते थेमे ठाउँ ठाउँला गोलमाल ओङाते बात थोक्‍यो। थोक्‍ते बात थोजीन था च्‍यि ओङोङा, चुक ओङोङा सिन ख्‍योकोन ज्‍यीबा माकेत। थोक थोकनी ओङाराङ फाप्‍क्‍यो। ईन्‍सीनोङ थोक थोककामा ओङला दि जुग सिन्‍च्‍येते मेन,” सिन सिदुक।

लूका 22:37

च्‍यिला सासीन परमेश्‍वर बातला गोमाका चुक सिन टिबा ओते सासीन ‘थेलाचेन मिओनगी डाँकाओनला च्‍योकराङ खिओ,’ सिन टिबा ओत। दि बात ङेन। च्‍यि सासीन ङाला चुक खिते सिन ङे विषयला परमेश्‍वर बातला टिबाते बात गाङे साबा च्‍योकराङ ओङा फाप्‍क्‍यो,” सिन सिदुक।

यूहन्‍ना 14:1

थेमे येशूकी चेलातेबा गाङेला “ख्‍योकोन पीर माकेत, ज्‍यीबाङ माकेत। परमेश्‍वरला विश्‍वास खिता मातोङ। ङालाङ विश्‍वास खिन देत।

यूहन्‍ना 14:27

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

२ थिस्‍सलोनिकी 2:2

सुइँदेकी प्रभु येशू ग्‍युरला ओङच्‍येते दिन नाम वाओङा सिन गुला देता माफाबो, थे लेप्‍कीन सिन्‍सुङ सिरजीनमेईराङ थेबे बात ङेन्‍ला दि बात पक्‍काराङ ईन्‍ताकाना च्‍यिन्‍ताका सिन ज्‍यीबेकी आते खाला अलमल्‍ल परे माकेत। थोक सिरकान्‍ते मिओनगी दि बातनी पावलबेकी परमेश्‍वर आत्‍मे छ्य्‌वापेई साबाते ईन सासीनोङ, पावलबा खोपरोङगीराङ साबाते ईन सासीनोङ कि पावलबेकी चिट्ठीला टिबाते बात ईन सासीनोङ थोक्‍ते बात ङेनराङ माङेन।

छ्या स्‍ये च्‍युताते बात 6:4

थेमे ठाक च्‍योकराङ मोर्मुज्‍यीक घोडा थेरू लिच्‍युङ। थे घोडे लाक जेबा ओतातेलाचेन सा लुङबा खाङ ओताते मिओनला डिक माच्‍युत्‍ला खोपरोङ खोपरोङ नाङ थुपरीङ स्‍यिरीङ खाला सेत ज्‍युत्‍च्‍येते अधिकार बिन्‍दा ओतान। थेला लाःक्‍तु रीम्‍बुई तरवारज्‍यीगोङ बिन्‍दा ओतान।