मत्ती 24:44 - जिरेल

⁴⁴ परमेश्‍वर ओत्‍सादुई वाबाते मि ङाङ चोर च्‍योकराङ सुङगीङ छ्या मास्‍येबाते दिनगी छोमु दुरू ग्‍युरला ओङगो। थोगी थरिङनी मेङतासीन सिराच्‍योक मिक्‍किता खाला ख्‍योकोन ठीक ओङला थेला गुलाराङ देत।

मत्ती 24:44 ပူးပေါင်းရင်းမြစ်များ

मत्ती 24:27

चिलाम नाम्‍दाककी खित्‍सादु चिलाम खासुङ सिन छ्या स्‍येबा च्‍योकराङ परमेश्‍वर ओत्‍सादुई वाबाते मि ङा गाङेकी थोङा खाला देमा ग्‍युरला ओङगो। ङा वाबाते ईन्‍दा ना मेन्‍दा सिन सुङगीङ छ्याःङ शंकाराङ खिता माफाबो।

मत्ती 24:42

थोक ईन्‍देकी खेराङ मालिक था तिरी दि छोमुराङ ग्‍युरला ओङगो सिन ख्‍योकोनला छ्याःङ छ्या मेतेकी थे ओङगो सिन सधैँ ठीक खाला गुलाराङ देत।

मत्ती 24:43

दि बात विचार खि। सुइँदा मिकी थरिङ चोर ओङगो सिन छ्या स्‍येसीन थे छोमु थे च्‍याङबो खाला जागोराङ देत्‍क्‍यो। थेमे थेते छ्याःङ क्‍वापराङ मुथुबो।

मत्ती 25:10

थेमे थेबा ङाबो मोर्गु ङ्योर गाले बेलालाराङ बेउलाङ लेपाक्‍वालो। थेमे दाङच्‍या खाईन मोर्गु खेरा ओताते फेम्‍मे फिजाओनचेन बेउलाताङ ङ्योम्‍बुराङ फाङमे भोज सासे खाम्‍बे नाङ लोक स्‍यूदुक्‍लो। थेबा नाङने स्‍यूनामेई खाम्‍बे गोङ डेप च्‍येत्‍तुक्‍लो।

मत्ती 25:13

थोगी दि कथे बात सेमगी नाङ गुने खिन च्‍याङबो खाला देत। च्‍यिला सासीन दि कथाला साबा च्‍योकराङ परमेश्‍वर ओत्‍सादुई वाबाते मिङ दि छोमु, दि बेलाला ओङगो सिन ख्‍योकोन सुङलाङ छ्याःङ छ्या मेङगो।

लूका 12:39

थेमे दि बादोङ ङेन। सुइँदा मिकी थरिङ चोर ओङगो सिन छ्या स्‍येसीन थे छोमु च्‍याङबो खाला जागोराङ देत्‍क्‍यो। थेमे थेते छ्याःङ क्‍वापराङ मुथुबो।

लूका 12:40

परमेश्‍वर ओत्‍सादुई वाबाते मि ङाङ चोर च्‍योकराङ सुङगीङ छ्या मास्‍येबाते दिनगी छोमु दुरू ग्‍युरला ओङगो। थोगी थरिङनी मेङतासीन सिराच्‍योक मिक्‍किता खाला ख्‍योकोन ठीक ओङला ङाला गुलाराङ देत,” सिन सिदुक।

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

फिलिप्‍पी 4:5

ख्‍योकोन मि गाङेताङ खा छ्येत लेमु खित्‍कान्‍ते मि ईन सिन गाङेकी छ्या स्‍येस्‍यीत। प्रभु येशू ग्‍युरला ओङच्‍ये बेला लेपा खासुङ सिन टोक माज्‍येत।

याकूब 5:9

थेमे आज्‍यो न्‍वावे, परमेश्‍वरगी खेराङला दोषी ईन सिन मिसिरस्‍यीत सिन खुई दि लेमु माक्‍यासुङ, थे लेमु माक्‍यासुङ सिन दोक्‍पोईकी ज्‍येनज्‍यीक बात माकेत। मि गाङे न्‍याय खित्‍कान्‍ते परमेश्‍वर खेराङ दोन्‍दुराङ ओत सिरच्‍येते बात टोक माज्‍येत।

छ्या स्‍ये च्‍युताते बात 19:7

ङुरूङ गाङेराङ गा खिइ। आउदी गा खिनकामा थेला छ्ये जोइ। था लुई रीउते फाङमा ओङा खाईन सिन्‍सुङ। थे बेउलीचेन थे मोरोङराङ ठीक ओङगीन देत्‍ला दुक।