मत्ती 24:4 - जिरेल4 थोक सिरजीन थेकी “च्याङबो खाला देत। सुङगीङ ख्योकोनला छक्के खाला ङे छ्य्वापेई मेडेल्स्यीत। အခန်းကိုကြည့်ပါ။ |
मत्ती 24:4
14 ပူးပေါင်းရင်းမြစ်များ
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
थेमे परमेश्वरला माने खिताला बर्त देत्च्येतेताङ दुक्पा खाला खाला होदोक्ते काम काल्बेई खिता फाप्क्यो, परमेश्वर दूतओनलाङ माने खिता फाप्क्यो सिन सिरकान्ते मि सुङगीङ बात माङेन। थोक्ते मि बात ङेन्सीन ख्योकोनगी परमेश्वरगी तेरच्येते इनाम मेङेदो। होथोक सिरकान्ते मिओनगीचेन परमेश्वरगी ङ्योकोनला मिलाम खित ज्युताच्योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्ते बात खिन छ्ये खिन ख्याम्ग्यो।
ख्योकोन च्याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्च्येते बातनी छ्याःङ काम लै मिक्किच्येते ईनराङ मेन्दे बात ईन। थोक्ते बातनी दि सा लुङबा खाङ मिओनगी खोपरोङ ज्युज्यु पुर्खे पालोमेई माने खिन वाबाते रीतिथिति बातकामा ईन। थोक्ते बात ख्रीष्ट सु ईन्दे, चुक्ते ईन्दे सिरच्येते बातताङ बान्दा मिडिगो।
होथोक्ते बात ङेन्ला ख्योकोन सुङ छक्के माकेत। च्यिला सासीन मि काल्बेईकी परमेश्वरगी खि साबाते ङेन्दा ताङगीन थे विरोध माक्याथुप थेमे आउदी पाप खित्कान्ते मि मावाथुपनी प्रभु येशू ग्युरला ओङच्येते दिन ओङराङ मेङगो। थे आउदी पाप खित्कान्ते मिकी छ्येज्यीक सजाय ङेत्ला नरककुण्डमा ड्वा फाप्क्यो।
ङिङज्येते फिजावे, सुइँदेकी ङाला दि बात परमेश्वर आत्मेकी सिर च्युताते ईन सिन सिरजीनमेईराङ थोक्ते मि गाङे बात पत्ते माकेत। बरू थेबेकी साबाते बात परमेश्वर आत्मेकी सिर च्युताते ईन्दाकाना मेन्दाका सिन लेमु खाला छ्या स्येबा खि। च्यिला सासीन परमेश्वर बात खित्कान्ते मि ईन सिन मेन्दे बात लोप्कान्ते मिओन सा लुङबा खाङ ठाम्गीन सिन्दा ओत।
ကြော်ငြာတွေ