मत्ती 24:37 - जिरेल

³⁷ परमेश्‍वर ओत्‍सादुई वाबाते मि ङा देमा ग्‍युरला ओङे बेलाला काल्‍बा च्‍योक मि नूहे पालो मि च्‍योकराङ खिन देता ओङगो।

मत्ती 24:37 ပူးပေါင်းရင်းမြစ်များ

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 24:27

चिलाम नाम्‍दाककी खित्‍सादु चिलाम खासुङ सिन छ्या स्‍येबा च्‍योकराङ परमेश्‍वर ओत्‍सादुई वाबाते मि ङा गाङेकी थोङा खाला देमा ग्‍युरला ओङगो। ङा वाबाते ईन्‍दा ना मेन्‍दा सिन सुङगीङ छ्याःङ शंकाराङ खिता माफाबो।

मत्ती 24:3

येशू जैतुन बोमदु देता ओते बेलाला चेलातेबेकी दोन्‍दु गाल्‍गीन “गुरू, खुई आनाङ साबाच्‍योक नाम ओङगीते? थेजीन चुक चुक ओङगीते? थेमे तिरी खो स्‍वर्गनेकी ग्‍युरला ओङच्‍येते थेमे दि जुग सिन्‍च्‍येते बेला लेप्‍तुक सिन चुक खाला छ्या स्‍येच्‍ये?” सिन ठिसुङ।

मत्ती 24:30

थेमे थे बेलाला नामने ताजीन परमेश्‍वर ओत्‍सादुई वाबाते मि ङा ओङा खाबाते थोङगो। थे छोमु ङा छ्येज्‍यीक शक्ति ङेत्‍ला मिगी ताराङ मुथुप्‍च्‍या नाम्‍दाककी झिलिमिली गाल्‍ला मुक्‍पे लाक्‍तु देत्‍ला स्‍वर्गनेकी देमा ओङा थोङला था सजाय ङेत्‍क्‍यो सिन ज्‍यीबेकी लुङबा लुङबे मि गाङेराङ झ्‍याउँ झ्‍याउँ ङुइओ।

मत्ती 24:39

भल ग्‍याकीन वाकीन गाङेला खराप खुरूप उरगीन माखेरथुप चुक मेलेबा ओङगीते सिन थेबा सुङगीङ थाहाराङ माछ्येत्‍सुङ। परमेश्‍वर ओत्‍सादुई वाबाते मि ङा दुरू ग्‍युरला ओङजीनोङ दोकराङ ओङगो।

हिब्रू 11:7

नूहे बात विचार खि। छ्यार्बा ग्‍याप्‍ला भल ग्‍याक्‍यो सिरच्‍येते बात थे बेलासाक थेला छ्याःङ छ्या मेत्‍सीनोङ परमेश्‍वरगी साबाच्‍योक पक्‍काराङ खिओ सिन थेला विश्‍वास खाईन थेकी परमेश्‍वरगी कोताते ङेन्‍सुङ। थे खोरोङ थेमे थे खाम्‍बे मि सुङ भलगी नुप्‍ला स्‍या माफाप्‍स्‍यीत सिन थेकी पानीजहाजज्‍यीक जोसुङ। दोक खाईन परमेश्‍वरगी साबाते ङेन्‍गीन थेकी दि सा लुङबे मि ज्‍येनचेन दोषी ईन सिन तेन्‍गीन बिन्‍सुङ। थेमे थे खोरोङला विश्‍वास खाबेकी खित्‍सादु परमेश्‍वरगी थेला दोषी मेन सिन सासुङ।

२ पत्रुस 2:5

दिकामा मेन, थाङबो थे खोरोङगी साबाते मेङेन्‍कान्‍ते मिओनलाङ परमेश्‍वरगी सा लुङबा खाङ भल ग्‍या च्‍युत्‍कीन गाङेला खराप खुरूप सेता ओतान। थेजीन थे खोरोङगी खि साबाच्‍योक खित्‍कान्‍ते थेमे ज्‍येनलाङ थोकराङ खि सिन याङ याङ लोप्‍कान्‍ते नूहला थेमे ज्‍येन मेरा दुईन मिलाकामा थे भलदुई थार च्‍युता ओतान।

२ पत्रुस 3:6

तिरी परमेश्‍वरगी थे छ्युई भलराङ ग्‍या च्‍युत्‍कीन थेजीन सा लुङबा गाङे खतम जोबा ओतान।