मत्ती 23:34 - जिरेल

³⁴ च्‍यिला सासीन था ङा ख्‍योकोन नाङ परमेश्‍वर बात खित्‍कान्‍ते मिओन, आउदी बुद्धि ओताते मिओन थेमे परमेश्‍वर बात लोप्‍कान्‍तेबाला तोङगो। थेबे नाङ ख्‍योकोनगी कोईला सेत्‍क्‍यो, कोईला स्‍यिङगी थामला टाँए खाला सेत्‍क्‍यो, कोईला खेराङ मिटिङ खित्‍च्‍येते खाम्‍बे नाङला खेरला कोर्रा लै खिओ थेमे कोईलाचेन थेबा जुन जुन सारदु डुइदुक थेरू थेरूराङ गाल्‍ला थेङलेकी उरला तोङगो।

मत्ती 23:34 ပူးပေါင်းရင်းမြစ်များ

मत्ती 10:23

थोक खाला मिओनगी ख्‍योकोनला सारज्‍यीक्‍तु दुक्‍पा तेरजीन थेरू मादेत, ज्‍येनज्‍यीक सारनापा फ्रोला ग्‍युक। ङा दि बात सिओ, ख्‍योकोनगी दाक्‍पोन इस्राएल लुङबे सार सारगी मिला स्‍वर्गे राज्‍य बात लाप्‍कीन मासिन्‍दालाराङ परमेश्‍वर ओत्‍सादुई वाबाते मि ङा दुरू ग्‍युरला ओङगो।

मत्ती 13:52

थेमे थेकी “थोगी थानामेईचेन स्‍वर्गे राज्‍य सिराते च्‍यिन्‍दे, थे चुक्‍ते ईन्‍दे सिन लेमु खाईन छ्या स्‍येबाते धर्मे गुरूओन ओङगो। थेबाचेन खाम्‍बादु जेसुकै खटेन खित्‍कान्‍ते खाम्‍बे धनी च्‍योक्‍ते ईन। चुक खाला सासीन खाम्‍बे धनीकी गोमामेकी साकीन ज्‍याक्‍पाते थेमे भर्खर ज्‍याक्‍पाते सामानतेबा खाम्‍बे मिओनला गोजीन गोजीन जोतकी नाङदुकी थेन्‍दा च्‍योकराङ खाला थेबेकीङ खोपरोङगी गोमामेकी छ्या स्‍येबा ओताते थेमे थरिङोला खोबाते परमेश्‍वर बात ज्‍येनला लोपा थुप्‍क्‍यो,” सिन सिदुक।

मत्ती 23:31

दोक खिन ख्‍योकोनोङ होथे परमेश्‍वर बात खित्‍कान्‍ते मिओनला सेत्‍कान्‍ते खेराङ ज्‍युज्‍यु पुर्खे सन्‍तानराङ ईन सिन तेन्‍ला थेबेकी खाबा च्‍योक्‍ते कामोङ खिदुक।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 11:27

थे बेले नाङलाराङ परमेश्‍वर बात खित्‍कान्‍ते कोई कोई मि यरूशलेमदुकी एन्‍टिओखियापा लिच्‍युङ।

शक्ति काम 12:2

थेकी यूहन्‍ने आज्‍यो याकूबला जुम्‍गीन तरवारगी तुप्‍कीन सेत च्‍युत्‍सुङ।

शक्ति काम 13:1

एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 14:19

थे तिरी एन्‍टिओखियाताङ आइकोनियमदुकी कोई कोई यहूदी थेरू लेप्‍कीन थेरू मिओनला उल्‍के खाईन खोपरोङ छ्य्‌वापा लै खित च्‍युत्‍सुङ। थेमे थे यहूदीओनगी पावलला सेता फाप्‍क्‍यो सिन थेला आउदी खाईन दोईकी ग्‍याप्‍सुङ। थेमे थे स्‍याप्‍सीन सिन थेला सारदुकी ठुत्‍कीन खेरगीन पाङला क्‍युरसुङ।

शक्ति काम 15:32

यहूदाताङ सिलासोङ ङिकाराङ परमेश्‍वर बात खित्‍कान्‍ते मि ओतान। थेबेकी थेरू आज्‍यो न्‍वाओनला चुक चुक खिता फाप्‍कीते सिन लाप्‍कीन बिन्‍गीन जस्‍तोराङ ओङसीनोङ प्रभु येशूला विश्‍वास खिन देता मातोङ सिन आँटोङ बिन्‍सुङ।

शक्ति काम 5:40

थेकी साबाते बात थेरू ओताते छ्ये छ्ये मि गाङेला सेमला गाल्‍सुङ। थेमे थेबेकी येशू ख्रीष्‍टकी खटे खाबाते मिओनला लोईन नाङने काताङगीन पुलिसओनला दुङ च्‍युत्‍कीन च्‍याकीन “लो थरिङमेकी लोक्‍ला नोमुङ येशू बात छ्याःङ सुङलाङ मालोप। दि बात लोपा मेङगो,” साकीन थेरूकी ताङसुङ।

१ कोरिन्‍थी 2:6

ईन्‍सीनोङ बात लेमु खाला खोबा थुप्‍कान्‍ते पाकोते मिओनताङचेन ङ्योकोन बुद्धि बादोङ खिओ। तर ङ्योकोनगी खित्‍च्‍येते बुद्धि बातचेन दि सा लुङबे मिओन थेमे ज्‍येनला राज्‍य खित्‍कान्‍ते मिओनगी खित्‍च्‍येते बुद्धि बात च्‍योक्‍ते मेन। थे छ्ये छ्ये मिनी ङीमाई दाक स्‍यिला थेबेते जेसुकै तोरला डुइओ।

१ कोरिन्‍थी 3:10

परमेश्‍वरगी ङाला दया खाईन थे खोरोङ काम खि साबा ओतेकी ङे खाम्‍बा ज्‍वाप्‍ला आउदी सिपालु ओताते मिकी च्‍योकराङ खाईन जग तिङाप। ज्‍येनगीचेन दि जगी लाक खाम्‍बा जोइन ओत। तर खाम्‍बा जोकान्‍ते मिकी थे खोरोङगी चुक खाला जोइन ओते सिन लेमु खाला छ्या स्‍येबा फाप्‍क्‍यो।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।

१ थिस्‍सलोनिकी 2:16

च्‍यिला सासीन परमेश्‍वरगी ज्‍येन ज्‍येन जातकी मिला पापदुकी डेल्‍स्‍यीत सिन ङ्योकोनगी थेबाला गा लाङच्‍येते बात लोप्‍जीन होथे यहूदीओनगी ङ्योकोनला थुपासम्‍म दुक्‍पा बिन्‍ला थे बात लोप मुज्‍युत्‍तुक। होदोक दोक्‍ते कामकामा खिन देत्‍कीन थानी थेबानी पापकीराङ नुप्‍कीन सिन्‍दा खाईन सिन्‍सुङ। था ईन्‍सीन परमेश्‍वरगी थेबाला स्‍येदाङगी चूर गाल्‍ला सजाय तेरच्‍येते बेला लेप्‍सुङ।

हिब्रू 11:37

कोईला दोईकी ग्‍याप्‍कीन सेता ओतान, कोईला आरेकी काकीन फेक ङि जोकीन सेता ओतान थेमे कोईला तरवारगी तुप्‍कीन सेता ओतान। थोक खाईन ज्‍येनगी थेबाला खेदा खाईन तेरासम्‍म दुक्‍पा बिन्‍दा ओतान। थोक खाबेकी दुक्‍पा ङेत्‍कीन थेबा रा लुगी कोक्‍तेन खोलाक खोन्‍गीन युगीन देता फापा ओतान।

छ्या स्‍ये च्‍युताते बात 11:10

थेबा ङिबो स्‍यिदुक सिन दि सा लुङबे मि गाङेराङ गा खिओ। थेमे दाक्‍पोन दाक्‍पोन नाङ भोज सोला केका तेररीङ खाला आउदी खुशी माने खिओ। च्‍यिला सासीन परमेश्‍वरगी सिर च्‍युताते बात खित्‍कान्‍ते थेबा ङिबोकी दि सा लुङबे मिओनला तेरासम्‍म दुक्‍पा बिन्‍दा ओतान।