मत्ती 23:33 - जिरेल33 छ्यि ख्योकोन ङोचा क्ये मेतातेबा, था तिरी परमेश्वरगी नरककुण्डमा लुच्येते सजायदुकी चुक खाला उम्के खिता थुबोङ साबे? थे सजायदुकी ख्योकोननी थारराङ माथारो। အခန်းကိုကြည့်ပါ။ |
मत्ती 23:33
17 ပူးပေါင်းရင်းမြစ်များ
फरिसी पाटीताङ सदुकी पाटी मिङ काल्बेई थे ओत्सादु वाबा ओतान। थेबेकीङ खोपरोङला छ्युला लुक्ला बप्तिस्मा नाङ सिरजीन यूहन्नेकी थेबाला “छ्यि ख्योकोन ङोचा क्ये मेतातेबा, छ्युला स्यूला बप्तिस्मा लालाकामा परमेश्वरगी था तिरी स्येदाङगी चूर गाल्ला तेरच्येते सजायदुकी थारग्यो सिन खेल्ला सुई सिका? थोक सजिलो खाला थे सजायदुकी माथारो।
ङाचेन ख्योकोनला च्यि सिते सासीन सुइँदा दाक्पोन आज्यो न्वाताङ स्येदाङ खासुङ सासीनकामाङ थेलाङ सजाय तेरा फाप्क्यो। थेमे आज्यो न्वाला खो ङ्येबे ङ्येस्यु सिन सिरकान्ते मिला सजाय बिन सिन छ्ये छ्ये मि रूसादु खेरा फाप्क्यो। थेमे आज्यो न्वाला खोनी ठुङराङ माठुङसीन ओङच्या ओतान सिन सिरकान्ते मिनी झन सजाय ङेत्ला नरककुण्डमा मे नाङराङ स्यूइओ।
यूहन्नेकी लापाते परमेश्वर बात थोकीन ठाउँ ठाउँलेकी आउदी काल्बेई मि छ्युला लुक्ला बप्तिस्मा नाङ सिन थे ओत्सादु ओङाला स्यूसुङ। थेमे यूहन्नेकी थेबाला “छ्यि ख्योकोन ङोचा क्ये मेतातेबा, छ्युला स्यूला बप्तिस्मा लालाकामा परमेश्वरगी था तिरी स्येदाङगी चूर गाल्ला तेरच्येते सजायदुकी थारग्यो सिन खेल्ला सुईचेन सिका? थोक सजिलो खाला थे सजायदुकी माथारो।
ख्योकोनचेन खेराङ आबा शैतानताङ डिक्कान्ते मि ईन। थेमे ख्योकोन खेराङ आबेकी खित्च्येते कामकामा खिता सेम खिदुक। थेकीनी च्याक दि जुग शुरू ओङजीनमेईराङ मि सेत्च्येतेकामा खिन ओत। ईन्दाते बातला थेकी बान्दा गा मिक्किओ। साँचोते बात सिरातेचेन थेकी नोमुङ मिक्किओ। ढाँर खित्च्येतेनी थेते बानीराङ ईन्देकी थेचेन ढाँर खित्कान्ते ईन। ढाँर खित्च्येते सिराते गाङे थे छ्य्वापेईराङ ओङच्येते ईन।
होथोक्ते मिकीनी थोक ज्यीबा लाङच्याई सजाय ङेत्क्यो सासीन परमेश्वर फुज्युङला काम्बे पुज्या छेदोङ गने मिक्किकान्ते, दाक्पोन सेम खुदुक जोच्येते जमान पूरो खित्कान्ते परमेश्वर फुज्युङ ठाकला छ्याःङ काम लै मिक्किच्येते च्योक ठाने खित्कान्ते थेमे मिओनला दया खित्कान्ते परमेश्वर आत्मे विरोध खित्कान्ते मिकी झन चुक ज्यीबा लाङच्याई सजाय ङेदोङा सिन ख्योकोन खेराङराङ विचार खि।
थे नियम मेङेन्कान्तेबेकीनी सजाय ङेता ओतान सासीन परमेश्वरगी मिओनला पापकी सजायदुकी डेल्ग्यो सिरच्येते दोक लेमुते बात माङेन्सीन ङुरूङ चुक खाला सजाय छ्य्वापेई थारगीतेरो? परमेश्वरगी मिला पापकी सजायदुकी डेल्च्येते बात गोमा प्रभु येशूकी लापाते ईन। थेमे थेकी लापाते बात थोकान्तेबेकी थे बात सत्यते ईन सिन ङुरूङला लाप्कीन बिन्दा ओत।
ကြော်ငြာတွေ