मत्ती 23:3 - जिरेल

³ थोगी थेबेकी लापाते बातचेन ङेन्‍ला खि साबा च्‍योकराङ खि। तर थेबेकी खित्‍च्‍येते च्‍योक्‍ते कामचेन माकेत। च्‍यिला सासीन थेबेकी ज्‍येनलाचेन परमेश्‍वर नियमला दोक दोक खि साबा ओत सिन लोप्‍कीदुक। ईन्‍सीनोङ खोपरोङराङ थे नियम मेङेन्‍दुक।

मत्ती 23:3 ပူးပေါင်းရင်းမြစ်များ

मत्ती 21:30

थोकराङ खाईन गोमा छ्येतेला साबाते बात थेकी टेक्‍टेते फुज्‍युङतेलाङ सादुक्‍लो। थेमे थेकीचेन ‘ओङगो आबा, ङा डुइओ,’ सादुक्‍लो। तर थे काम खिताला मागाल्‍दुक्‍लो।

मत्ती 23:2

चुक सासीन “धर्मे गुरूओनताङ फरिसी पाटी मिओनगी परमेश्‍वर नियमला च्‍यि च्‍यि खि साबा ओते सिन मोशेकी च्‍योक खाला मिओनला लोपा ङेत्‍च्‍येतेराङ ईन।

मत्ती 23:4

थेबेकी ज्‍येनलाचेन स्‍यिच्‍या खाईन खुर्बु कुरा च्‍योकराङ खाला दि खि, थे खि सिन परी परी नियम ङेन्‍दा फाप्‍क्‍यो खिदुक। मिओनगी थोक खिता थुप्‍कीता मुथुप्‍ता सिन थेबेकी छ्याःङ विचार मिक्‍किदुक।

शक्ति काम 5:29

थेकी थोक सिरजीन पत्रुसबा गाङेकी “ङ्योकोनगीनी परमेश्‍वरगी खि साबाते ताङला मि बात ङेन्‍दा मेङगो।

रोमी 13:1

थोरूमोङ च्‍यि सासीन लुङबाला राज्‍य खित्‍कान्‍ते मि गाङेला परमेश्‍वरगीराङ थोक खित्‍च्‍येते अधिकार बिन्‍दाते ईन्‍देकी ख्‍योकोन गाङेराङ थेबे अधीनला देता फाप्‍क्‍यो। परमेश्‍वरगी थेबाला थोक खित्‍च्‍येते अधिकार माबिन्‍दा ईन्‍सीन थेबा सुङ ज्‍येनला राज्‍य खित्‍कान्‍ते मि ओङा थुप्‍च्‍या मेतान।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।