मत्ती 23:29 - जिरेल

²⁹ धर्मे गुरूताङ फरिसी पाटी मिवे, था ख्‍योकोनगी ज्‍यीबा लाङच्‍याई सजाय ङेत्‍क्‍यो। ख्‍योकोनचेन खेराङ ज्‍युज्‍यु पुर्खेकी सेताते परमेश्‍वर बात खित्‍कान्‍ते मिओनला आउदी खाला मान खित्‍च्‍या ओतान सिन तेन्‍दाला गोमा थेबा दिसे नाङला थेबे मिनला खाम्‍बा छेतराङ जोदातेन्‍दे थुर्सा जोइदुक। थेमे परमेश्‍वरगी खि साबा च्‍योकराङ खित्‍कान्‍ते मिओन दिसे फेरोला साङ साङ जोला ज्‍य्‌वाकीदुक।

मत्ती 23:29 ပူးပေါင်းရင်းမြစ်များ

मत्ती 23:27

ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। रो ज्‍याक्‍पाते फुकला सागार ग्‍याप्‍नामेई फिनामानी आउदी लेमु थोङगो। तर नाङदुचेन रूल्‍गीन सिन्‍दाते मि रूबाताङ बुकामा ओङगो। ख्‍योकोनोङ सागार ग्‍यापाते होथोक्‍ते फुक च्‍योकराङ दुक।

मत्ती 23:28

ख्‍योकोनगी खिन ओताते काम थोङला ज्‍येनगी ख्‍योकोनचेन परमेश्‍वरगी खि साबाच्‍योक खित्‍कान्‍ते आउदी धर्मती दुका सिन सिओ। ख्‍योकोन परमेश्‍वरगी खि साबाच्‍योक बान्‍दा मिक्‍किकान्‍ते खालि मेलेबा मेलेबा कामकामा खित्‍कान्‍ते मि ईन सिन थेबेकी छ्याराङ मेस्‍येओ।

मत्ती 23:30

थेमे ख्‍योकोन ‘ए, ङ्योकोन थेजीन ओता ईन्‍सीन ङेराङ ज्‍युज्‍यु पुर्खाताङ डिक्‍ला परमेश्‍वर बात खित्‍कान्‍तेबाला थोक खाला सेत्‍च्‍याराङ मेतान,’ सिन छ्ये खिदुक।

शक्ति काम 2:29

थेमे आज्‍यो न्‍वावे, होदि बात खित्‍कान्‍ते ङुरूङ पुर्खा दाऊद गेल्‍बो बातनी ङुरूङ गाङेला लेमु खाला छ्याराङ ओत। थेनी स्‍यिइन दाक रूल्‍गीनोङ गाल्‍सुङ। थेला दिबाते थुर्सा थोरूमसाकोङ ङुरूङ दोन्‍दु ओत्‍कीन ओत।