मत्ती 23:28 - जिरेल28 ख्योकोनगी खिन ओताते काम थोङला ज्येनगी ख्योकोनचेन परमेश्वरगी खि साबाच्योक खित्कान्ते आउदी धर्मती दुका सिन सिओ। ख्योकोन परमेश्वरगी खि साबाच्योक बान्दा मिक्किकान्ते खालि मेलेबा मेलेबा कामकामा खित्कान्ते मि ईन सिन थेबेकी छ्याराङ मेस्येओ। အခန်းကိုကြည့်ပါ။ |
मत्ती 23:28
13 ပူးပေါင်းရင်းမြစ်များ
धर्मे गुरूताङ फरिसी पाटी मिवे, था ख्योकोनगी ज्यीबा लाङच्याई सजाय ङेत्क्यो। ख्योकोनचेन खेराङ ज्युज्यु पुर्खेकी सेताते परमेश्वर बात खित्कान्ते मिओनला आउदी खाला मान खित्च्या ओतान सिन तेन्दाला गोमा थेबा दिसे नाङला थेबे मिनला खाम्बा छेतराङ जोदातेन्दे थुर्सा जोइदुक। थेमे परमेश्वरगी खि साबा च्योकराङ खित्कान्ते मिओन दिसे फेरोला साङ साङ जोला ज्य्वाकीदुक।
थेबेकीनी जे खासीनोङ खोपरोङगी खाबाते काम थोङला ज्येनगी खोपरोङ परमेश्वरला आउदी खाला माने खित्कान्ते मि दुका सिरस्यीत सिरच्ये सेमगीकामा खिओ। चुक सासीन थेबेकीचेन परमेश्वर नियम टिला जोदातेन्दे जन्तर च्योक जोला पाखुराताङ टाले लाई नाङला ठाला खोन्ला ख्याम्गीदुक। थोकराङ खाला खोलाकलाङ झुम्का रीम्बुतेन्दे ताप्ला खोन्गीदुक।
थेबे बात थोकीन येशूकी थेबाला “ख्योकोननी परमेश्वरला छ्ये ज्वाप्ला मेन्देकी मि मिकला छारो देक्पालाका काम खित्च्येते खिदुक। ख्योकोनगी खिन ओताते काम ताला मिओनगी ख्योकोनला लेमु मि ईन सिन मान खिदुक। तर ख्योकोनगी च्यि सेमगी काम खाबाते ईन्दे सिन परमेश्वरला गाङे छ्या ओत। मिओनगी लेमु सासीनोङ ख्योकोनगी खाबाते कामनी परमेश्वरला बान्दा मन परे मिक्किओ।
थेकी थोक खानामेई ज्येन ज्येन जातकी मित्ताङ थोक खाला ठाल्च्येते ठीक मेन सिन छ्या ओत्कीन ओत्कीनोङ थेङला ओताते येशू ख्रीष्टला विश्वास खित्कान्ते ज्येन यहूदीओनगीङ पत्रुसताङ डिगीन थेकी च्योकराङ खिताला स्यूसुङ। थेबा गाङेकी थोक खाबा थोङनामेईनी ङेङ थोकराङ खिता फाप्क्यो सिराच्योक खाईन बारनाबासोङ थे छ्य्वापाराङका लै खासुङ।
ကြော်ငြာတွေ