मत्ती 22:42 - जिरेल

⁴² थेकी थेबाला “ख्‍योकोन चुक सिते याङ? परमेश्‍वरगी तोङगो साबाते ख्रीष्‍ट ख्‍योकोनला सु ईन सिराच्‍योक लाङगीका? थे सुई सन्‍तान ईन्‍दे?” सिन ठिजीन थेबेकी “थे दाऊद गेल्‍बो सन्‍तान ईन,” सिन सिदुक।

मत्ती 22:42 ပူးပေါင်းရင်းမြစ်များ

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 14:33

थोक थोक ओङनामेई डुङ्गाला ओताते चेलातेबेकी थेला मान खिन “प्रभु, खो परमेश्‍वर फुज्‍युङराङ दुका,” सिन से खासुङ।

मत्ती 21:9

थेमे थे गोमाङ तिरीङ ख्‍याम्‍गीन ओताते मिओनगी छेरा खिनकामा “दाऊद सन्‍तानते जय जय ओङस्‍यीत। प्रभु परमेश्‍वरगी देमा ताङाते गेल्‍बो काल्‍बासाक सोन्‍स्‍यीत। थेते जय जय ओङस्‍यीत। स्‍वर्गने देत्‍कान्‍ते प्रभु परमेश्‍वरते जय जय ओङस्‍यीत,” सिन सिराला स्‍यूसुङ।

मत्ती 22:43

थेरूई थेकी “थोक ईन्‍सीन ख्रीष्‍टकी विषयला बात खित्‍जीन चुक खाईन गेल्‍बो दाऊदकी परमेश्‍वर आत्‍मे छ्य्‌वापेई गोमाकाराङ थेला प्रभु सिन साबा ओताने, ओना?

मत्ती 9:27

थेमे येशू थे खाम्‍बादुई ख्‍याम्‍सुङ। थेरूकी ख्‍याम्‍नामेई लामला अन्‍ध मेन्‍दा ङिकी “ए प्रभु, दाऊद गेल्‍बो सन्‍तान, ङ्योकोन दुक्‍पा थोङला नाङ,” सिन छेरा खिनकामा थे तिङ ङ्यासुङ।

यूहन्‍ना 1:49

थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।