मत्ती 22:4 - जिरेल

⁴ थेमे थे गेल्‍बोकी ‘था भोज साप्‍ला ठीक ओङसुङ। स्‍या सेत्‍कीन साप थुङा गाङे ठीक ओङगीन सिन्‍सुङ। थोगी भोज सार स्‍योक्‍लो सि,’ सिन थे मिओनला याङराङ कातोङ ताङदुक्‍लो।

मत्ती 22:4 ပူးပေါင်းရင်းမြစ်များ

मत्ती 21:36

थे स्‍यीङगी धनीकी लोक्‍ला काम खित्‍कान्‍तेबा झन काल्‍बेईला थे खोरोङ बो लिन ताङदुक्‍लो। थेबालाङ थे फेम्‍माला कमे खित्‍कान्‍तेबेकी गोमेतेबाला च्‍योकराङ खादुक्‍लो।

मत्ती 22:5

गेल्‍बोकी थोक खासीनोङ थेबा टेरेराङ मिक्‍किता खाईन दाक्‍पोन दाक्‍पोन कामला ख्‍याम्‍दुक्‍लो। थेबे नाङ दोक्‍पोईचेन स्‍यीङला काम खिता गाल्‍दुक्‍लो, ज्‍येनज्‍यीकचेन बेपार खिता गाल्‍दुक्‍लो।

मत्ती 22:8

थेमे थेकी याङराङ ‘दि फाङमे भोज साप्‍ला ठीक ओङसीनोङ गोमा निम्‍तो खाबाते मिओन माङेन्‍देई था थेबेकी दि भोज नोमुङ सा मेङेदो।

लूका 14:17

साप थुङा गाङे ठीक ओङगीन सिन्‍नामेकी थेकी ‘लो था जेसुकै ठीक ओङसुङ। थोगी गाङेराङ स्‍योक्‍लो,’ सिन निम्‍तो खाबाते मिओनला कातोङ ग्‍युक सिन खाम्‍बादु काम खित्‍कान्‍ते मिज्‍यीकला ताङदुक्‍लो।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?