मत्ती 22:33 - जिरेल

³³ थेकी थोक साबा थोकीन ओहो दिकी चुक अचम्‍ब खाला बात लोप्‍च्‍या ईन्‍दाका सिन थेरू ओताते मि गाङे छकदाङ परे खासुङ।

मत्ती 22:33 ပူးပေါင်းရင်းမြစ်များ

मत्ती 22:22

थेकी थोक सानामेई थेबाला आउदी अचम्‍ब लासुङ। थेकी थोक सितासीन सिन थेबेकी सेमगी छेउलाङ नोबा मेतान। थोगी थेबा ज्‍येनतोक छ्याःङ मिसिरा खाईन खोपरोङ खोपरोङ लाम जुम्‍गीन ख्‍याम्‍सुङ।

मर्कूस 12:17

थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक। थेकी थोक सानामेई थेबाला आउदी अचम्‍ब लासुङ। थेकी थोक सितासीन सिन थेबेकी सेमगी छेउलाङ नोबा मेतान।

मर्कूस 6:2

थेमे सन्‍चारी छोमु थेकी थेरू मिटिङ खित्‍च्‍येते खाम्‍बादु लोपाला स्‍यूसुङ। थेकी लापाते बाततेबा थोनामेई थे युल्‍बाओन छक्‍क परे खिनकामा “आबिई, दिकी दि बाततेबा खापेकी लाप्‍ताका? दोक छ्ये छ्ये बात दिकी चुक खाईन छ्या स्‍येताका? थेमे थोक अचम्‍बते कामओन दिकी चुक खाईन खाताका?

लूका 2:47

थेरू थेकी थे धर्मे गुरूओनगी साबाते बात आउदी लेमु खाईन खोबाते थेमे थेबेकी ठिबाते बातओनोङ आउदी लेमु खाईन लाःपाते थोङजीन थेरू ओताते मिबरी दि चुक अचम्‍बज्‍यीक फिजा ईन्‍दाका सिन छक्‍क परे खासुङ।

लूका 4:22

थेकी खाबाते बात थोजीन थे मिओन छक्‍क परे खिन दिकी लोप्‍कीन ओताते बातनी ङेन्‍गीनराङ देत्‍की सिराच्‍योक दुक सिन बात खिताला स्‍यूसुङ। बात खिन खिन याङराङ थेबेकी “दि सु ईन्‍देरो? यूसुफ फुज्‍युङराङनी ईन,” सिनोङ सासुङ।

यूहन्‍ना 7:46

ठिजीन थेबेकी “आबिई, ङ्योकोननी थेकी बात खाबा थोङगीनराङ ख्‍यारसुङ। थेकी च्‍योक खाईननी ङ्योकोनगीनी थातासाक सुङगीङ बात खिताराङ थोबा मेत,” सिन सिदुक।