मत्ती 22:16 - जिरेल

¹⁶ ठो खाईन थेबेकी खोपरोङ मिओनताङ कोई कोई हेरोद गेल्‍बो पाटी मिओनला येशूताङ बात खित ताङसुङ। थेमे थे मिओनगी येशू ओत्‍सादु लेप्‍कीन “गुरू, मिओनला खुई साँचोते बातकामा खिओ सिन ङ्योकोनला छ्या ओत। परमेश्‍वर बात लोप्‍जीन खो छ्ये छ्ये मि सुङताङ ज्‍यीबा मिक्‍किओ। परमेश्‍वरगी च्‍यि च्‍यि खि साबा ओते सिन छ्ये टेक्‍टे मेडेला खाला खुई गाङेला लेमु खाला लोप्‍क्‍यो।

मत्ती 22:16 ပူးပေါင်းရင်းမြစ်များ

मत्ती 22:24

येशूकी दि बातला च्‍यि सिरच्‍या ईन्‍दाका सिन थेबेकी “गुरू, परमेश्‍वर नियमला मोशेकी ‘सुइँदा फाङमा खाबाते मिते जैजन्‍मराङ मायाङाला थे खोरोङ स्‍यिसुङ सासीन थे स्‍यिकान्‍ते न्‍वाकी आज्‍योतेते सन्‍तान ओङस्‍यीत सिन थे फेम्‍मे मिला खुलाङा फाप्‍क्‍यो। थेमे थेबेते केबाते फिजाचेन आज्‍योतेते च्‍योक ओङगो,’ सिन साबा ओत।

मत्ती 22:26

तर थेङ फिजाराङ माकेबाला स्‍यिदुक्‍लो। थेमे साहिँलाते पालोङ थोकराङ ओङदुक्‍लो। थोक खाईन पुन दुईनकारगी थे फेम्‍मे मित्ताङ फाङमा खाईन फिजाज्‍यीगोङ मेकेबा खाईन स्‍यिदुक्‍लो।

मत्ती 26:18

थेमे थेकी चेलातेबाला खापा ड्वा फाप्‍कीते सिन मिज्‍यीगी मिन लाःप्‍कीन “लो ख्‍योकोन दुरूकी सारनापा ङे थाल्‍ला साबाते मि खाम्‍बापा ग्‍युक। गाल्‍ला थेला ङ्योकोन गुरूते था दुरू देत्‍च्‍येते समय काल्‍बा मेत्‍लो। थोगी थेकी ङ्योकोनताङ खुई खाम्‍बादुराङ दि चाडगी भोज साच्‍यालो सि,” सिन थेरूकी ताङसुङ।

मत्ती 26:49

थोगी थेकी ज्‍येनतोक बात छ्याःङ मिक्‍किता खाईन येशू खादु गाल्‍गीन “नमस्‍ते गुरू,” सिनकामा थेला पुक खासुङ।

मर्कूस 10:17

थेमे येशू थेरूई ख्‍याम्‍बा खाबा ओते बेलाला मिज्‍यीगी छ्य्‌वाकीन वाकीन थे काम्‍बाला से खिन “गुरू, खो लेमु मि ईन सिन ङाला छ्या ओत। थोगी नोमुङ मिसिन्‍च्‍येते जुनी ङेताला ङे च्‍यि खिता फाप्‍कीते, लाप्‍ला नाङना,” सिन सिदुक।

मर्कूस 12:13

थेरूई गाल्‍नामेई थेबेकी येशूकी खाबाते बातला खइँदा गल्‍ती तेन्‍दा थुप्‍कीता सिन विचार खाईन कोई कोई फरिसी पाटी मि थेमे हेरोद गेल्‍बो पाटी मिओनला येशूताङ बात खित ताङसुङ।

मर्कूस 12:14

थेमे थे मिओनगी येशू ओत्‍सादु लेप्‍कीन “गुरू, मिओनला खुई साँचोते बातकामा खिओ सिन ङ्योकोनला छ्या ओत। परमेश्‍वर बात लोप्‍जीन खो छ्ये छ्ये मि सुङताङ ज्‍यीबा मिक्‍किओ। परमेश्‍वरगी च्‍यि च्‍यि खि साबा ओते सिन छ्ये टेक्‍टे मेडेला खाला खुई गाङेला लेमु खाला लोप्‍क्‍यो। थोगी ङ्योकोन गुरू खोल्‍ला बातज्‍यीक ठामीन। ङुरूङगी रोमी गेल्‍बोला तिरो ज्‍येला परमेश्‍वर नियमताङ डिगीताना मिडिक्‍ते?

मर्कूस 3:6

थेकी थे मि लाक्‍पा ठाक्‍पा खानामेकी थे फरिसी पाटी मिओन मिटिङ खित्‍च्‍येते खाम्‍बादुकी गाल्‍सुङ। थेमे हेरोद गेल्‍बोताङ डिक्‍कान्‍ते मिओनताङ ठेता खाईन येशूला सेता फाप्‍क्‍यो सिन ठो खिताला स्‍यूसुङ।

मर्कूस 8:15

थे बेलालाराङ येशूकी थेबाला “फरिसी पाटी मिओन थेमे हेरोदताङ स्‍योबेनला लुच्‍येते सोडा ओत। थे सोडा खेराङला मेतेरस्‍यीत सिन ख्‍योकोन च्‍याङबो खिसा है,” सिन सिदुक।

लूका 20:21

बात खिन थेबेकी येशूला “गुरू, मिओनला खुई साँचोते बातकामा खिओ। थेमे छ्ये टेक्‍टे मिसिरा खाला गाङेला परमेश्‍वरगी च्‍यि च्‍यि खि सिका सिन लेमु खाला लोप्‍क्‍यो सिन ङ्योकोनला छ्या ओत।

लूका 7:40

थे सेमगी बात छ्या स्‍येकीन येशूकी थेला “शिमोन, ङा खोल्‍ला बातज्‍यीक ठामीन,” सिन सिदुक। थोक सिरजीन थेकी “ओङगो गुरू, च्‍यि बात ईन्‍दे लो सि,” सिन सिदुक।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

२ कोरिन्‍थी 2:17

ईन्‍सीनोङ मि काल्‍बेईकी खोपरोङ फाइदे लाईदु खाबाच्‍योक खाला ङ्योकोननी ङेराङ फाइदे लाईदु परमेश्‍वर बात मोलोबो। बरू ख्रीष्‍टताङ जीउज्‍यीकराङ ओङा ओतेकी परमेश्‍वर दोन्‍दुराङ दि काम खिन ओत सिराच्‍योक खाला सेमदु छ्याःङ पापताङ लोभ मोज्‍योबा खाला ङ्योकोनचेन परमेश्‍वरगी ङेराङला जिम्‍मा बिन्‍दाते काम खिओ।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ कोरिन्‍थी 5:16

दोक ईन्‍देकी था ङ्योकोन ज्‍येन मिकी च्‍योक खाला दाक्‍पोनला सु मि चुक्‍ते ईन सिराच्‍योक लाङगीका थे थोक्‍तेराङ ईन सिराच्‍योक खाला बात मिक्‍किओ। गोमा गोमाबा ङेङ ख्रीष्‍टला थेनी दोक्‍तेताङ थोक्‍तेका ईन सिन साबा ओतान। थाचेन ङा नोमुङ थोक मिक्‍किओ।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

गलाती 2:6

येशू ख्रीष्‍ट मिओनगी छ्येते मि ईन साबाते होथे मिओनगीचेन ङे लोप्‍कीन ओताते बातकी लाक्‍तु ज्‍येनोङ दोक दोक सिन लोप सिन सुङगीङ छ्याःङ मासासुङ। ईन्‍दानी थेबा गोमामेकी छ्ये टेक्‍टे जस्‍तो मि ईन्‍सीनोङ दोक्‍ते बात ङाला छ्याःङ मेन सिराच्‍योक लाङगीदुक। परमेश्‍वरगी मि छ्येत ताला काम मिक्‍किओ।

१ थिस्‍सलोनिकी 2:4

ङ्योकोनलानी परमेश्‍वरगीराङ दिबेकी ङे साबा च्‍योकराङ खिओ सिन गा लाङच्‍येते बात लोप्‍च्‍येते काम जिम्‍मा बिन्‍दाते ईन। थोगी ङ्योकोननी मिओनला खुशी ज्‍वाप्‍ला मेन्‍देकी ङेराङ सेमगी नाङ च्‍यि दुका सिन लेमु खाला छ्या स्‍येकान्‍ते परमेश्‍वर खुशी ओङस्‍यीत सिन गा लाङच्‍येते बात लोप्‍क्‍यो।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।