मत्ती 21:25 - जिरेल

²⁵ लो दि बात ङाला सिते ओना, मिओनला छ्युला लुक्‍ला बप्‍तिस्‍मा तेरकान्‍ते यूहन्‍नाला थे काम खि सिन परमेश्‍वरगी ताङाते ईन्‍दाना मिकी ईन्‍दे?” सिन सिदुक। थोक सानामेई थेबाबरी था च्‍यि सिरापना च्‍यि सिराप गाल्‍गीन खोपरोङ नाङ दोक सिन ठो खिताला स्‍यूसुङ। “था दिला च्‍यि सिरच्‍ये? यूहन्‍नाला थे काम खिताला परमेश्‍वरगी ताङाते ईन सिइ सासुङ सासीन दिकी ङुरूङला च्‍यिला थे बात माङेन्‍दे सिरच्‍या ओङसुङ।

मत्ती 21:25 ပူးပေါင်းရင်းမြစ်များ

मत्ती 16:7

थेकी च्‍यि साबाते ईन्‍ताका सिन माखोबेकी चेलातेबेकीचेन “ङुरूङगी साच्‍येते खुला माबाकीका गुरूकी दोक साबा ईन्‍दा च्‍यिन्‍दा,” सिन खोपरोङ नाङ बात खासुङ।

मत्ती 21:24

थोक सिरजीन थेकीङ “लो ङाङ ख्‍योकोनला बातज्‍यीक ठामीन। दि बात लाःप्‍सीन दुरू दोक खित्‍च्‍येते अधिकार ङाला सुई बिन्‍दाते ईन्‍दे सिन ङा ख्‍योकोनला लाःप्‍क्‍यो।

मत्ती 21:26

मेन मिकीका ताङाते ईन सिइ सासीन मिओनगी ङुरूङला सेत्‍कीता सिरच्‍ये ज्‍यीबा ओङसुङ। च्‍यिला सासीन यूहन्‍ना परमेश्‍वर बात खित्‍कान्‍ते मि ओतान सिन मि गाङेकी थेला मान खिओ सिन ङुरूङला छ्या ओत,” सिन बात खासुङ।

लूका 14:4

तर थेबाबरी बातज्‍यीगोङ मिक्‍किता खाईन खाराक्‍पा देत्‍सुङ। येशूकीचेन थे मिला लाक्‍पेकी दोकीन बोबाते गाङे स्‍युर च्‍युत्‍सुङ। थेमे खाँपा ग्‍युक सिन थेरूई ताङसुङ।

लूका 20:5

थोक सानामेई थेबाबरी था च्‍यि सिरापना च्‍यि सिराप गाल्‍गीन खोपरोङ नाङ दोक सिन ठो खिताला स्‍यूसुङ। “था दिला च्‍यि सिरच्‍ये? यूहन्‍नाला थे काम खिताला परमेश्‍वरगी ताङाते ईन सिइ सासुङ सासीन दिकी ङुरूङला च्‍यिला थे बात माङेन्‍दे सिरच्‍या ओङसुङ।

यूहन्‍ना 1:15

यूहन्‍नेकी परमेश्‍वर फुज्‍युङ सु ईन्‍दे सिन मिओनला लाप्‍कीन बिन्‍सुङ। थेकी मि गाङे दोन्‍दु थेला छ्या स्‍येबा खाला तेरगीन “ङे ख्‍योकोनला गोमामेई ‘था ङे तिरी मिज्‍यीक ओङगो, थेचेन ङा भन्‍दा छ्येते ईन। थेनी ङा क्‍या भन्‍दाङ गोमामेई ओत्‍कीन ओतान,’ सिन साबाते मिचेन दिराङ ईन,” सिन बात खासुङ।

यूहन्‍ना 1:6

थेमे परमेश्‍वरगी यूहन्‍ना सिराते मिला मिओन नाङ ताङसुङ।

यूहन्‍ना 3:18

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

१ यूहन्‍ना 3:20

खइँदा खानामेई कहिले कहिले ङुरूङला ङे च्‍यिला थोक खाताका सिन मेलेबा लाङगो। थोक लाङजीन ङुरूङगी ङे सेमगी बात परमेश्‍वरला छ्या मेताते मेन, थे खापान खापान छ्ये ईन, थेकी छ्या मेस्‍येच्‍येते बात छ्याःङ मेत सिरच्‍येते बात टोक ज्‍येता मेङगो।