मत्ती 21:23 - जिरेल

²³ थेरूई येशू सारनापा लेप्‍कीन परमेश्‍वर मन्‍दिरदु गाल्‍गीन मिओनला लोपाला स्‍यूसुङ। थोक खाला लोप्‍जीन छ्ये छ्ये पूजारीताङ यहूदीओन छ्ये छ्ये मि दोन्‍दु वाकीन थेला “खो दुरू मन्‍दिरदु वाला मिओनला लोप्‍च्‍येते थेमे मिओनला दुरूई तेन्‍ला तोङच्‍येते खुईते च्‍यि अधिकार ओते? खोल्‍ला दोक खि सिन सुई कोत्‍सुङा?” सिन सिराला स्‍यूसुङ।

मत्ती 21:23 ပူးပေါင်းရင်းမြစ်များ

मत्ती 20:4

‘ए होइबावे, ख्‍योकोनोङ बरू ङे स्‍यीङला काम खित ग्‍युक। ङा ख्‍योकोनला थोई तेरा डिगीका ताला निमेक तेरग्‍यो,’ सिन सानामेई

मत्ती 21:24

थोक सिरजीन थेकीङ “लो ङाङ ख्‍योकोनला बातज्‍यीक ठामीन। दि बात लाःप्‍सीन दुरू दोक खित्‍च्‍येते अधिकार ङाला सुई बिन्‍दाते ईन्‍दे सिन ङा ख्‍योकोनला लाःप्‍क्‍यो।

मत्ती 24:1

दि गाङे बात खाईन सिन्‍नामेई येशू परमेश्‍वर मन्‍दिरदुकी थेन्‍गीन ख्‍याम्‍सुङ। थे बेलालाराङ चेलातेबा थे खादु वाकीन “तोना गुरू, दि मन्‍दिर थोई लेमु दुका आङ,” सिन थेला थेङला तेन्‍दा चाल्‍सुङ।

मत्ती 26:55

थेला थोक साकीन च्‍याकीन थे खोरोङला जिन ओङकान्‍ते मिओनला “ङाला जिन्‍दाला च्‍यिला तरवार जेरगीन थेमे फेर्का खुरगीन ओङा फाप्‍सुङारो? च्‍यि ङा डाँका ईनरो? ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देत्‍ला मिओनला लोप्‍कीन ओतान, मेन? थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ।

लूका 19:47

थेमे ङीमे ठाङमा येशू मन्‍दिरदु गाल्‍ला मिओनला लोप्‍कीन ओतान। छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मिकीचेन थेला सेता छोल्‍गीन ओतान।

लूका 20:1

ङीमाई याङराङ येशू मन्‍दिरदु देत्‍ला मिओनला गा लाङच्‍येते बात च्‍यि ईन्‍दे सिन लोप्‍कीन ओतान। दोक खाला लोप्‍कीन ओते बेलाला छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मिकी दोन्‍दु वाकीन थेला

शक्ति काम 4:7

थोक खाईन थेबाबरी जम्‍मा ओङसादु पत्रुसताङ यूहन्‍नालाङ क्‍याल्‍सुङ। थेमे थेबेकी थेबा ङिबोला “लो ङ्योकोनला सिते, ख्‍योकोन ङिबोकी दि कुज्‍येला सुई शक्तिकी खित्‍सादु ख्‍याम्‍बा थुप्‍च्‍या जोबे? सुई मिन लाकीन दोक खाबे?” सिन ठिसुङ।

शक्ति काम 7:27

थे अन्‍याय खित्‍कान्‍तेकी थेला ‘दुरू ङ्योकोनला दोक सिरच्‍या खो सु ईन्‍दे? खोल्‍ला दुरू सुई ङ्योकोन निसाफ खित्‍कान्‍ते मि जोकीन ताङसुङा?