मत्ती 21:10 - जिरेल

¹⁰ थोक खिन येशू यरूशलेमपा ख्‍योल्‍सुङ। थेपा ख्‍योल्‍जीन थेरू सार खाङ हल्‍ला खल्‍ला ओङगीन थेरू मिओनगी “दि मि सु ईन्‍दे?” सिन येशूताङ ओताते मिओनला ठाप्‍ला स्‍यूसुङ।

मत्ती 21:10 ပူးပေါင်းရင်းမြစ်များ

मत्ती 2:3

थे खोरोङ राज्‍यदु गेल्‍बो ओङाला फिजाज्‍यीक केबा ओत सिन थोनामेई हेरोद गेल्‍बो सेमला ठङगे स्‍यूसुङ। थेमे थेत्ताङ यरूशलेम मि गाङेराङ ज्‍यीबेकी थरावरी गाल्‍सुङ।

मत्ती 21:11

थेमे थेबेकी “दि परमेश्‍वर बात खित्‍कान्‍ते येशू ईन। दि गालील अञ्‍चल नासरतपे मि ईन,” सिन लाःप्‍सुङ।

मत्ती 21:9

थेमे थे गोमाङ तिरीङ ख्‍याम्‍गीन ओताते मिओनगी छेरा खिनकामा “दाऊद सन्‍तानते जय जय ओङस्‍यीत। प्रभु परमेश्‍वरगी देमा ताङाते गेल्‍बो काल्‍बासाक सोन्‍स्‍यीत। थेते जय जय ओङस्‍यीत। स्‍वर्गने देत्‍कान्‍ते प्रभु परमेश्‍वरते जय जय ओङस्‍यीत,” सिन सिराला स्‍यूसुङ।

लूका 20:2

“खो दुरू मन्‍दिरदु वाला मिओनला लोप्‍च्‍येते थेमे मिओनला दुरूई तेन्‍ला तोङच्‍येते खुईते च्‍यि अधिकार ओते? खोल्‍ला दोक खि सिन सुई कोत्‍सुङा?” सिन सिराला स्‍यूसुङ।

लूका 5:21

थेकी थोक सिरजीन थेरू ओताते धर्मे गुरूओनताङ फरिसी पाटी मिओनगीचेन मिकी खाबाते पाप माफ खाबान सिरकान च्‍यि दि परमेश्‍वर ईनरो? दिकीनी परमेश्‍वर विरोध खासुङ। मिकी खाबाते पापनी परमेश्‍वरगीकामा माफ तेरा थुप्‍क्‍यो सिन विचार खिताला स्‍यूसुङ।

लूका 7:49

येशूकी थेला थोक साबा थोकीन थेरू साप सेइन ओताते ज्‍येन ज्‍येन डोम्‍बोकीङ खोपरोङ नाङ “दिकी चुक खाला मि पाप माफ तेरा थुप्‍कीते? दि चुकस्‍यिक मि ईन्‍दाका,” सिन बात खिताला स्‍यूसुङ।

लूका 9:9

गेल्‍बो हेरोदकीचेन “यूहन्‍नालानी ङे ङाराङगीराङ गोः तुप्‍कीन सेत च्‍युताते ईन। थेमे दि येशू सिराते मिकी अचम्‍ब लाङच्‍येतेन्‍दे काम खिदुक्‍लो। दि सु ईन्‍ताका?” सिन सासुङ। थेमे थे सु ईन्‍दाका सिन थेकी येशूला ठेता खिता छोल्‍गीनराङ देत्‍सुङ।

यूहन्‍ना 2:18

येशूकी थोक खानामेई यहूदीओनते छ्ये छ्ये मिकी वाकीन “खुईते दुरू दोक खित्‍च्‍येते खइँदा अधिकार ओत्‍सीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

शक्ति काम 9:5

थोक सिरा थोकीन शावलगी “खो सु ईन्‍दे प्रभु?” सिन ठिजीन लोईन थेकी “ङा येशू ईन। खुई खेदा खाबाते ङालाराङ ईन।