मत्ती 20:34 - जिरेल

³⁴ थेबेकी थोक खाबा थोङगीन येशूला ङिङज्‍ये लासुङ। थोगी थेकी थेबे मिगी थोङस्‍यीत सिन लाक्‍पेकी थेबे मिक दोकीन बिन्‍सुङ। थोक खिताईताङ थेबे मिक दाक थोङच्‍या गाल्‍सुङ। थोक ओङनामेई थेबा ङिबोङ येशूताङराङ ख्‍याम्‍सुङ।

मत्ती 20:34 ပူးပေါင်းရင်းမြစ်များ

मत्ती 14:14

थे खोरोङ थेपा लेप्‍ला डुङ्गादुकी फाप्‍जीन थेकी गोमाका थेपा लेपाते होथे ङोला ङ्वा मुथुप्‍च्‍ये मि थोङसुङ। थेबाला थोङजीन थेला आउदी ङिङज्‍ये लासुङ। थेमे थेकी थेबे नाङ नाबा ओतातेबाला ठाक्‍पा खाईन बिन्‍सुङ।

मत्ती 15:32

थे तिरी येशूकी चेलातेबाला दोन्‍दु काताङगीन “दि मिओन दोक खाईन देताते थोङजीन ङाला आउदी ङिङज्‍ये लासुङ। दिबा दुरू ङात्ताङराङ देताते ङीमा सुम गाल्‍गीन सिन्‍सुङ। दिबाताङ साच्‍येतेङ छ्याःङ मिन्‍दुक। था तुक्‍पाराङ खाँपा ग्‍युक सिन ताङसीन ख्‍याम्‍गीन ख्‍याम्‍गीनलाराङ दिबा त्‍वाबेकी स्‍याङ थुप्‍क्‍यो,” सिन सिदुक।

मत्ती 20:33

थेमे थेबा ङिकारगी “ङ्योकोनगी मिगी थोङा ङेत्‍स्‍यीत प्रभु,” सिन सासुङ।

मत्ती 21:1

थेबाबरी डुइनराङ ओतान। था यरूशलेमदु लेपाला थोक थारी मेतान। थेबा जैतुन बोमदु बेथफागे सिराते युलनापा लेपा खाबा ओतान। थेरू लेप्‍नामेकी येशूकी चेलातेबा मेन्‍दा ङिला दोन्‍दु काताङगीन

मत्ती 8:15

थेमे थे ठाक्‍स्‍यीत सिन येशूकी थे लाक्‍पाला दोसुङ। दोक खिताईताङ थेते ठास्‍युम दाक छ्याक्‍सुङ। थेमे थेकी लाकीन येशूला सिन साप जोकीन बिन्‍सुङ।

मत्ती 9:29

थेबेकी थोक सानामेकी थेकी थेबे मिकला दोइनकामा “लो ओना, ख्‍योकोनगी ङाला विश्‍वास खाबा च्‍योकराङ ओङस्‍यीत,” सिन सिदुक।

मत्ती 9:36

थोक खाला ख्‍याम्‍जीन थे खोरोङ ओत्‍सादु ओङकान्‍ते हूलताङ हूल मिला थोङजीन थेला आउदी ङिङज्‍ये लाङगीन ओतान। च्‍यिला सासीन जेसुकै पीरताङ तापकी खित्‍सादु खापाङ छ्याःङ आश खित्‍च्‍येते लामराङ मेतेई सेम स्‍यिइन थेबा गोठाला मेताते लुक च्‍योकराङ गाला ओतान।

मर्कूस 7:33

थोक सानामेकी थेकी थे मिला हूलदुकी टिक्‍पी फजेकपा खेरगीन थे नामज्‍योक ङिकारला लाक्‍पे जु लुक्‍सुङ। थेरूई थे खोरोङ जुला थुक खाईन थे जुकी थे मि च्‍येलाला दोसुङ।

लूका 18:43

येशूकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थे परमेश्‍वरते जय जय खिन येशूताङराङ ख्‍याम्‍सुङ। थोक अचम्‍बते काम ओङा थोङगीन थेरू ओताते मि गाङेकीङ परमेश्‍वरते जय जय खासुङ।

लूका 22:51

थेमे येशूकी थेला “दोक माकेत, थे तरवार स्‍योक,” साकीन थे नामज्‍योक छ्येताते मि नामज्‍योक दोकीन लोक्‍ला जस्‍तो तस्‍तो जोकीन बिन्‍सुङ।

लूका 7:13

थे फेम्‍मे मिला थोङगीन प्रभु येशूला आउदी ङिङज्‍ये लासुङ। थेमे थेकी थेला “ए आज्‍यी, दोक खाला माङु, ङ्वा माफाबो,” साकीन

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

हिब्रू 2:17

थोगीराङ थेला थे खोरोङ न्‍वाओन च्‍योकराङ ओङा फाप्‍सुङ। थोक खाईन मि पाप माफ ओङस्‍यीत सिन थेचेन परमेश्‍वर दोन्‍दु मिओनगी खाबाते पाप माफ नाङ सिरकान्‍ते गाङे भन्‍दा छ्येते पूजारी ओङा ओत। थेकी मिओनला दया खिओ। थे थे खोरोङगी खिओ साबा च्‍योकराङ खित्‍कान्‍ते ईन।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।