मत्ती 20:27 - जिरेल

²⁷ झन ज्‍येन ज्‍येनला कोत्‍कान्‍ते मि ओङा छोल्‍कान्‍तेकीनी ज्‍येनला दुक्‍पा मेतेरा खाला थे खोरोङराङ ज्‍येनगी कोताते ङेन्‍कान्‍ते योक्‍पो च्‍योक ओङा फाप्‍क्‍यो।

मत्ती 20:27 ပူးပေါင်းရင်းမြစ်များ

मत्ती 18:4

ङा ङाराङ ईन सिराच्‍योक मिक्‍किकान्‍ते होदि फिजा च्‍योक्‍ते मिराङ स्‍वर्गे राज्‍यदु गाङे भन्‍दा छ्येते ओङगो।

मत्ती 20:26

तर ख्‍योकोनगीचेन थे गेल्‍बोओनगी खिताच्‍योक माकेत। ख्‍योकोन नाङ छ्ये ओङा छोल्‍कान्‍ते मिकीचेन छ्ये खिता साटोला सुइँदे खाम्‍बादु काम खित्‍कान्‍ते मि च्‍योक ओङला काम खिता फाप्‍क्‍यो।

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

लूका 22:26

तर ख्‍योकोनगीचेन थे गेल्‍बोओनगी खिताच्‍योक माकेत। ख्‍योकोन नाङ छ्येतेकी ज्‍येनला दुक्‍पा मेतेरा खाला थे खोरोङराङ ज्‍येनगी कोताते ङेन्‍कान्‍ते मि च्‍योक ओङा फाप्‍क्‍यो। थेमे ख्‍योकोन नाङ ज्‍येनला कोत्‍कान्‍ते मिकीङ सुइँदे खाम्‍बादु काम खित्‍कान्‍ते मि च्‍योक ओङला काम खिता फाप्‍क्‍यो।

रोमी 1:14

ग्रीक ईन्‍स्‍यीत, थेबा छेत काल्‍बा बात छ्या मेस्‍येकान्‍ते मि ईन्‍स्‍यीत, पढे खाबाते मि ईन्‍स्‍यीत, पढे माक्‍याबाते ईन्‍स्‍यीत छ्ये टेक्‍टे गाङेला ङे गा लाङच्‍येते बात लोपाराङ फाप्‍क्‍यो।

२ कोरिन्‍थी 11:5

ख्‍योकोनला होथोक्‍ते बात लोप्‍कान्‍ते खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 12:15

थोक ईन्‍देकी ख्‍योकोनला लेमु ओङस्‍यीत सिन ङाङ स्‍याप स्‍याप खाला दुक्‍पा खाला खाला काम खिओ। ङानी ख्‍योकोन लाईदु ङाराङ ज्‍यानराङ तेरा फाप्‍सीनोङ नाइँ मिसिरो। ङे ख्‍योकोनला दोक आउदी ङिङज्‍ये खानामेई च्‍यि ख्‍योकोनगी ङालाङ थोजोराङ ङिङज्‍ये खिता माफाबो?

२ कोरिन्‍थी 4:5

थेमे ङ्योकोन ज्‍येनगी ङेराङला आउदी लेमु मि दुका सिरस्‍यीत सिन दि बात लोप्‍च्‍येते मेन। येशू ख्रीष्‍टराङ छ्ये ईन, थेराङ गाङेते मालिक ईन सिन ङ्योकोन मिओनला लोप्‍क्‍यो। थोक ईन्‍देकी ङ्योकोनचेन थेला मान खिन ख्‍योकोन काम खित्‍कान्‍ते मि च्‍योकराङ ईन।