मत्ती 20:21 - जिरेल

²¹ थेमे थेकी “खुई च्‍यि सिरा चाले? ङे खुई लाईदु च्‍यि खिता फाप्‍सुङ?” सिन सिरजीन थेकी “था तिरी गुरू खो गेल्‍बो ओङला राज्‍य खित्‍जीन ङेते दि फुज्‍युङ ङिबोचेन खुई फारताङ छुरला देता ङेत्‍स्‍यीत,” सिन सिदुक।

मत्ती 20:21 ပူးပေါင်းရင်းမြစ်များ

मत्ती 18:1

थेमे थे बेले नाङपाराङ चेलातेबेकी येशू खादु वाकीन “गुरू, स्‍वर्गे राज्‍यदु देता ङेत्‍कान्‍ते मिओन नाङ गाङे भन्‍दा छ्येते सु ईन्‍दे?” सिन ठिसुङ।

मत्ती 19:28

थोक सिरजीन थेकी चेलातेबा गाङेला “ईन ईन, ख्‍योकोनगी च्‍यि खाबा ओते सिन ङाला गाङे छ्या ओत। ङा ख्‍योकोनला चुक सिते सासीन दि जुग सिन्‍गीन स्‍वर्गे राज्‍य पूरो खाईन वानामेई परमेश्‍वर ओत्‍सादुई वाबाते मि ङा गेल्‍बो देत्‍च्‍येते सिंहासनदु देत्‍ला राज्‍य खित्‍जीन ख्‍योकोनगीङ सिंहासन च्‍युन्‍ङी लाक्‍तु देत्‍ला ङात्ताङराङ राज्‍य खिता ङेत्‍क्‍यो। थेमे ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ।

मत्ती 20:22

थोक सिरजीन येशूकी थेबा पुन ङिबोला “ख्‍योकोनचेन स्‍वर्गे राज्‍यने मान ङेत्‍ला देता छोल्‍गीदुक। थेने छ्ये ओङला देत्‍च्‍येते चुक ईन्‍दे सिन ख्‍योकोनला छ्या मिन्‍दुक। च्‍यि ङे भोगे खिता फाप्‍च्‍येते दुक्‍पा ख्‍योकोनगीङ भोगे खिता थुप्‍क्‍यो?” सिन सिरजीन थेबेकी “थुप्‍क्‍यो,” सिन सिदुक।

मत्ती 20:32

थेबा छेरा खाबाते थोकीन येशू रकस्‍यिक थेरूराङ गुकीन थेबा ङिबोला काताङगीन च्‍याकीन “ङाला च्‍यिला काताङे? ङे च्‍यि खिता फाप्‍सुङा?” सिन ठिसुङ।

मर्कूस 10:51

थेमे येशूकी थेला “ङाला च्‍यिला काताङे? ङे च्‍यि खिता फाप्‍सुङा,” सिन ठिसुङ। थेमे थेकी “ङे मिगी थोङा ङेत्‍स्‍यीत गुरू,” सिन सासुङ।

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

मर्कूस 6:22

भोज सासादु वाकीन हेरोदियास फुमुकी बाक चेसुङ। थेकी बाक चेबाते गेल्‍बो हेरोदला थेमे थेरू भोज सार वाबाते गाङेला आउदी लेमु लासुङ। थेमे खुशी ओङगीन गेल्‍बोकी थेला “खुई जे नाङ खासीनोङ ङा तेरग्‍यो, खो च्‍यि नाङ सिते?

लूका 18:41

“खुई ङाला च्‍यिला काताङे? ङे च्‍यि खिता फाप्‍सुङा,” सिन ठिसुङ। थेमे थेकी “ङे मिगी थोङा ङेत्‍स्‍यीत प्रभु,” सिन सासुङ।

लूका 19:11

येशू यरूशलेमदु लेपा लेपा खाबा ओतान। थेत्ताङ ख्‍याम्‍बा ओताते मिओनगी थेकी खाबाते बातताङ कामतेबा थोबा ओतान, थोङाङ ओतान। थोगी थे मिओनगी था परमेश्‍वरगी राज्‍य खित्‍च्‍येते समय ओङा खाबाक्‍वा सिन विचार खिन ओतान। थेबेकी विचार खाबाच्‍योक होत्ताराङ मेङगो सिन येशूकी थेबाला दि कथा सिराला स्‍यूसुङ।

लूका 22:24

थेमे चेलातेबेते खोपरोङ नाङ सु छ्ये ईन्‍दे सिरच्‍येते बातला थोम्‍मु स्‍योरसुङ।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

शक्ति काम 1:6

थोक खाला ठेते बेलालाराङ ङीमाई थेबेकी थेला “प्रभु, था खुई ङुरूङ इस्राएलीओनते गोमा तोराते राज्‍य दाक्‍पोन लाःक्‍तु लाला राज्‍य खिओ मेन?” सिन ठिसुङ।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

रोमी 8:34

थोकराङ खाला था सुङगीङ थेबाला सजाय मेतेरो। च्‍यिला सासीन येशू ख्रीष्‍ट थेबे लाईदु स्‍यिइन सिन्‍दा ओत। थे थोक खाईन स्‍याप्‍तेकामा मेन, स्‍यिसादुकी समेदोङ सोम्‍बो लोगीन थानी परमेश्‍वर सामे छ्य्‌वापा देता ओत। थेमे थेरू देत्‍ला थेकी ङुरूङ लाईदु थेत्ताङ बात खाला तेरग्‍यो।

कलस्‍सी 3:1

परमेश्‍वरगी ख्‍योकोनला ख्रीष्‍टताङराङ सोम्‍बो लोगीन साम्‍बाते जुनी बिन्‍दा ओत। थोगी था ख्‍योकोनगी स्‍वर्गने सु ओते, चुक चुक ओङगीते सिन थेने बात विचार खि। स्‍वर्गनेचेन ख्रीष्‍ट ओत, थे थेने परमेश्‍वर सामे छ्य्‌वापा देता ओत सिन टोक माज्‍येत।