मत्ती 20:20 - जिरेल

²⁰ थेमे थे तिरी जब्‍दी फेम्‍मेकी थे मोरोङ फुज्‍युङतेबा ङिबोला थे दोन्‍दुराङ क्‍याल्‍गीन येशूला से खिन “गुरू, ङा खोल्‍ला बातज्‍यीक खितामीन,” सिन सासुङ।

मत्ती 20:20 ပူးပေါင်းရင်းမြစ်များ

मत्ती 10:2

थोक खाईन थेकी खटे खाबाते मेन्‍दा च्‍युन्‍ङी नाङ दोक्‍पोईचेन शिमोन ओतान। थेला पत्रुस सिनोङ मिन ज्‍याक्‍पा ओतान। ज्‍येन मेरा च्‍युच्‍यीकचेन शिमोन आज्‍यो अन्‍द्रियास, जब्‍दी फुज्‍युङ ङिबो याकूबताङ थे न्‍वा यूहन्‍ना,

मत्ती 14:33

थोक थोक ओङनामेई डुङ्गाला ओताते चेलातेबेकी थेला मान खिन “प्रभु, खो परमेश्‍वर फुज्‍युङराङ दुका,” सिन से खासुङ।

मत्ती 15:25

थोक सिरजीनोङ थे फेम्‍मे मिकीचेन थेला गुर्बु खाला से खिन “थोक ईन्‍सीनोङ प्रभु, ङालाङ मद्धत नाङ, ओर्च्‍ये,” सिन सासुङ।

मत्ती 2:11

थेमे थे खाम्‍बादु लेप्‍ला नाङने स्‍यूला ताजीन थेबेकी थेरू थे फिजाताङ आमाते मरियमला थोङसुङ। थेरूई थेबेकी गुर्बु खाईन मान खिन थे फिजाला से खासुङ। से खाईन च्‍याकीन थे फिजाला सिन खुलाबाते सेर, धूप थेमे आउदी स्‍यीम्‍बुज्‍यीक बास्‍ना चले खित्‍च्‍येते मूर्र सिराते केकातेबा खुर्बुदुई थेन्‍गीन थेला बिन्‍सुङ।

मत्ती 27:56

थेबे नाङ मरियम मग्‍दलिनी, याकूबताङ योसे आमा मरियम थेमे जब्‍दी फुज्‍युङबा ङिबो आमाङ ओतान।

मत्ती 28:17

थेरू लेप्‍नामेकी थेबेकी थेला ठेत्‍कीन खोबुकला देत्‍कीन थेला मान खासुङ। ईन्‍सीनोङ थेबा कोई कोईकीनी थे सोम्‍बो लोगीन थेरू वाबाते ईन्‍दा मेन्‍दा सिन शंकाङ खासुङ।

मत्ती 4:21

थेरूई टिक्‍पी फजेकपा गाल्‍नामेकी थेकी याङराङ ज्‍येन पुन ङिलाङ थोङसुङ। थेबा ङिबोचेन जब्‍दी फुज्‍युङ याकूबताङ यूहन्‍ना ओतान। थेबा ङिबो आबातेताङराङ डुङ्गे नाङ देत्‍ला ङ्या सेत्‍च्‍येते जाल तुने खिन ओतान। थेमे येशूकी थेबा पुन ङिबोलाङ थेत्ताङ ख्‍याम्‍बाला स्‍योक सिन काताङसुङ।

मत्ती 8:2

थेमे थे बेलालाराङ जेबोज्‍यीक थे दोन्‍दु ख्‍योल्‍गीन मान खिन खोबुकला देत्‍कीनकामा थेला “खुई ङाला ठाक्‍पा खिता चाल्‍सीन ङा ठाक्‍च्‍या ओतान आङ प्रभु,” सिन सासुङ।

मर्कूस 15:40

थेरू फेम्‍मे मिओनोङ येशूला च्‍यि च्‍यि ओङच्‍या ईन्‍दाका सिन आदो थारीलाराङ देत्‍ला तेइन ओतान। थेबे नाङ मरियम मग्‍दलिनी, कान्‍छाते याकूबताङ योसे आमा मरियम थेमे सलोमी ओतान।