मत्ती 20:2 - जिरेल

² थेमे थे बेले ङीमाज्‍यीक निमेक हिसाबकी चाँदी डबलज्‍यीक तेरच्‍या खाईन थेकी खेतालाओन चाल्‍गीन काम खिताला ताङदुक्‍लो।

मत्ती 20:2 ပူးပေါင်းရင်းမြစ်များ

मत्ती 18:28

थोक ओङनामेई थे मि थेरूई गाल्‍दुक्‍लो। थेमे डोजीन लामला थेकी थे खोरोङ च्‍योकराङ गेल्‍बो काम खित्‍कान्‍ते र्‍वाज्‍यीकला ठेत्‍तुक्‍लो। थेला थेते पैसा टिक्‍पीस्‍यिक लिन्‍च्‍या ओताक्‍वालो। थेमे थेकी थे र्‍वातेला ज्‍यीर खाप्‍कीन ज्‍यीङबाला जुम्‍गीन ‘लो ङे पैसा थाल्‍ला दुरूराङ झट्ट खोरच्‍योक,’ सिन ताङराङ माताङदुक्‍लो।

मत्ती 20:1

थोरूमोङ बात खिन येशूकी “परमेश्‍वरगी स्‍वर्गे राज्‍यदु काम खित्‍जीन दि कथाला साबा च्‍योकराङ खाला खिओ। चुक सासीन बाजिई ठाउँज्‍यीक्‍तु अंगूर खेती खित्‍कान्‍ते स्‍यीङगी धनीज्‍यीक ओतानलो। ङीमाई थे खेताला ङेत्‍से नाङपा ङोमुका खेताला छोल गाल्‍दुक्‍लो।

मत्ती 20:13

थेबेकी थोक खित्‍जीन थे स्‍यीङगी धनीकी थेबे नाङ दोक्‍पोईताङ बात खिन ‘त्‍वा बाबुवे, ङे ख्‍योकोनला तेरग्‍यो साबा छेत निमेक दाक बिन्‍दा ओत। ख्‍योकोन खेराङराङ थोस्‍यिकलाराङ काम खिओ सिन ङेन्‍दाते ईन, मेनरो? च्‍यि ङे ख्‍योकोनला खइँदा अन्‍याय खासुङ ओना?

मत्ती 20:3

थे तिरीङ थे नौ बजे नाङपा गोमा गाल्‍से नाङपाराङ गाल्‍दुक्‍लो। थेमे थेरू छ्याःङ काम माङेत्‍कीन जोगे जोगे लाकीन देताते मिओनला थोङगीन थेकी

मत्ती 20:9

थेमे थेकीङ मालिकतेकी साबा च्‍योकराङ खाईन पाँच बजे नाङपा काम खित गालातेबाला चाँदी डबल रेरे निमेक बिन्‍दुक्‍लो। थोकराङ खाईन ज्‍येनतेबा गाङेलाङ चाँदी डबल रेरेराङ बिन्‍दुक्‍लो।

मत्ती 22:19

खै ख्‍योकोनगी तिरो ज्‍येल्‍च्‍येते डबलज्‍यीक ङाला नाङते,” सिन सिदुक। थेरूई थेबेकी चाँदी डबलज्‍यीक थेला बिन्‍सुङ।

मत्ती 9:37

थोगी थेकी चेलातेबाला “स्‍यीङदु थोक्‍पा रूक्‍पा फाप्‍च्‍येते बाली काल्‍बेई ओत्‍कीन खेतालाचेन टिक्‍पीईकामा ओत्‍सीन स्‍यीङगी धनीला ज्‍येनोङ खेताला गोच्‍या दुक सिन सिरा फाप्‍क्‍यो मेन? थोकराङ खाला ज्‍येनला परमेश्‍वर बात लोप्‍कान्‍ते मि टिक्‍पीईकामा ओतेकी थोक्‍ते मि काल्‍बेई फेल छ्युत सिन ख्‍योकोनगी परमेश्‍वरला प्रार्थना खि। च्‍यिला सासीन स्‍वर्गे राज्‍यदु स्‍यूक्‍पा छोल्‍कान्‍ते मि आउदी काल्‍बेई दुक,” सिन सिदुक।

मर्कूस 12:15

ङ्योकोनगी थेला तिरो ज्‍येला फाप्‍कीताना माफाप्‍ते?” सिन सासुङ। थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी थेबाला “ख्‍योकोन च्‍यिला ङे सेम ता छोल्‍गीते? खै ङाला चाँदी डबलज्‍यीक नाङते। थेमे ङा ख्‍योकोनला सिरामीन,” सिन सिदुक।

लूका 1:15

च्‍यिला सासीन प्रभु परमेश्‍वरगी थेला छ्येज्‍यीक काम खित ज्‍युत्‍क्‍यो। थेकी छ्याङ रक्‍सी सिराते नोमुङ थुङा मेङगो। थे केजीनमेईराङ परमेश्‍वर आत्‍मेकी खाङाते मि ओङगो।

लूका 10:35

थेमे ङारो च्‍योक्‍ते थेकी हुटेल धनीला चाँदी डबल ङि थेन्‍ला तेरगीन ‘लो दि मिला साप थुङा बिन। थेमे लेमु खाला स्‍याहार सुसार खि। ज्‍येन ल्‍हाक्‍पा खर्च लै खासीन थे ङा लोक्‍ला दुरू ओङजीन ज्‍येलामीन,’ सिन साकीन गाल्‍दुक्‍लो,” सिन सिदुक।

लूका 20:24

“खै ङाला चाँदी डबलज्‍यीक नाङते,” साकीन च्‍याकीन “दि डबलला सुई गोः नक्‍सा दुका? थेमे सुई छाप दुका?” सिन ठिसुङ। थोक सिरजीन थेबेकी “रोमी गेल्‍बोते,” सिन सासुङ।

२ तिमोथी 3:15

थेमे च्‍याक फिजामेईराङ खोरोङगी दि बात चुक खाईन ङेन्‍गीन वाबाते ईन्‍दे सिन टोक माज्‍येत। परमेश्‍वर बात ताला येशू ख्रीष्‍टला विश्‍वास खित्‍कान्‍ते मिओनला थेकी पापदुकी डेल्‍ग्‍यो सिन खुई लेमु खाला छ्या स्‍येक्‍यो।

छ्या स्‍ये च्‍युताते बात 6:6

थेमे थे ङेपाक ओताते थरी स्‍यीबो नाङ दोक्‍पोईकी थे तराजु खुरा ओतातेला “ङीमाज्‍यीक काम खाला ङेत्‍च्‍येते पैसेकी मिकी था कि किलोज्‍यीक ठा कि किलो सुम जौकामा ङ्य्‌वा थुप्‍क्‍यो। मोर्गु छिरच्‍येते जैतुन दोङबो थेमे छ्याङ जोच्‍येते अंगूर दोङबोओनचेन नाश मातोङ,” सिन साबा ङे थोसुङ।