मत्ती 20:16 - जिरेल

¹⁶ दोक साकीन च्‍याकीन थेकी चेलातेबाला “दि कथाला साबा च्‍योकराङ मिओनगी विचार खाबा च्‍योकचेन तिरी मेङगो। थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन तिरी छ्ये ओङगो। थरिङोला छ्ये ओतातेबाचेन तिरी छ्ये मेङगो,” सिन सिदुक।

मत्ती 20:16 ပူးပေါင်းရင်းမြစ်များ

मत्ती 19:30

थेमे दि बादोङ ङेन। थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन तिरी छ्ये ओङगो। थरिङोला छ्ये ओतातेबाचेन तिरी छ्ये मेङगो,” सिन सिदुक।

मत्ती 21:31

लो था ख्‍योकोन सिते, थेबा ङिबो नाङ खाङगी आबातेकी कोताते ङेन्‍सुङा?” सिन सिरजीन थेबेकी “छ्येतेकीराङ ङेन्‍सुङ,” सिन सिदुक। थेमे थेकी थेबाला “दि बात ङेन। च्‍यि सासीन कर लिन्‍कान्‍ते मिओन थेमे रन्‍डीओन ख्‍योकोन भन्‍दाङ गोमा परमेश्‍वर राज्‍यने स्‍यूक्‍पा ङेत्‍क्‍यो।

मत्ती 22:14

थोगी बात दिराङ ईन। च्‍यि सासीन स्‍वर्गे राज्‍यने स्‍यू सिन मि काल्‍बेईला साबा ओङगो। ईन्‍सीनोङ थेने स्‍यूक्‍पाला छाने खाबाते मिओनचेन टिक्‍पीईराङ ओङगो,” सिन सिदुक।

मत्ती 7:13

थेमे स्‍वर्गने डोच्‍येते लामगी गोचेन टेक्‍टेस्‍यिक ओत। थे गोने खाला स्‍यू। सजिलो खाला स्‍यूक्‍पा थुप्‍च्‍येते जोदाते गोचेन नरककुण्‍डमा डोच्‍येते लामगी गो ईन। थे गोदुकी स्‍यूला सजिलो खाला ख्‍याम्‍बा थुप्‍च्‍येते लामला डोकान्‍ते मिचेन काल्‍बेई ओङगो।

मर्कूस 10:31

थेमे दि बादोङ ङेन। थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन थेजीन छ्ये ओङगो। थरिङोला छ्ये ओतातेबाचेन तिरी छ्ये मेङगो,” सिन सिदुक।

लूका 14:24

तर ङे थोङलाका निम्‍तो खाबाते मिओनगीचेन दि भोज खाङगीङ साराङ मेङेदो,’ सिन सादुक्‍लो,” सिन सिदुक।

लूका 15:7

थोगी ङा ख्‍योकोनला च्‍यि सिते सासीन थे तोराते लुक ङेत्‍नामेकी ख्‍योकोन गा खाबा च्‍योकराङ पापीज्‍यीगीकामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन स्‍वर्गने परमेश्‍वरताङ थे दूतओनोङ गा खिओ। परमेश्‍वरलानी धर्मतीते मि आउदी काल्‍बेई भन्‍दाङ थे खोरोङ छ्य्‌वापा लै खित्‍कान्‍ते पापीज्‍यीकका काल्‍बेई ईन्‍दाच्‍योक लाङगो।

लूका 7:47

थोगी खोल्‍ला ङा दि बात सिओ। च्‍यि सासीन दिकी काल्‍बेई पाप खाबा ओत्‍सीनोङ थे गाङे माफ ओङा ओत। थे गुन थोङगीनराङ दिकी ङाला दोक आउदी खाईन मान खाबाते ईन। पाप काल्‍बा माक्‍याबाते मिला थे पाप माफ बिन्‍सीन माफ तेरकान्‍तेला थेकी थोक काल्‍बा मान मिक्‍किओ,” सिन सिदुक।

रोमी 5:20

थोक ईन्‍सीन परमेश्‍वरगी मिओनला च्‍यिला थे खोरोङ नियम बिन्‍सुङा सिनोङ बात थेन्‍ग्‍यो मेन? नियम ओत्‍सीनोङ थेरू खिता मेङगो साबा साबाराङ खाला झन झन पाप खित्‍च्‍याक्‍वा सिन मिओनगी छ्या स्‍येस्‍यीत सिनराङ परमेश्‍वरगी थे नियम बिन्‍दा ओतान। दोक खाईन मिओन झन पाप खित्‍कान गाल्‍सीनोङ थेबे पाप माफ तेराला परमेश्‍वरगी थेबाला झन आउदी दया खाबाते ईन।

रोमी 8:30

थेमे परमेश्‍वरगी गोमामेई थे खोरोङ फुज्‍युङ च्‍योकराङ ज्‍वा चालाते मिओनला थे खोरोङ दोन्‍दु स्‍योक सिन काताङगीन च्‍याकीन दोषी मेन सासुङ। थोक खानामेई थेकी थेबाला मान बिन्‍गीन थे खोरोङगी ज्‍वा चाला च्‍योकराङ लेमु जोसुङ।

रोमी 9:30

थोगी बातचेन दोकराङ ईन। च्‍यि सासीन ज्‍येन ज्‍येन जातकी मिकी परमेश्‍वरगी खोपरोङला दोषी मेन सिरस्‍यीत सिन छ्याःङ माक्‍यासीनोङ परमेश्‍वरगीराङ थेबाला दोषी मेन सिदुक। परमेश्‍वरगी खोपरोङला दोषी मेन सिओ सिन थेबेकी थेला विश्‍वास खाबेकी खित्‍सादुराङ थेकी थेबाला थोक्‍ते मि ईन सिन साबाते ईन।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।