मत्ती 2:6 - जिरेल

⁶ चुक सासीन ‘बेथलेहेमला यहूदिये लुङबे नाङ ओताते ज्‍येन ज्‍येन सार भन्‍दा टेक्‍टेते सिन सुङगीङ सिरा मेङगो। च्‍यिला सासीन थेरू गेल्‍बोज्‍यीक केइओ। थेमे थेकीराङ ङाराङगी छाने खाबाते इस्राएलीओनला लेमु खाला राज्‍य खिओ,’ सिन साबा ओत,” सिन सासुङ।

मत्ती 2:6 ပူးပေါင်းရင်းမြစ်များ

मत्ती 2:1

येशू यहूदिये अञ्‍चलते बेथलेहेम सिरसादु केबा ओतान। थेजीन थे अञ्‍चलदु हेरोद गेल्‍बो राज्‍य खिन ओतान। येशू केनामेकी टिक्‍पी तिरी च्‍यि ओङसुङा सासीन पूर्वे छ्य्‌वापे लुङबे नाङपेई कोई कोई ज्‍योतिषी यहूदिये अञ्‍चल यरूशलेम सारदु लेप्‍सुङ।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

यूहन्‍ना 21:16

लोईन थेकी थेला “योआनेस फुज्‍युङ शिमोन, च्‍यि खो ङाला पक्‍काराङ ङिङज्‍ये खिओ?” सिन सिदुक। थेमे थेकी “उँ प्रभु, ङे खोल्‍ला ङिङज्‍ये खिओ सिन खोल्‍ला छ्याराङ ओत,” सिन सिदुक। थेमे थेकी “ङे लुकओनला लेमु खाला गोठाला खि,” सिन सिदुक।

यूहन्‍ना 7:42

च्‍यि परमेश्‍वर बातला ख्रीष्‍ट दाऊद गेल्‍बो सन्‍तान नाङ केइओ। थेमे थाङबो दाऊद गेल्‍बो केकीन हुर्के खाबाते बेथलेहेम युलदुराङ केइओ सिन साबा मेतरो?” सिन सिदुक।

एफिसी 1:22

दोक खाईन थेकी जो ईन्‍सीनोङ जे ईन्‍सीनोङ गाङेपा गाङेला ख्रीष्‍टकी अधीनलाराङ ज्‍याक्‍पा ओत। दोक खाला गाङेपा गाङेला राज्‍य खित्‍कान्‍ते ख्रीष्‍टलाराङ थेकी गाङेपा जम्‍मा ओङकान्‍ते येशू ख्रीष्‍ट मिओनतेङ छ्येते जोसुङ। दोक खाईन ख्रीष्‍टचेन थे खोरोङ मिओनते गोः च्‍योक ओङसुङ।

कलस्‍सी 1:18

दोस्‍यिककामा मेन, मि जीउकी गोः च्‍योकराङ थे खोरोङ मिओनते छ्येतेचेन ख्रीष्‍टराङ ईन। येशू ख्रीष्‍ट मिओनचेन थे जीउ च्‍योक ईन। थेचेन थे जीउकीते गोः च्‍योक ईन। मिओनला थे खोरोङ मि जोकान्‍ते थेमे स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍ते थेराङ ईन। सा नाम खाङ ओताते जोबाते जति जो ईन्‍स्‍यीत जे ईन्‍स्‍यीत, थे खोरोङ मि ईन्‍स्‍यीत होदिबा गाङेते जहिलेङ जे कुरोलाङ ख्रीष्‍टकामा छ्येते ओङा फाप्‍क्‍यो सिन परमेश्‍वरगी होदोक दोक ओङ च्‍युताते ईन।

हिब्रू 7:14

ङुरूङगी बात खाबाते पूजारीचेन प्रभु येशूराङ ईन। थेचेन यहूदे थरदु केबाते ईन। दि थरगी नाङदुई पूजारी ओङच्‍येते बात मोशेकी छ्याःङ टिबा मेतान।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।

छ्या स्‍ये च्‍युताते बात 7:17

च्‍यिला सासीन सिंहासन किल्‍दु ओताते लुई रीउकी थेबाला लेमु खाला गोठाला खिओ। थेकी थेबाला छ्युई मोनगी नाङला टीला खेरग्‍यो। थे मोनगी छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थेमे परमेश्‍वरगी थेबे मिगी मिकच्‍युक पिला तेरग्‍यो,” सिन सिदुक।