मत्ती 2:23 - जिरेल

²³ नासरत सिराते सारदु देत्‍सुङ। थोक खाईन मिओनगी तिरी थे फिजाला चुक सिते सिन परमेश्‍वर बात खित्‍कान्‍ते मिओनगी साबाते बात साबा च्‍योकराङ ओङसुङ। थेबेकी चुक साबा ओताने सासीन “थेला मिओनगी नासरी सिन सिओ,” साबा ओतान।

मत्ती 2:23 ပူးပေါင်းရင်းမြစ်များ

मत्ती 1:22

मरियमगी दोक खाला फुज्‍यीमा खुरला फिजा केच्‍येते बात प्रभु परमेश्‍वरगी थे खोरोङ बात खित्‍कान्‍ते मिला थाङबोका दोक सिन सिर च्‍युता ओतान। थेकी साबाते बात साबा च्‍योकराङ ओङसुङ।

मत्ती 21:11

थेमे थेबेकी “दि परमेश्‍वर बात खित्‍कान्‍ते येशू ईन। दि गालील अञ्‍चल नासरतपे मि ईन,” सिन लाःप्‍सुङ।

मत्ती 26:71

थोक साकीन थे टिक्‍पी फजेकपा गाल्‍गीन देत्‍सुङ। लोईन ज्‍येनज्‍यीक फेम्‍मे मिकी थेला थोङगीन “दि मिङ नासरतपे येशूताङराङ ओतान,” सिन थेरू ज्‍येनतेबाला लाःप्‍सुङ।

मर्कूस 1:24

“ए नासरतपे येशू, खुई सेमला पाप सिराते छ्याःङ मेत, खोल्‍ला परमेश्‍वरगी ताङाते ईन सिन ङाला छ्या ओत। खो ङ्योकोनला दुक्‍पा तेराला च्‍यिला वाबे? ङ्योकोनला था नरककुण्‍डमा तोङच्‍या ईनज्‍योक मेन?” सिन सासुङ।

मर्कूस 1:9

यूहन्‍ना दोक खिन ओते बेलाला येशू गालील अञ्‍चलदु फाप्‍च्‍येते नासरतदुकी यूहन्‍ना ओत्‍सादु लेप्‍सुङ। थेमे यूहन्‍नेकी थेला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

लूका 1:26

एलीशिबेकी फुज्‍यीमा खुराते दावा ङा छाङगीन ठुकला स्‍यूबा ओतान। थे बेलालाराङ परमेश्‍वरगी थे खोरोङ दूत गब्रिएलला कर्नेते फेम्‍मे फिजाज्‍यीक ओत्‍सादु लोनज्‍यीक लाःपाला ताङसुङ। थे फेम्‍मे फिजा गालील अञ्‍चलते नासरत सिराते सारदु देत्‍कीन ओतान। थे मिन मरियम ओतान। थेला यूसुफ सिराते मिला नाङ खाबा ओतान। यूसुफचेन दाऊद गेल्‍बो सन्‍तान ओतान।

लूका 18:37

थेमे येशूताङ ख्‍याम्‍गीन ओताते मिओनगी थेला “नासरतपे येशू ओङगीन दुक,” सिन लाःप्‍सुङ।

लूका 2:39

परमेश्‍वर नियमला खि साबाते कामबरी खाईन सिन्‍नामेकी यूसुफताङ मरियम फिजा खुरगीन यरूशलेमदुकी गालील अञ्‍चल नासरत सारनापा ग्‍युरगीन गाल्‍सुङ। थेबे खाम्‍बा नासरतदुराङ ओतान।

यूहन्‍ना 18:5

थेमे थेबेकी “नासरतपे येशूला चालाप,” सिन सिरजीन थेकी “थे मि ङाराङ ईन,” सिन सिदुक। थेला धोका तेरकान्‍ते यहूदाङ थेरू थे मिओनताङराङ ओतान।

यूहन्‍ना 18:7

लोईनराङ थेकी “ख्‍योकोनगी सुला चाले?” सिन सिरजीन थेबेकी “नासरतपे येशूला चालाप,” सिन सिदुक।

यूहन्‍ना 19:19

पिलातसकी पाटीज्‍यीकला “दि नासरतपे येशू यहूदीओन गेल्‍बो ईन” सिन टिक च्‍युता ओतान। थेमे थे पाटी थेला टाँए खाबाते स्‍यिङगी थामला ठोके खाईन ज्‍याक्‍पा ओतान।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 24:5

च्‍यि सासीन दि लेमु मि मेन। दिनी ज्‍यीबा लाङच्‍या मेलेबा खालगी मिका ईन। दि गाङेपा यहूदीओन ओत्‍सा ओत्‍साला गाल्‍ला थेबाला हूलदङ्गा खित ज्‍युत्‍कीदुक। थेमे नासरी सिराते पाटी मिओनते छ्येते मिङ दिराङ ईन।