मत्ती 2:13 - जिरेल13 थोक खाईन थे ज्योतिषीओन गाल्नामेकी थे छोमु ग्वासेराङ यूसुफकी मिलामला प्रभु परमेश्वर दूतज्यीकला थोङसुङ। थेमे थे दूतकी थेला “यूसुफ, खोक ल्वा थेमे दि फिजाताङ आमातेला टीला दुरूकी छिटो मिश्रे लुङबामा ग्युक। लोईन ङे छ्याःङ मासाथुपचेन थेमाराङ देत। च्यिला सासीन हेरोद गेल्बोकी दि फिजाला सेता चाल्ला दुक,” सिन बात खासुङ। အခန်းကိုကြည့်ပါ။ |
मत्ती 2:13
29 ပူးပေါင်းရင်းမြစ်များ
थेमे थे खोरोङला सिसा साबाते बात छ्याःङ मिसिरा खाईन ज्योतिषीओन खोपरोङ लुङबापा ग्युरगीन गालाते बात छ्या स्येनामेई हेरोद गेल्बोला स्येदाङगी मे बारसुङ। दोक ओङनामेकी थेकी थे फिजाला मासेताला मेङगो सिन बेथलेहेमताङ थे फेरोला ओताते युलगी नाङला लो ङि छाङातेताङ थे चावादु ख्योओ फिजाबरी गाङे सेत च्युत्सुङ। ज्योतिषीओनगी येशू केबाते छ्या स्ये ज्युत्च्येते कार्मा थेन्दाते समय गोमाका थेला लाःप्कीन बिन्दा ओतेकी हेरोद गेल्बोकी येशूचेन कि लो ङिकी नाङ कि थे चावादु ओङा फाप्क्यो सिन थोक खाईन थे फिजाओन सेत च्युता ओतान।
थेमे थेबा सुमबोकी “मिल्टेरी क्याप्टेन कर्नेलियसकी खोल्ला लाला खोरच्योक सिन ङ्योकोनला देपा ताङसुङ। थे परमेश्वरला आउदी खाला माने खित्कान्ते लेमु मि ईन। थेला यहूदीओनगीङ गाङेकी मन परे खाला दुक। खोल्ला थे खाम्बापा लाला खुलाला च्याला खुई साबाते बाततेबा ङेन सिन थेला परमेश्वर दूतज्यीगी सिदुक्लो। थोगी ङ्योकोन खोल्ला लिन्दाला देपा वाबाते ईन,” सिन सिदुक।
थेमे थे फेम्मे मिला थे मोरोङला देते लाईदु परमेश्वरगी रीला ठीक खाबाते ठाउँसाक लेपाला फुरला ड्वा थुप्स्यीत सिन आउदी जोदाज्यीक खोकालीङ स्योक्पा बिन्सुङ। थे रूलगी थेला छ्याःङ मेलेबा खिता मुथुप्स्यीत सिन लो सुमताङ दावा ठुकसाक थेला गोच्येते जति बिन्ला च्याला ताप्ला परमेश्वरगीराङ री नाङपा ठाउँ ठीक खाबा ओतान।
ကြော်ငြာတွေ