मत्ती 19:9 - जिरेल

⁹ थोगी ङा ख्‍योकोनला च्‍यि सिते सासीन सुइँदेकी फेम्‍मेते ज्‍येन मित्ताङ लै खाबा मेत्‍सीनोङ थेला ताङगीन ज्‍येन खुला लिच्‍युङ सासीन थेकी रन्‍डीबाजी खाबाते ईन। थेमे सुइँदेकी थोक खाईन ताङाते फेम्‍मे मिला खुला लिच्‍युङ सासीन थेकीङ रन्‍डीबाजीराङ खाबाते ईन,” सिन सिदुक।

मत्ती 19:9 ပူးပေါင်းရင်းမြစ်များ

मत्ती 19:10

थेकी दि बात सानामेई चेलातेबेकी “फाङमा खानामेई ख्‍यावा फेम्‍मे बात गुरूकी साबा च्‍योकराङ ईन्‍सीन बरू फाङमा मिक्‍किता खाला देताराङ लेमु दुका,” सिन सासुङ।

मत्ती 19:8

थेमे थेकी “ख्‍योकोन परमेश्‍वर बात ङेन्‍दा सेम मिक्‍किकान्‍ते मि ईन्‍देकीराङ मोशेकी फेम्‍मे तोङा छोल्‍कान्‍तेबेकी फर्स्‍ये टिकीन बिन्‍नामेकी तोङा ओङगो सिन साबाते ईन। तर गोमा परमेश्‍वरगी मिओन थेमे जेसुकै जोजीनचेन थोक खाला फेम्‍मे तोङच्‍येते बात छ्याःङ ओतराङ मेतान।

मत्ती 5:32

ङाचेन ख्‍योकोनला च्‍यि सिते सासीन सुइँदेकी फेम्‍मेते ज्‍येन मित्ताङ लै खाबा मेत्‍सीनोङ थेला ताङसुङ सासीन थेकी फेम्‍मेतेला रन्‍डीबाजी खित च्‍युताते ईन। थेमे सुइँदेकी थोक खाईन ताङाते फेम्‍मे मिला खुला लिच्‍युङ सासीन थेकीङ रन्‍डीबाजी खाबातेराङ ईन।

लूका 16:18

च्‍यि सासीन सुइँदेकी दाक्‍पोन फेम्‍मे ताङगीन ज्‍येन खुला लिच्‍युङ सासीन थेकी रन्‍डीबाजी खाबाते ईन। थेमे सुइँदेकी थोक खाईन ताङाते फेम्‍मे मिला खुला लिच्‍युङ सासीन थेकीङ रन्‍डीबाजीराङ खाबाते ईन,” सिन सिदुक।

१ कोरिन्‍थी 5:1

थेमे ज्‍येन बात काल्‍बा च्‍योक मि खानापेई ङे च्‍यि थोकीका सासीन ख्‍योकोन नाङ मेराज्‍यीक आबातेकी खुलाबाते फेम्‍मे मि थे खोरोङ आमा टिक्‍पी फाप्‍च्‍येतेताङ ख्‍यावा फेम्‍मे च्‍योकराङ ओङगीन देत्‍ला दुक्‍लो। थोक मेलेबा कामनी परमेश्‍वरला छ्या मास्‍येबाते मिओनगीङ नोमुङ मिक्‍किओ।

१ कोरिन्‍थी 7:39

थेमे दाक्‍पोन ख्‍योबो सोन सोनसाक फेम्‍मे मि नोमुङ माठाला खाला दाक्‍पोन ख्‍योबोताङराङ देता फाप्‍क्‍यो। ख्‍योबोते स्‍यिनामेईचेन सेम लासीन थेकी थे मोरोङ खुशीकी ज्‍येनताङ फाङमा खिता थुप्‍क्‍यो। तर थे ख्‍योओ मिङ प्रभु येशू मिराङ ओङा फाप्‍क्‍यो।

१ कोरिन्‍थी 7:4

फेम्‍मे मिकी दाक्‍पोन खुशी खिता मेङगो। थेला ख्‍योबोते हक लै खिओ। थोकराङ खाला ख्‍योओ मिकीङ दाक्‍पोन खुशी खिता मेङेदो। थेला फेम्‍मेते हक लै खिओ। थेमे थेबेकी दोक्‍पोईकी ज्‍येनज्‍यीक खाँचो टारे खिता फाप्‍क्‍यो।