मत्ती 19:6 - जिरेल

⁶ थोगी ख्‍योओ मिताङ फेम्‍मे मिचेन जीउ ङि च्‍योक मेन, जीउज्‍यीकराङ ईन। थोक खाईन परमेश्‍वरगीराङ ख्‍योओ मिताङ फेम्‍मे मिला जीउज्‍यीकराङ ओङला ङ्योम्‍बुराङ देताला जोबाते ईन्‍देकी थेबा ठाला मेङगो, ज्‍येनगी डेलाङ मेङगो,” सिन सिदुक।

मत्ती 19:6 ပူးပေါင်းရင်းမြစ်များ

मत्ती 19:5

थेमे थेजीनराङ थेकी ‘थोगीराङ मि दाक्‍पोन आबा आमाताङ ठाल्‍ला फेम्‍मेतेताङ ङ्योम्‍बुराङ देताला डुइओ। थेमे थेबा ङिबो जीउज्‍यीकराङ ओङगो,’ सिन साबा ओतान।

मत्ती 19:7

लोईन थेबेकी “थोक ईन्‍सीन मोशेकीचेन च्‍यिला परमेश्‍वर नियमला ‘फेम्‍मे तोङा छोल्‍कान्‍तेबेकी फर्स्‍ये टिकीन बिन्‍नामेकी तोङा ओङगो,’ सिन साबाते ईन्‍दे ओना?” सिन सासुङ।

मर्कूस 10:9

थोक खाईन परमेश्‍वरगीराङ ख्‍योओ मिताङ फेम्‍मे मिला जीउज्‍यीकराङ ओङला ङ्योम्‍बुराङ देताला जोबाते ईन्‍देकी थेबा ठाला मेङगो, ज्‍येनगी डेलाङ मेङगो,” सिन सिदुक।

रोमी 7:2

फाङमे बातराङ विचार खि। परमेश्‍वर नियमला फाङमे बात चुक ओते सासीन फाङमा खाबाते फेम्‍मे मि ख्‍योबो मास्‍यिथुप ज्‍येनताङ ड्वा मेङगो। ख्‍योबोते स्‍यिसीनकामा थे ज्‍येनताङ गाल्‍सीन ओङगो सिन साबा ओत।

एफिसी 5:28

थोगी होदि बात विचार खाला ख्‍योओ मिवे, दाक्‍पोन ज्‍यानला माया खिता च्‍योकराङ खाला ख्‍योकोनगी खेराङ फेम्‍मेला ङिङज्‍ये खि। फेम्‍मेला ङिङज्‍ये खित्‍कान्‍ते मिकीचेन दाक्‍पोन ज्‍यानलाराङ माया खाबाते ईन।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।