5 थेमे थेजीनराङ थेकी ‘थोगीराङ मि दाक्पोन आबा आमाताङ ठाल्ला फेम्मेतेताङ ङ्योम्बुराङ देताला डुइओ। थेमे थेबा ङिबो जीउज्यीकराङ ओङगो,’ सिन साबा ओतान।
थोगी ख्योओ मिताङ फेम्मे मिचेन जीउ ङि च्योक मेन, जीउज्यीकराङ ईन। थोक खाईन परमेश्वरगीराङ ख्योओ मिताङ फेम्मे मिला जीउज्यीकराङ ओङला ङ्योम्बुराङ देताला जोबाते ईन्देकी थेबा ठाला मेङगो, ज्येनगी डेलाङ मेङगो,” सिन सिदुक।
थेमे ख्योकोनगी ज्येनला खेकीकामा मेन, पक्काराङ ङिङज्ये खि। दोकचेन खिताराङ मेङगो सिन मेलेबाते कामताङ बात सिराते छ्याःङ माकेत। खालि लेमुते कामताङ बात खित्च्ये छ्य्वापाकामा स्येत खि।
रन्डीताङ ङ्याल्कान्ते मि थेत्ताङ जीउज्यीकराङ ओङगो सिन च्यि ख्योकोनला छ्या मेत? परमेश्वर बातला “ख्यावा फेम्मे ओङनामेई थेबा ङिबो जीउज्यीकराङ ओङगो,” सिन टिबा ओत।
ङा ख्योकोनला च्यि सिते सासीन सुङगीङ रन्डीबाजी मिक्किस्यीत सिन ख्योकोन दाक्पोन दाक्पोनते ख्यावा फेम्मे ओतातेराङ लेमु ईन।
फेम्मे मिकी दाक्पोन खुशी खिता मेङगो। थेला ख्योबोते हक लै खिओ। थोकराङ खाला ख्योओ मिकीङ दाक्पोन खुशी खिता मेङेदो। थेला फेम्मेते हक लै खिओ। थेमे थेबेकी दोक्पोईकी ज्येनज्यीक खाँचो टारे खिता फाप्क्यो।
परमेश्वर बातलाङ “थोगीराङ मि दाक्पोन आबा आमाताङ ठाल्ला फेम्मेतेताङ ङ्योम्बुराङ देताला डुइओ। थेमे थेबा ङिबो जीउज्यीकराङ ओङगो,” सिन साबा ओत।