मत्ती 19:28 - जिरेल

²⁸ थोक सिरजीन थेकी चेलातेबा गाङेला “ईन ईन, ख्‍योकोनगी च्‍यि खाबा ओते सिन ङाला गाङे छ्या ओत। ङा ख्‍योकोनला चुक सिते सासीन दि जुग सिन्‍गीन स्‍वर्गे राज्‍य पूरो खाईन वानामेई परमेश्‍वर ओत्‍सादुई वाबाते मि ङा गेल्‍बो देत्‍च्‍येते सिंहासनदु देत्‍ला राज्‍य खित्‍जीन ख्‍योकोनगीङ सिंहासन च्‍युन्‍ङी लाक्‍तु देत्‍ला ङात्ताङराङ राज्‍य खिता ङेत्‍क्‍यो। थेमे ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ।

मत्ती 19:28 ပူးပေါင်းရင်းမြစ်များ

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 19:27

दि बाततेबा थोनामेई पत्रुसकी “गुरू, खुई चेला ओङला ख्‍याम्‍बे लाईदु ङ्योकोनगीनी ङेराङते ओताते जति गाङे ताङाप। थेमे था ङ्योकोनगीचेन च्‍यि ङेत्‍कीते?” सिन सिदुक।

मत्ती 20:21

थेमे थेकी “खुई च्‍यि सिरा चाले? ङे खुई लाईदु च्‍यि खिता फाप्‍सुङ?” सिन सिरजीन थेकी “था तिरी गुरू खो गेल्‍बो ओङला राज्‍य खित्‍जीन ङेते दि फुज्‍युङ ङिबोचेन खुई फारताङ छुरला देता ङेत्‍स्‍यीत,” सिन सिदुक।

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मत्ती 6:33

थोगी ख्‍योकोनगी पीर खिते साटोला खेराङ सेम पूरो खाला परमेश्‍वर राज्‍य छ्य्‌वापा लै खि। थेमे थेकी साबा साबाच्‍योक खि। थोक खासीनराङ ख्‍योकोनला गोच्‍येते जति गाङे परमेश्‍वरगी तेरग्‍यो।

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

मर्कूस 10:37

थेबा ङिबोकी “गुरू, था तिरी खो गेल्‍बो ओङला राज्‍य खित्‍जीन ङ्योकोन ङिबो खुई फारताङ छुरला देता ङेत्‍स्‍यीत,” सिन सिदुक।

शक्ति काम 3:21

थे थरिङोला स्‍वर्गने देता ओत। परमेश्‍वर बात खित्‍कान्‍तेबेकी परमेश्‍वरगी तिरी जेसुकै लेमु जोइओ सिन परमेश्‍वरगी सिर च्‍युताते बाततेबा गाङे साबा च्‍योकराङ मायाङथुप थे थेनेराङ देत्‍क्‍यो।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

२ पत्रुस 3:13

दिबा जेसुकै दोक खाईन नाश गाल्‍सीनोङ ङुरूङचेन परमेश्‍वरगी जोइओ साबा ओताते साम्‍बाते साताङ नाम था होत्ता थोङा ङेत्‍च्‍या ओङसुङ सिन गुलाराङ देत्‍क्‍यो। दोक खाईन थेकी साम्‍बाते सा नाम जोनामेई थेरूचेन थेकी खि साबा साबाच्‍योक खित्‍कान्‍तेबा देत्‍क्‍यो।

छ्या स्‍ये च्‍युताते बात 11:16

थेमे परमेश्‍वर फेरोला दाक्‍पोन दाक्‍पोन सिंहासनदु देताते थे मेरा खालज्‍यीकताङ स्‍यीबो छ्ये छ्येतेबेकी खोबुकला देत्‍कीन दोक सिन परमेश्‍वरते जय जय खासुङ।

छ्या स्‍ये च्‍युताते बात 12:1

थेमे ङे नामने खइँदा अचम्‍बे जाज्‍यीक थेन्‍दा थोङसुङ। थेचेन फेम्‍मे मिज्‍यीक ओतान। थे फेम्‍मे मि ङीमे नाङ ओतान। थेते काम्‍बे चावादु दागार ओतान। थेमे थेकी गोःकी लाक कार्मा च्‍युन्‍ङी खाबाई श्रीपेज खोन्‍दा ओतान।

छ्या स्‍ये च्‍युताते बात 20:4

थेमे दि तिरी ङे सिंहासनतेबा थेमे थे लाक्‍तु देत्‍कान्‍तेबाला थोङसुङ। थेबालाचेन न्‍याय खित्‍च्‍येते अधिकार बिन्‍दा ओतान। लोक्‍ला ङे येशू सु ईन्‍दे, थेकी च्‍यि खिते सिन ज्‍येनला लापेकी थेमे ज्‍येनला परमेश्‍वर बात लापेकी खित्‍सादु गोः तुप्‍कीन सेताते मिओन आत्‍मा थोङसुङ। थेबेकी थे जन्‍तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्‍पाला थे जन्‍तु मिनगी छाप देक च्‍युता मेतान। थेबा गाङेराङ दाक सोम्‍बो लोक्‍सुङ। थेमे लो हजारज्‍यीकसाक ख्रीष्‍टताङ ङ्योम्‍बुराङ राज्‍य खासुङ।

छ्या स्‍ये च्‍युताते बात 21:5

थेरूई थे सिंहासन लाक्‍तु देत्‍कान्‍तेकी “था ङा ओताते जति गाङे साम्‍बा जोइओ,” सिन सिदुक। थेमे थेकी ङाला “दि बातओन टि। दिबा गाङे साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन,” सिदुक।

छ्या स्‍ये च्‍युताते बात 22:2

थे सारगी मूल लामदुई ख्‍याम्‍गीन ओतान। थे चाङबो फारकेनताङ छुरकेन छेउ ङिकारपा नोमुङ मिसिन्‍च्‍येते जुनी ङेत्‍च्‍येते फलफूल दोङबो ओतान। थे दोङबोला दावाईओङ खाली मेदेता खाला दावे ठाङमा थरी रेरे फलफूल गोन्‍गीनराङ देत्‍च्‍याक्‍वा। थे दोङबो दाम्‍मातेबाचेन लुङबा लुङबे मिला ठाक्‍पा खित्‍च्‍येते मेन दुका।

छ्या स्‍ये च्‍युताते बात 22:5

थेरू था नुप सिराते नोमुङ मेङगो। नाम्‍दाक ओङे लाईदु थेरू बत्तीङ पोरा माफाबो, ङीमे नाम्‍दाकोङ मोगोओ। प्रभु परमेश्‍वरराङ थेबाताङ देतेकी थेराङ थेबे नाम्‍दाक ईन। था थेबेकी सधैँभरि राज्‍य खिनराङ देत्‍क्‍यो।

छ्या स्‍ये च्‍युताते बात 3:21

शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 7:4

थे तिरी ङे इस्राएलीओन गाङे थरगी नाङदुकी जम्‍मा लाखज्‍यीकताङ हजार खाल ङिताङ स्‍यी मिला छाप ग्‍याप्‍सुङ सिन थोसुङ।