मत्ती 19:19 - जिरेल

¹⁹ आबा आमाला मान खिता फाप्‍क्‍यो थेमे दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खिता फाप्‍क्‍यो सिन साबाते नियमराङनी ईन,” सिन सिदुक।

मत्ती 19:19 ပူးပေါင်းရင်းမြစ်များ

मत्ती 19:20

थोक सिरजीन थे आदो स्‍याराते मिकी “गुरू, दि नियमनी ङे गाङे ङेन्‍दा ओत। था थोरूम ज्‍येनतोक काम ङे च्‍यि खिता फाप्‍कीते?” सिन सासुङ।

मत्ती 22:39

दि छेतराङ ङेन्‍दा फाप्‍च्‍येते ज्‍येनते नियमलाचेन ‘दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत।

मत्ती 5:43

थेमे ‘दाक्‍पोन युल्‍बाला ङिङज्‍ये खि, शत्रुओनलाचेन किला च्‍योकराङ खि,’ सिन ङुरूङ ज्‍युज्‍यु पुर्खाला लापा ओतान सिनोङ ख्‍योकोनला छ्याराङ ओत।

लूका 10:27

थेमे थेकी “परमेश्‍वर नियमलानी ‘खुई प्रभु परमेश्‍वरला खोरोङ आत्‍माताङ बुद्धिकी थेमे स्‍येतकी थुपासम्‍म सेमदुकीराङ ङिङज्‍ये खि। थेमे दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत,” सिन सिदुक।

रोमी 13:9

परमेश्‍वर नियमला “रन्‍डीबाजी खिता मेङगो, मि सेता मेङगो, क्‍वा मेङगो, ज्‍येनगीते सिराते छ्याःङगीतेङ लोभ माकेत,” सिन साबा ओत। थेमे दोक्‍ते नियम ज्‍येनोङ ओत। दोक्‍ते नियम जति ओत्‍सीनोङ “दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,” सिन साबाते नियमज्‍यीक नाङराङ होदि नियम गाङे फाप्‍क्‍यो।

गलाती 5:14

च्‍यिला सासीन “दाक्‍पोन ज्‍यानला माया खिता च्‍योकराङ ज्‍येनलाङ ङिङज्‍ये खि,” सिन साबाते होदि नियमज्‍यीक ङेन्‍नामेई परमेश्‍वर नियम गाङे ङेन्‍दाते ईन।

याकूब 2:8

थेमे परमेश्‍वर बातला “ख्‍योकोनगी दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,” सिन साबा ओत। परमेश्‍वर राज्‍यदु ङेन्‍दा फाप्‍च्‍येते दि नियमला साबाच्‍योक खाईन कामोङ खासीन ख्‍योकोनगी लेमुराङ खाबाते ईन।