मत्ती 18:7 - जिरेल

⁷ पापताङ लोभकी खित्‍सादु दि सा लुङबे मिओनला आउदी मेलेबा ओङगो। मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो।

मत्ती 18:7 ပူးပေါင်းရင်းမြစ်များ

मत्ती 16:23

थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

मत्ती 26:24

परमेश्‍वर ओत्‍सादुई वाबाते मि ङानी परमेश्‍वर बातला टिबा ओताच्‍योक खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो। बरू थेनी केराङ माकेबा ईन्‍सीन लेमु ओङच्‍या ओतान,” सिन सिदुक।

मर्कूस 13:7

ख्‍योकोनगी लुङबा लुङबाला लडाइँ ओङाते थेमे दि दि लुङबादु लडाइँ ओङगीन दुक्‍लो सिरा थोक्‍यो। थोक्‍ते बात थोजीन था च्‍यि ओङोङा, चुक ओङोङा सिन ख्‍योकोन ज्‍यीबा माकेत। थोक थोकनी ओङाराङ फाप्‍क्‍यो। ईन्‍सीनोङ थोक थोककामा ओङला दि जुग सिन्‍च्‍येते मेन।

लूका 17:1

थेमे येशूकी चेलातेबाला “मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो।

यूहन्‍ना 17:12

ङा दुरू दिबाताङ देत देतसाक ङे दिबाला खुई ङाला बिन्‍दाते शक्ति छ्य्‌वापेई जोए खाईन ज्‍याक्‍पाप। नरककुण्‍डमा स्‍यूइओ सिन साबाते मिज्‍यीक बाई ङे सुङलाङ ङाराङ छ्य्‌वापेई ठाल माच्‍युत। ङे दोक खानामेई परमेश्‍वर बातला गोमाका साबाते बात साबा च्‍योकराङ ओङसुङ।

शक्ति काम 1:16

“आज्‍यो न्‍वावे, येशूला पक्रे खित ओङकान्‍ते मिओनला थे खाङ ईन्‍दे सिन तेन्‍ला तेरकान्‍ते यहूदाला चुक ओङगीते सिन परमेश्‍वर आत्‍मेकी गेल्‍बो दाऊदला थाङबोका सिर च्‍युता ओतान। परमेश्‍वर बातला साबाते थे बात साबा च्‍योकराङ ओङा फाप्‍सुङ।

१ कोरिन्‍थी 11:19

ईन्‍दाका परमेश्‍वर दोन्‍दु सु ठीक खित्‍कान्‍ते ईन्‍दे, सु गल्‍ती खित्‍कान्‍ते ईन्‍दे सिन ठालाला ख्‍योकोन नाङ थोक खाला मिडिक्‍च्‍येते ओङा फाप्‍च्‍येतेराङ ईन।

१ तिमोथी 6:1

थेमे येशूला विश्‍वास खित्‍कान्‍ते मिओन नाङ योक्‍पो योङमु गाङेकी खोपरोङ मालिकओनगी साबाते ङेन्‍ला थेबाला मान खिता फाप्‍क्‍यो। थेबेकी थोक माक्‍याबाते ज्‍येनगी थोङसीन परमेश्‍वर विरोध खिओ थेमे ङुरूङगी लोप्‍कीन ओताते बात लेमु मेन सिओ।

तीतस 2:5

दोस्‍यिककामा मेन, थेबेकी स्‍यार्मुतेबाला दाक्‍पोन सेम काबूला ज्‍य्‌वाबा फाप्‍क्‍यो, थेबे बानी बिवारा लेमु ओङा फाप्‍क्‍यो, खाम्‍बा खाला सा थुपा फाप्‍क्‍यो, ज्‍येनला दया खिता फाप्‍क्‍यो थेमे ख्‍योबोतेकी साबाते ङेन्‍कान ओङा फाप्‍क्‍यो सिन लोपा थुप्‍क्‍यो। स्‍यार्मुतेबेकी दोक दोक खासीन परमेश्‍वर बात लेमु मेन सिन सुङगीङ सिरा मुथुबो।

तीतस 2:8

खुई लोप्‍च्‍येते बातला दि मेन्‍दे बात ईन सिन सुङगीङ सिरा मेङेत्‍स्‍यीत सिन लेमु खाला लोप। दोक दोक खासीन ङुरूङ विरोध खित्‍कान्‍ते मिओनगी थेबेकी दि दि मेलेबा खासुङ सिरच्‍येते लाम छ्याःङ माङेत्‍ला खोपरोङराङ खर्के देइओ।

यहूदा 1:4

ङे च्‍यिला थे बात ङेन्‍दा तोङा मेङगो साबाते ईन्‍दे सासीन कोई कोई मि खाराक्‍पा ख्‍योकोन नाङ स्‍यूकीन सिन्‍दा ओत। थेबाचेन परमेश्‍वरगी माकेत साबा साबाते काम खित्‍कान्‍ते मि ईन। थेबेकी ङुरूङ परमेश्‍वरगी मिला दया खाला पापदुकी डेल्‍च्‍येते बातला चुक खिका सासीन परमेश्‍वरगी दाक्‍पोनला दया खाईन पापदुकी टाला ओतेकी था ङुरूङगी जे खासीनोङ ओङगो सिन रन्‍डीबाजी थेमे होदि च्‍योक्‍ते खिता मेङच्‍येते काम खिदुक। थेमे ङुरूङ मालिक येशू ख्रीष्‍टलाङ माने मिक्‍किदुक। गाङेपा गाङेला राज्‍य खित्‍कान्‍ते थेकामा ईन। होथोक्‍ते मिओनगी चुकस्‍यिक सजाय ङेत्‍कीते सिन परमेश्‍वर बातला गोमाका टिबा ओत।