मत्ती 18:19 - जिरेल

¹⁹ थेमे ङा ख्‍योकोनला दि बादोङ सिओ। ख्‍योकोन मेन्‍दा ङिकामा डिगीन सेमज्‍यीकराङ खाईन खइँदा बातकी लाईदु प्रार्थना खासीन स्‍वर्गने देत्‍कान्‍ते ङे आबेकी ख्‍योकोन प्रार्थना ङेन्‍ला ख्‍योकोनगी नाङ साबाते तेरग्‍यो।

मत्ती 18:19 ပူးပေါင်းရင်းမြစ်များ

मत्ती 21:22

ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासुङ सासीन जे नाङ खासीनोङ थे नाङ खाबाते ङेत्‍क्‍यो ङेत्‍क्‍यो,” सिन सिदुक।

मत्ती 5:24

थे चढे खित्‍च्‍येते थेरूराङ ज्‍याक्‍ला गोमा थे मि ओत्‍सादु गाल्‍ला दाक्‍पोन बात डिक्‍पा खि। थेमेकामा वाला थे चढे खि।

मत्ती 7:7

थेमे ङा ख्‍योकोनला च्‍यि सिते सासीन खेराङला च्‍यि च्‍यि गोकीका आबा परमेश्‍वरला नाङ सि। थेमे थेकी तेरग्‍यो। ख्‍योकोनगी चाल्‍सीन पक्‍काराङ ङेत्‍क्‍यो। गो पेत्‍ला नाङ सि। थेमे परमेश्‍वरगी गो पेत्‍ला ख्‍योकोनला नाङने स्‍योक सिओ।

मर्कूस 11:24

थोगी ङा ख्‍योकोनला च्‍यि सिते सासीन ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासीन जे नाङ खासीनोङ दाक ङेत्‍क्‍यो।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

यूहन्‍ना 16:23

थे छोमु ख्‍योकोनगी ङाला छ्याःङ नाङ मिसिरो। दि बात ङेन। ख्‍योकोनगी ङे मिन लाकीन आबाला जे नाङ सासीनोङ थेकी ख्‍योकोनला दाक तेरग्‍यो।

शक्ति काम 1:14

थेबाताङ थेरू गोमा येशूताङ ख्‍याम्‍कान्‍ते फेम्‍मे मिओन, येशू आमा मरियम थेमे येशू न्‍वातेबाङ ओतान। थेबाबरी गाङेराङ ङ्योम्‍बुराङ परमेश्‍वरला प्रार्थना खिन देत्‍कीन ओतान।

शक्ति काम 12:5

थोक खाईन थेला जेलदु लुक्‍नामेई येशू ख्रीष्‍ट मिओनचेन गाङेराङ रूला थे लाईदु परमेश्‍वरला आउदी खाला प्रार्थना खिन ओतान।

शक्ति काम 16:10

पावलला थोक ओङनामेकी था गा लाङच्‍येते बात लोपाला पावलबा ङ्योकोन गाङेला परमेश्‍वरगी म्‍यासिडोनियापा तोङा चालाते दुका सिन छ्या स्‍येकीन ङ्योकोन गाङेराङ थेपा ड्वाप्‍ला जेसुकै ठिक्‍क खाबाप।

शक्ति काम 6:4

ङ्योकोन ङेराङचेन खालि प्रार्थना खित्‍च्‍येते थेमे परमेश्‍वर बात लोप्‍च्‍येते कामकामा खिओ,” सिन बात खासुङ।

फिलिप्‍पी 1:19

च्‍यिला सासीन ख्‍योकोनगी ङे लाईदु परमेश्‍वरला खिन ओताते प्रार्थना थेमे येशू ख्रीष्‍ट आत्‍मेकी ङाला मद्धत बिन्‍देकी था ङेते दि मुद्धा जे ओङसीनोङ ङाला लेमुराङ ओङगो।

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।