मत्ती 18:16 - जिरेल

¹⁶ खेराङ दोक्‍पोईकीकामा सिरजीन थेकी ङे थोक खाबाते ईनराङ मेन सासीन ज्‍येनोङ मेन्‍दाज्‍यीक मेन्‍दा ङिला टीला खेरला थेकी थोक खाबाते लेमु मेन सिन याङराङ थेला थेबे दोन्‍दुङ सम्‍झे खि। च्‍यिला सासीन सुइँदेकी दिकी दोक दोक खाबाते ङे मिगीराङ थोङाते ईन सिन मेरा ङि सुमगी साबाते बात ङेन्‍लाकामा थे मि दोषी ईन सिरा ओङगो सिन सिरा ओत।

मत्ती 18:16 ပူးပေါင်းရင်းမြစ်များ

यूहन्‍ना 8:17

‘खइँदा बातला दि बात दोक दोक ईन सिन मेन्‍दा ङि मिकी सानामेई थे बात पक्‍का ओङगो,’ सिन ख्‍योकोनला बिन्‍दाते परमेश्‍वर नियमला टिबा ओत।

२ कोरिन्‍थी 13:1

दि बाजिताङनी ङा थेपा वाबाते पालो सुम छाङगो। थेपा वाला ङा परमेश्‍वर बातला साबा च्‍योकराङ खाला कम्‍तीतेङ मेरा ङि सुम मिकी दिकी दोक खाबाते ङेराङ थोङाते ईन सिन सानामेईकामा सु सु दोषी ईन्‍दाका सिन डेल्‍ग्‍यो।

१ तिमोथी 5:19

थेमे सुइँदेकी वाकीन च्‍याकीन येशू ख्रीष्‍ट मिओनला ताकान्‍तेबे नाङ फलानेकी दोक दोक गल्‍ती खासुङ सिन सासीन थे बात माङेन। फलानेकी दोक दोक गल्‍ती खाबाते ङेराङ थोङाते ईन सिन मेरा ङि सुमगी सानामेईकामा थोक्‍ते बात ङेन।

हिब्रू 10:28

मोशेकी टिबाते परमेश्‍वर नियम माङेन्‍गीन सुइँदेकी गल्‍ती खासीन थेमे दि मिकी दोक दोक खाबाते ङेराङ थोङाप सिन मेन्‍दा ङि सुमगी मि रूसादु सानामेई गल्‍ती खित्‍कान्‍ते मिला छ्याःङ दया मिक्‍किता खाला दाक सेत्‍क्‍यो।

छ्या स्‍ये च्‍युताते बात 11:3

थेमे ङा सु ईन्‍दे, ङे च्‍यि खिते सिन बात खित्‍कान्‍ते मेरा ङिला ङा शक्ति बिन्‍ला ङे बात खिताला तोङगो। थेबेकी पीर लाबे बेलाला च्‍योकराङ खाला भाङ्‌रे खोलाक खोन्‍ला ङीमा सय च्‍युन्‍ङीताङ खाल सुमसाक ङे सिर च्‍युताते बात खिओ,” सिन ङाराङला साबाते बात थोसुङ।