मत्ती 18:15 - जिरेल

¹⁵ थेमे खेराङ आज्‍यो न्‍वाकी खेराङला खइँदा मेलेबा खासीन ख्‍योकोनगी दोक खि। च्‍यि सासीन जसकी खेराङला मेलेबा खिदुक गोमा खेराङ दोक्‍पोईकामा थे ओत्‍सादु गाल्‍ला थेकी थोक खाबाते लेमु मेन सिन थेला सम्‍झे खाला बिन। खेराङ ङिकामा ओत्‍जीन थेकी ‘ङे गल्‍ती खाबाप, स्‍येदाङ माकेत,’ सिन सासीन ख्‍योकोन याङराङ आज्‍यो न्‍वा च्‍योकराङ ओङला डिक्‍ला देता थुप्‍क्‍यो।

मत्ती 18:15 ပူးပေါင်းရင်းမြစ်များ

मत्ती 18:14

स्‍वर्गने देत्‍कान्‍ते आबा परमेश्‍वरगीङ ङाला विश्‍वास खित्‍कान्‍ते उदि फिजा च्‍योक्‍तेबा सुङ थे खोरोङताङ ठाल्‍ला नरककुण्‍डमा स्‍यूक्‍पा माफाप्‍स्‍यीत सिन होथे लुई गोठालेकी खिता च्‍योकराङ खिओ।

मत्ती 18:21

थे तिरी पत्रुसकी येशू खादु वाकीन “प्रभु, ङे आज्‍यो न्‍वाकी ङाला बाजि थोईसाक मेलेबा खित खित थेबाला माफ तेरा फाप्‍कीते? बाजि दुईनसाक माफ बिन्‍नामेकी ओङगीतासीन आङ?” सिन ठिसुङ।

मत्ती 18:35

थोगी खेराङला मेलेबा खित्‍कान्‍तेबाला ख्‍योकोनगी सेमदुकीराङ माफ माबिन्‍सुङ सासीन स्‍वर्गने देत्‍कान्‍ते ङे आबेकीङ थे गेल्‍बोकी च्‍योक खाला ख्‍योकोनला माफ तेरराङ मेतेरो,” सिन सासुङ।

रोमी 12:21

खेराङला मेलेबा खित्‍कान्‍तेबाला मेलेबा खिता सेम लासीनोङ थोक माकेत। बरू जहिलेङ थेबाला लेमुराङ खि।

१ कोरिन्‍थी 8:12

दोक खाला ख्‍योकोनगी बात लेमु खाईन छ्या स्‍येबा मेताते खेराङ आज्‍यो न्‍वाला पाप खित च्‍युत्‍ला थेबाला मेलेबा लाङ ज्‍युत्‍कीदुक। ख्‍योकोनगी थोक खाईन पाप खाबाते ख्रीष्‍टलाराङ मेलेबा खाबाते ईन।

२ कोरिन्‍थी 7:12

थे चिट्ठी ङे थे मेलेबा काम खित्‍कान्‍ते मिला सिन तोके खाईन टिबाते मेन। थेमे थेकी थोक खाबेकी अन्‍याय सै खिता फाप्‍कान्‍ते मि छ्य्‌वा खाईन टिबातेङ मेन। बरू ख्‍योकोनगी परमेश्‍वर दोन्‍दु ङ्योकोनला खजो ङिङज्‍ये खाबा ओता ईन्‍दाका सिन छ्या स्‍येबा थुप्‍स्‍यीत सिनराङ ईन।

गलाती 6:1

आज्‍यो न्‍वावे, ख्‍योकोन नाङ सुइँदेकी गल्‍ती खासीन परमेश्‍वर आत्‍मेकी खि साबाच्‍योक खित्‍कान ख्‍योकोनगीचेन खेराङगीङ दाक गल्‍ती खिता थुप्‍क्‍यो सिन टोक मेज्‍येता खाला थेकी थोक खाबाते लेमु मेन, थानामेकी थोक माकेत सिन खा छ्येत लेमुकीराङ सम्‍झे खाला बिन।

कलस्‍सी 3:13

सुङताङ होपकी जोप मिक्‍किता खाला बरू सै खाला देत, खेराङ नाङ सुइँदाताङ खइँदा स्‍येदाङ ओत्‍सीन स्‍येदाङ साला माज्‍यो, थोक्‍तेला माफ बिन। प्रभु येशूकी खेराङ पाप माफ बिन्‍दा च्‍योकराङ खाला ख्‍योकोनगीङ खेराङ नाङ माफ बिन।

१ थिस्‍सलोनिकी 4:6

थेमे ख्‍योकोन सुङगीङ येशूला विश्‍वास खित्‍कान्‍ते ज्‍येन मि फेम्‍मेताङ खिता मेङच्‍येते काम खाला थे ख्‍योबोला सोम्‍बोलाराङ सबी चावादु लुच्‍येते काम माकेत। होथोक्‍ते मेलेबाते काम जे खासीनोङ थोक खित्‍कान्‍तेबाला प्रभु येशूकी सजाय तेरग्‍यो। थोगी ख्‍योकोन च्‍याङबो खि सिन ङ्योकोनगी ख्‍योकोनला गोमाकाराङ लाःपा ओत।

२ थिस्‍सलोनिकी 3:15

ङ्योकोनगी दोक साबाते थोक्‍ते मिला शत्रुला च्‍योकराङ खि साबाते मेन याङ। बरू थेङ खेराङ आज्‍यो न्‍वाराङ ईन सिन सम्‍झे खाला थेला थोक खाला अल्‍छी खाला देता लेमु मेन सिन सि।

तीतस 3:10

सत्‍यते बातताङ डिकराङ मिडिक्‍च्‍येते होथोक्‍ते बात खाला परमेश्‍वरला विश्‍वास खित्‍कान्‍तेबे नाङ फाटो स्‍योर ज्‍युत्‍कान्‍ते मिला थोक्‍ते बात मालोप सिन सि। थेकी थोकराङ खिन देत्‍सीन थोक माकेत सिन खुई याङराङ पालोई सि। थोक खित्‍जीनोङ नामज्‍योक मासेत्‍सीन थोक्‍ते मित्ताङ साङराङ माकेत।

१ पत्रुस 3:1

थोकराङ खाला फेम्‍मे मिवे, ख्‍योकोनगी दाक्‍पोन ख्‍योबो अधीनला देत्‍ला थेबाला मान खि। थेबा कोईकी परमेश्‍वर बात ङेन्‍दा मेत्‍सीनोङ ख्‍योकोन चालचलनताङ बानी लेमु थोङनामेई थेबाला थे बात ङेन सिन सिराराङ माफापा खाला थेबेकीङ प्रभु येशूला विश्‍वास खिता थुप्‍क्‍यो।