मत्ती 18:14 - जिरेल

¹⁴ स्‍वर्गने देत्‍कान्‍ते आबा परमेश्‍वरगीङ ङाला विश्‍वास खित्‍कान्‍ते उदि फिजा च्‍योक्‍तेबा सुङ थे खोरोङताङ ठाल्‍ला नरककुण्‍डमा स्‍यूक्‍पा माफाप्‍स्‍यीत सिन होथे लुई गोठालेकी खिता च्‍योकराङ खिओ।

मत्ती 18:14 ပူးပေါင်းရင်းမြစ်များ

मत्ती 18:13

छोल्‍गीन छोल्‍गीन डोजीन थे तोराते लुक ङेत्‍नामेकी थे आउदी गा खिओ। मातोरातेबा ज्‍येन गाङे लुक भन्‍दाङ थे तोराते लुकज्‍यीकका काल्‍बेई ईन्‍दाच्‍योक खाला थे आउदी खाला गा खिओ।

मत्ती 18:15

थेमे खेराङ आज्‍यो न्‍वाकी खेराङला खइँदा मेलेबा खासीन ख्‍योकोनगी दोक खि। च्‍यि सासीन जसकी खेराङला मेलेबा खिदुक गोमा खेराङ दोक्‍पोईकामा थे ओत्‍सादु गाल्‍ला थेकी थोक खाबाते लेमु मेन सिन थेला सम्‍झे खाला बिन। खेराङ ङिकामा ओत्‍जीन थेकी ‘ङे गल्‍ती खाबाप, स्‍येदाङ माकेत,’ सिन सासीन ख्‍योकोन याङराङ आज्‍यो न्‍वा च्‍योकराङ ओङला डिक्‍ला देता थुप्‍क्‍यो।

मत्ती 5:16

बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

मत्ती 6:32

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी स्‍वर्गने देत्‍कान्‍ते ख्‍योकोन आबा परमेश्‍वरला दाक छ्या ओत याङ।

मत्ती 6:9

ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

यूहन्‍ना 17:12

ङा दुरू दिबाताङ देत देतसाक ङे दिबाला खुई ङाला बिन्‍दाते शक्ति छ्य्‌वापेई जोए खाईन ज्‍याक्‍पाप। नरककुण्‍डमा स्‍यूइओ सिन साबाते मिज्‍यीक बाई ङे सुङलाङ ङाराङ छ्य्‌वापेई ठाल माच्‍युत। ङे दोक खानामेई परमेश्‍वर बातला गोमाका साबाते बात साबा च्‍योकराङ ओङसुङ।

यूहन्‍ना 21:15

थेबेकी सोकीन सिन्‍नामेकी येशूकी शिमोन पत्रुसला “योआनेस फुज्‍युङ शिमोन, च्‍यि खो ङाला दिबाबरीकी भन्‍दा काल्‍बा ङिङज्‍ये खिओ?” सिन सिदुक। थेमे पत्रुसकी “उँ प्रभु, ङे खोल्‍ला ङिङज्‍ये खिओ सिन खोल्‍ला छ्याराङ ओत,” सिन सिदुक। थेमे थेकी थेला “ङे लुई रीउओनला लेमु खाला तो,” सिन सिदुक।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

हिब्रू 12:13

बत्ते खित्‍जीन गले खाबाते मि दाक्‍पोन मिरिल्‍स्‍यीत सिन सोझोते लामला छ्योङाच्‍योक खाला खेराङ लेपा फाप्‍सासाक लेपा थुप्‍स्‍यीत सिन ख्‍योकोनगीङ थे छ्य्‌वापाकामा स्‍येत खि।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।