मत्ती 17:3 - जिरेल

³ थेमे परमेश्‍वर बात खित्‍कान्‍ते मोशाताङ एलिया थेरू वाकीन थेत्ताङ बात खिन ओतातेङ थेबेकी थोङसुङ।

मत्ती 17:3 ပူးပေါင်းရင်းမြစ်များ

मत्ती 17:2

थेमे थेरू तेइन तेइनलाराङ थेबा सुमबोकी येशू झिलिमिली गालाते थोङसुङ। थे छ्येत ङीमा च्‍योकराङ टल्‍के खित्‍च्‍या गाल्‍सुङ। थेकी खोन्‍दाते खोलाकोङ मिगी ताराङ मुथुप्‍च्‍या आउदी कार्मु गाल्‍सुङ।

मत्ती 17:4

थोक थोङजीन पत्रुसकी “ओहो प्रभु, ङुरूङला दुरूराङ देता लेमु दुका। प्रभु खुई लौ सिन सासीन ङा खोल्‍ला, मोशाला थेमे एलियाला देते लाईदु पली रेरे ज्‍वामीन,” सिन सिदुक।

मर्कूस 9:4

थेमे परमेश्‍वर बात खित्‍कान्‍ते मोशाताङ एलिया थेरू वाकीन येशूताङ बात खिन ओतातेङ थेबेकी थोङसुङ।

लूका 1:17

थे परमेश्‍वर बात खित्‍कान्‍ते एलिया च्‍योकराङ ओङगो। एलियाताङ चुक्‍ते शक्ति ओताने होथे शक्ति थेत्ताङ ओङगो। प्रभु परमेश्‍वर दुरू ओङा भन्‍दा गोमा वाला थेकी दाक्‍पोन फुज्‍युङ फुमुताङ डिक्‍पा माथुपाते आबातेबाला लोक्‍ला थेबाताङ डिक ज्‍युत्‍क्‍यो। परमेश्‍वरगी साबाते मेङेन्‍कान्‍ते मिओनलाङ थोक खिन देता लेमु मेन सिन छ्या स्‍ये च्‍युत्‍ला परमेश्‍वरगी खि साबा साबा च्‍योकराङ खित ज्‍युत्‍क्‍यो। थेकी थोक खानामेई तिरी प्रभु परमेश्‍वर ओङे बेलाला मि गाङेराङ था परमेश्‍वर ओङगो सिन गुला देत्‍क्‍यो,” सिन सिदुक।

लूका 16:16

ज्‍येन बात च्‍यि सासीन गोमाचेन मोशेकी टिबाते परमेश्‍वर नियम थेमे परमेश्‍वर बात खित्‍कान्‍तेबेकी साबाते बातकामा ओतान। बप्‍तिस्‍मा तेरकान्‍ते यूहन्‍ने पालोसाकराङ दि बातओनकामा मिओनला लोप्‍कीन ओतान। यूहन्‍ने पालोमेईचेन परमेश्‍वर राज्‍य गा लाङच्‍येते बात मिओनला लोपाला स्‍यूबाते ईन। थेमे थे राज्‍यदु लेमु ओङगो सिन गाङेराङ जबरजस्‍ती थेने स्‍यूक्‍पा छोल्‍गीदुक।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

लूका 9:33

मोशाताङ एलिया थेरूई ख्‍याम्‍बा खाबा ओतान। थेमे थे बेलालाराङ पत्रुसकी “ओहो गुरू, ङुरूङला दुरूराङ देता लेमु दुका। ङ्योकोन गुरू खोल्‍ला, मोशाला थेमे एलियाला देते लाईदु पली रेरे ज्‍वामीन,” सिन सिदुक। पत्रुसला थे खोरोङगी फिजे बात च्‍योक खाबाप सिन छ्या मेतान।

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।