मत्ती 16:3 - जिरेल

³ थेमे ङोमु नाम मुक्‍पेकी नाक्‍पो गाला थोङसीनचेन था छ्यार्बा देक्‍च्‍याक्‍वा सिन बात खिओ, मेन? नाम ताला ख्‍योकोनगी खडेरी थेन्‍च्‍येतेताङ छ्यार्बा देक्‍च्‍येते डेला थुप्‍कीदुक सासीन परमेश्‍वरगी खेराङ मिगी दोन्‍दुराङ खिन ओताते कामओन थोङलाङ थेकी च्‍यि खिन दुका सिरच्‍येते बातचेन ख्‍योकोन च्‍यिला छ्याःङ माखोबा च्‍योकराङ खाला देत्‍कीते?

मत्ती 16:3 ပူးပေါင်းရင်းမြစ်များ

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 15:7

ख्‍योकोन चुक्‍तेन्‍दे ईन्‍दाका। यशैयेकी परमेश्‍वरगी थाङबो ख्‍योकोन विषयला सिर च्‍युताते बात खिन दोक सिन साबाते बात ख्‍योकोनगी खिन ओताते कामताङ लेमु खाला डिइदुक। परमेश्‍वरगी साबाते बात थेकी दोक सिन साबा ओतान।

मत्ती 22:18

थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी “ख्‍योकोन चुक्‍तेन्‍दे ईन्‍दाका। ख्‍योकोन च्‍यिला ङे सेम ता छोल्‍गीते?

मत्ती 23:13

धर्मे गुरूओनताङ फरिसी पाटी मिवे, ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। च्‍यिला सासीन चुक खाला स्‍वर्गे राज्‍यने स्‍यूक्‍पा थुप्‍कीते सिन ख्‍योकोनगी मिओनला लोपराङ मोलोप्‍तुक। थोक ईन्‍देकी मिओन थेने स्‍यूक्‍पाराङ मुथुप्‍तुक। दोक खाला खेराङनी थेने स्‍यूक्‍पा माङेत्‍सुङ माङेत्‍सुङ थेने स्‍यूक्‍पा सेम खित्‍कान्‍तेबालाङ ख्‍योकोनगी स्‍यूकराङ मुज्‍युत्‍तुक।

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मत्ती 7:5

ख्‍योकोन चुक्‍तेन्‍दे ईन्‍दाका। थोङला दाक्‍पोन गल्‍ती छ्या स्‍येबा खि। थेमेकामा खेराङ आज्‍यो न्‍वाकी खाबाते गल्‍ती बात खि।

लूका 11:44

थुर्सा ओत्‍साला थुर्सा ईन सिन छ्या मास्‍येसीन मिओन थे लाक्‍तु ख्‍याम्‍ला बिटुले खिओ। ख्‍योकोन होथोक्‍ते थुर्सा च्‍योक्‍तेराङ ईन। ख्‍योकोनताङ साङ खानामेई ज्‍येन ज्‍येन मिङ मेलेबा डुइदुक। थोगी ख्‍योकोनला था आउदी मेलेबा ओङगो,” सिन सिदुक।

लूका 12:56

मुक्‍पाताङ ल्‍हाबे बात विचार खाला च्‍यि च्‍यि ओङगीते सिन सिरा थुप्‍जीन परमेश्‍वरगी खेराङ मिगी दोन्‍दुराङ खिन ओताते कामओन थोङलाङ थेकी च्‍यि खिन दुका सिरच्‍येते बातचेन ख्‍योकोन च्‍यिला छ्याःङ माखोबा च्‍योकराङ खाला देत्‍कीते? ख्‍योकोन चुक्‍तेन्‍दे ईन्‍दाका।

लूका 13:15

प्रभु येशूकी “ख्‍योकोन चुक्‍तेन्‍दे ईन्‍दाका, सन्‍चारी छोमु काम खिता मेङगो सिन साबा ओत्‍सीनोङ थे छोमु ख्‍योकोन नाङ सुईचेन खेराङ लाङ कि गधाला ताङला छ्यु तेर मेखेरते?

हिब्रू 5:14

दोक मेन्‍देकी पाको गाल्‍गीन ज्‍येनलाङ लोपा थुप्‍कान्‍ते मिओनगीचेन परमेश्‍वर बात लेमु खाला खोबा थुप्‍क्‍यो। थेबाचेन छारगीन दाक्‍पोनगी मुरला साच्‍येते साप साकान्‍ते मि च्‍योक्‍ते ईन। होदोक्‍ते मिओनगीचेन च्‍यि खिता लेमु ईन्‍दे, च्‍यि मेलेबा ईन्‍दे सिन खोपरोङगीराङ छ्या स्‍येला दोक्‍ते बात जहिलेङ डेला थुप्‍क्‍यो।