मत्ती 16:23 - जिरेल

²³ थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

मत्ती 16:23 ပူးပေါင်းရင်းမြစ်များ

मत्ती 16:22

थेकी थोक सिरजीन पत्रुसकीचेन थेला फजेकपा खेरगीन “प्रभु, खोल्‍ला थोक ओङातेचेन मिलामलाङ थोङा माफाप्‍स्‍यीत, परमेश्‍वरगी खोल्‍ला नोमुङ दोक ओङ मुज्‍युत्‍स्‍यीत। खुई दोक्‍ते बात माकेत,” सिन थापाला स्‍यूसुङ।

मत्ती 18:7

पापताङ लोभकी खित्‍सादु दि सा लुङबे मिओनला आउदी मेलेबा ओङगो। मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो।

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

मर्कूस 8:33

थोक खित्‍जीन चेलातेबा ओत्‍सापाला ख्‍युर ग्‍युरगीन थेकी पत्रुसला “शैतान, खो दुरू ङे मिगी दोन्‍दु मादेत। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

लूका 4:8

थेकी थोक सिरजीन येशूकी “परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन सिदुक।

यूहन्‍ना 6:70

थेमे थेकी “च्‍यि ङे ख्‍योकोन मेरा च्‍युन्‍ङी गाङेला छाने खाबाते मेनरो? दोक ईन्‍सीनोङ ख्‍योकोन नाङ दोक्‍पोईचेन शैतानराङ ईन,” सिन सिदुक।

रोमी 14:13

थोगी ङुरूङ गाङेकी खुई च्‍यिला थोक खाबे, दोक खाबातेनी पाप ईन सिन साला दोक्‍पोईकी ज्‍येनज्‍यीकला दोष लै खित्‍च्‍येते तोङा फाप्‍क्‍यो। ख्‍योकोनगी खेराङ आज्‍यो न्‍वा च्‍योकराङ ओङाते मिओनला थेबेकी सा मेङगो साबाते साप सोसीन ओङगो साला शंका मालोङ। थेबेकी मास्‍साओ साबाते सो सिन कर लै माकेत।

रोमी 14:21

ख्‍योकोनगी स्‍या साजीन कि छ्याङ थुङजीन कि होदोक्‍ते ज्‍येनतोक खइँदा काम खित्‍जीन खेराङ आज्‍यो न्‍वाकी खोपरोङगी मिक्‍किओ साबाते कामराङ खाला पाप खिदुक सासीन ख्‍योकोनगी बरू स्‍या मासोसीन, छ्याङ रक्‍सी माथुसीन थेमे होदोक्‍ते काम छ्याःङ माक्‍यासीन लेमु ईन।

फिलिप्‍पी 3:19

थोक्‍ते मिओननी तिरी सजाय ङेत्‍ला नरककुण्‍डमा स्‍यूक्‍पा फाप्‍क्‍यो। थेबेकीचेन खालि साच्‍या थुङच्‍ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्‍किता खाला खोपरोङगी आउदी लेमु काम खाबाप सिरा च्‍योकका खिदुक। थेबेकी खालि दि जुनीला च्‍यि च्‍यि गोच्‍या दुका थेतेकामा विचार खिदुक।

कलस्‍सी 3:2

ख्‍योकोनगी दि सा लुङबे मिओनगी खिताच्‍योक खिता माछोल। बरू स्‍वर्गने देत्‍कानताङ थेने चुक चुक ओङगीते सिन विचार खाला थेने खित्‍च्‍येते च्‍योक्‍ते कामताङ बात खित्‍च्‍ये छ्य्‌वापा सेम लै खि।