मत्ती 16:21 - जिरेल

²¹ थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 16:21 ပူးပေါင်းရင်းမြစ်များ

मत्ती 12:40

च्‍यि सासीन योनाला समुन्‍द्रे ङ्या जोदाज्‍यीगी मीक ताङनामेई थे ङीमा सुमताङ ग्‍वामा सुमसाक ङ्ये सुबे नाङ देता फापा च्‍योकराङ परमेश्‍वर ओत्‍सादुई वाबाते मि ङाङ स्‍यिनामेई ङीमा सुमताङ ग्‍वामा सुमसाक सबी चावादु देता फाप्‍क्‍यो।

मत्ती 16:22

थेकी थोक सिरजीन पत्रुसकीचेन थेला फजेकपा खेरगीन “प्रभु, खोल्‍ला थोक ओङातेचेन मिलामलाङ थोङा माफाप्‍स्‍यीत, परमेश्‍वरगी खोल्‍ला नोमुङ दोक ओङ मुज्‍युत्‍स्‍यीत। खुई दोक्‍ते बात माकेत,” सिन थापाला स्‍यूसुङ।

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

मत्ती 17:12

तर ङा ख्‍योकोनला च्‍यि सिते सासीन एलियानी वाकीन सिन्‍दा ओत। ईन्‍सीनोङ मिओनगी थेला थेराङ ईन सिन छ्या मास्‍येकीन खोपरोङला सिरा सेम लाबाताङ खिता सेम लाबा लाबा खासुङ। थोकराङ खाला था थेबेकी परमेश्‍वर ओत्‍सादुई वाबाते मि ङालाङ दुक्‍पा तेरग्‍यो,” सिन सिदुक।

मत्ती 17:9

थेमे थेबा बोमनेकी थुल्‍ला फाप्‍सुङ। थेनेकी ओङजीन थेकी थेबा सुमबोला “ख्‍योकोनगी आनाङ थोङाते अचम्‍बते बात परमेश्‍वर ओत्‍सादुई वाबाते मि ङाला परमेश्‍वरगी स्‍यिसादुकी सोम्‍बो मालोकथुपचेन सुङलाङ मालाःबा,” सिन कोत्‍सुङ।

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मत्ती 26:47

दि बात खिन खिनलाराङ थे खोरोङ चेला च्‍युन्‍ङी नाङ यहूदाचेन तरवार जेरातेताङ फेर्का खुराते मि काल्‍बेई टीकीन थेबे गोमा गोमा थेरू ख्‍योल्‍सुङ। थेत्ताङ ओताते मिओनला छ्ये छ्ये पूजारीताङ यहूदीओन छ्ये छ्ये मिकी ताङा ओतान।

मत्ती 27:12

थेमे थेरूङ छ्ये छ्ये पूजारीताङ यहूदीओन छ्ये छ्ये मिकी दिकी दोक दोक खासुङ सिन दोष लै खिन येशूकी खाराङ माक्‍याबाते कामताङ बात खासुङ सिन पिलातसला लाःप्‍सुङ। थेबेकी थोक खित्‍जीनोङ येशूकी खानामा बातज्‍यीगोङ मातेन्‍सुङ।

मत्ती 27:63

“हजूर, बातज्‍यीक च्‍यि सासीन थे खोरोङ ख्रीष्‍ट ईन सिन मिओनला ढाँर खित्‍कान्‍तेकी थे सोम्‍बो ओत्‍जीनराङ ‘स्‍याप्‍ते ङीमा सुमगी छोमु ङा लोक्‍ला सोम्‍बो लोइओ,’ सिन साबाते बात ङ्योकोनला ठेम्‍बा लासुङ।

मत्ती 28:6

थेनी दुरू मेत। थेनी थे खोरोङगी गोमा साबा च्‍योकराङ खाईन स्‍यिसादुकी सोम्‍बो लोक्‍पा ओत। लो तार स्‍योक। थे रो ज्‍याक्‍पाते ठाउँ दिराङ ईन।

मर्कूस 8:31

थेमे दि तिरीमेकीचेन येशूकी चेलातेबाला “था परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर ङीमा सुम तिरी ङा सोम्‍बो लोइओ,” सिन थे खोरोङला ओङच्‍येते बाततेबा लाःपाला स्‍यूसुङ।

मर्कूस 9:12

थोक सिरजीन थेकी “ईन ईन, एलिया याङराङ दुरू ओङा फाप्‍च्‍येतेराङ ईन। थेमे दुरू वाला थेकी मिओनला परमेश्‍वर छ्य्‌वापा लै खि साला ख्रीष्‍ट ओङे लाईदु जेसुकै ठीक खिओ। थेमे परमेश्‍वर ओत्‍सादुई वाबाते मि ङाला चुक चुक ओङगीते सिन परमेश्‍वर बातला च्‍यि सिन टिबा ओते सासीन ङे आउदी खाला दुक्‍पा भोगे खिता फाप्‍क्‍यो थेमे मिओनगी ङाला विरोध खाला मेलेबा खिओ सिन साबा ओत।

लूका 17:25

तर दि भन्‍दा गोमाचेन ङे आउदी दुक्‍पा भोगे खिता फाप्‍क्‍यो। था मिओनगी दिला परमेश्‍वरगी ताङाते ईनराङ मेन साला ङाला आउदी मेलेबा खिओ।

लूका 24:46

दोक खाला लाप्‍ला तेरजीन थेकी थेबाला “परमेश्‍वर बातला परमेश्‍वरगी तोङगो साबाते ख्रीष्‍टकी आउदी दुक्‍पा भोगे खाला स्‍या फाप्‍क्‍यो। तर स्‍याप्‍ते ङीमा सुमगी छोमु सोम्‍बो लोइओ सिन टिबा ओत।

लूका 9:31

थेबाङ नाम्‍दाककी झिलिमिली गाला ओतान। थेमे थेबेकी था परमेश्‍वरगी साबा च्‍योकराङ खाला येशू यरूशलेमदु गाल्‍ला स्‍यिच्‍येते बात खिन ओतान।