मत्ती 16:18 - जिरेल18 पत्रुस, खुई मिनगी अर्थ दो साबाते ईन। थोगी ङा खोल्ला च्यि सिते सासीन दोई जगी लाक्तु खाम्बा ज्वा च्योकराङ ङाङ ङाराङ मिओन खुई छ्य्वापेकीराङ ओङ ज्युत्क्यो। थेमे थेबाला शैतानगीङ ग्याल्ला नरककुण्डमा लुबा मुथुबो। အခန်းကိုကြည့်ပါ။ |
मत्ती 16:18
42 ပူးပေါင်းရင်းမြစ်များ
थेमे कफर्नहुम मिवे, ङे ख्योकोन नाङ अचम्बते काम काल्बेई खासुङ सिन ख्योकोनचेन स्वर्गने ड्वा ङेत्क्यो सिन छ्ये खाईन देत्ला दुक। तर न्याय खिते छोमु ख्योकोनलानी परमेश्वरगी नरककुण्डमाका लुक्यो। ङे ख्योकोन नाङ खाईन तेन्दाते अचम्बते कामतेबा सदोम सारदु खाईन तेन्दा ईन्सीन थेरू मि परमेश्वर छ्य्वापा लै खाला परमेश्वरगी थे सारला थोक खाला थोरूमसाक नाशराङ तोङच्या मेतान।
थोक खाला मेरा ङि सुम डिक्ला बात खित्जीनोङ थेकी ङेनराङ माङेन्सुङ सासीन ज्येन आज्यो न्वाओनलाङ गाङेला रूला थेला थोरूमोङ सम्झे खि। गाङे दोन्दु थोक खित्जीनोङ थेकी ङे थोक खाबाते ईनराङ मेन सासीनचेन खेराङ आज्यो न्वा सिरा ताङला ख्योकोनगी थेला कर लिन्कान्तेताङ परमेश्वरला छ्या मेस्येकान्ते मि च्योकराङ ठाने खि।
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
परमेश्वरगी ङाला दया खाईन दि काम खित्च्येते जिम्मा बिन्दाते दुका सिन छ्या स्येनामेकी होथे छ्येते मिओन नाङ गाङे भन्दा छ्येतेबा ईन सिन साबाते याकूब, पत्रुस थेमे यूहन्नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्ला काम खिइ सिन सिदुक। दोक खित्जीनराङ बारनाबासताङ ङा ज्येन ज्येन जातकी मिला थेमे थेबाचेन यहूदीओनला गा लाङच्येते बात लोप्की सिरच्येते बातला थेबा डिक्सुङ।
दोस्यिककामा मेन, मि जीउकी गोः च्योकराङ थे खोरोङ मिओनते छ्येतेचेन ख्रीष्टराङ ईन। येशू ख्रीष्ट मिओनचेन थे जीउ च्योक ईन। थेचेन थे जीउकीते गोः च्योक ईन। मिओनला थे खोरोङ मि जोकान्ते थेमे स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्ते थेराङ ईन। सा नाम खाङ ओताते जोबाते जति जो ईन्स्यीत जे ईन्स्यीत, थे खोरोङ मि ईन्स्यीत होदिबा गाङेते जहिलेङ जे कुरोलाङ ख्रीष्टकामा छ्येते ओङा फाप्क्यो सिन परमेश्वरगी होदोक दोक ओङ च्युताते ईन।
केही कुरोकी ङा होत्ता मासीनोङ दि बातओन पढे खानामेई परमेश्वर खाम्बे मिओनगी चुक खिता फाप्च्या ईन्दाका, चुक खाला देता फाप्च्या ईन्दाका सिन खुई छ्या स्येक्यो। थोक्ते मिओन सोम्बोते परमेश्वर मि ईन। थेबेकी खित्सादु परमेश्वर सत्यते बात च्यि ईन्दे सिन गाङेकी छ्या स्येला थे बातताङ मिडिक्च्येते बात डेला थुप्क्यो।
ကြော်ငြာတွေ