मत्ती 16:11 - जिरेल

¹¹ होथे बाततेबा विचार खालाङ ङे फरिसीताङ सदुकी पाटी मिओनताङ ओताते स्‍योबेनला लुच्‍येते सोडा खेराङला मेतेरस्‍यीत सिन च्‍याङबो खि साबाते सापकी बात खाबाते मेन सिन ख्‍योकोनगी खोबा फाप्‍च्‍येतेराङ ईन,” सिन सिदुक।

मत्ती 16:11 ပူးပေါင်းရင်းမြစ်များ

मत्ती 16:1

थेमे येशू सेम ताप्‍ला कोई कोई फरिसीताङ सदुकी पाटी मिओनगी थे ओत्‍सादु ख्‍योल्‍गीन “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

मत्ती 16:12

थोक सानामेईका थेबेकी बल्‍ल थेकी साबाते बातकी अर्थचेन फरिसीताङ सदुकी पाटी मिओनगी लोप्‍च्‍येते बातला नामज्‍योकराङ मासेत साबाते दुका सिन छ्या स्‍येसुङ।

मत्ती 16:6

थोक खाला डुइन डुइनला येशूकी थेबाला “फरिसीताङ सदुकी पाटी मिओनताङ स्‍योबेनला लुच्‍येते सोडा ओत। थे सोडा खेराङला मेतेरस्‍यीत सिन ख्‍योकोन च्‍याङबो खिसा है,” सिन सिदुक।

मत्ती 3:7

फरिसी पाटीताङ सदुकी पाटी मिङ काल्‍बेई थे ओत्‍सादु वाबा ओतान। थेबेकीङ खोपरोङला छ्युला लुक्‍ला बप्‍तिस्‍मा नाङ सिरजीन यूहन्‍नेकी थेबाला “छ्यि ख्‍योकोन ङोचा क्‍ये मेतातेबा, छ्युला स्‍यूला बप्‍तिस्‍मा लालाकामा परमेश्‍वरगी था तिरी स्‍येदाङगी चूर गाल्‍ला तेरच्‍येते सजायदुकी थारग्‍यो सिन खेल्‍ला सुई सिका? थोक सजिलो खाला थे सजायदुकी माथारो।

मर्कूस 4:40

थेमे थेकी चेलातेबाला “ख्‍योकोन च्‍यिला दोक ज्‍यीबा खिन आते खाबे? ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक।

मर्कूस 8:15

थे बेलालाराङ येशूकी थेबाला “फरिसी पाटी मिओन थेमे हेरोदताङ स्‍योबेनला लुच्‍येते सोडा ओत। थे सोडा खेराङला मेतेरस्‍यीत सिन ख्‍योकोन च्‍याङबो खिसा है,” सिन सिदुक।

मर्कूस 8:21

लोईन थेकी “ङे थोक थोक खाबा थोङजीनोङ ख्‍योकोनगी थोरूमसाक चुक खाईन छ्याःङ माखोसुङा?” सिन सिदुक।

लूका 12:1

थेजीन ङोला ङ्वा मुथुप्‍च्‍या मि येशू खादु जम्‍मा ओङगीन ओतान। थे दोन्‍दुराङ ड्वाप सिन थेबा आउदी खाला च्‍येपा च्‍येप खिन ओतान। थेमे गोमाचेन येशूकी चेलातेबाताङ बात खिन “फरिसी पाटी मिओनताङ च्‍याङबो खिसा है। थेबाताङनी स्‍योबेनला लुच्‍येते सोडा ओत। थेबाताङ सोडा ओत साबाते च्‍यि सासीन थेबेकीनी खेकीकामा लेमुते बात खिओ। सेमगी नाङचेन मेलेबा मेलेबा बात ब्‍वाकीन ज्‍याक्‍पा ओङगो।

लूका 12:56

मुक्‍पाताङ ल्‍हाबे बात विचार खाला च्‍यि च्‍यि ओङगीते सिन सिरा थुप्‍जीन परमेश्‍वरगी खेराङ मिगी दोन्‍दुराङ खिन ओताते कामओन थोङलाङ थेकी च्‍यि खिन दुका सिरच्‍येते बातचेन ख्‍योकोन च्‍यिला छ्याःङ माखोबा च्‍योकराङ खाला देत्‍कीते? ख्‍योकोन चुक्‍तेन्‍दे ईन्‍दाका।

यूहन्‍ना 8:43

ख्‍योकोनगी ङे साबाते बात च्‍यिला खोबा मुथुप्‍का? ङेन्‍दा चाला ईन्‍सीन ख्‍योकोनगी ङे साबाते लेमु खाला खोबा थुप्‍च्‍या ओतान।