मत्ती 15:32 - जिरेल

³² थे तिरी येशूकी चेलातेबाला दोन्‍दु काताङगीन “दि मिओन दोक खाईन देताते थोङजीन ङाला आउदी ङिङज्‍ये लासुङ। दिबा दुरू ङात्ताङराङ देताते ङीमा सुम गाल्‍गीन सिन्‍सुङ। दिबाताङ साच्‍येतेङ छ्याःङ मिन्‍दुक। था तुक्‍पाराङ खाँपा ग्‍युक सिन ताङसीन ख्‍याम्‍गीन ख्‍याम्‍गीनलाराङ दिबा त्‍वाबेकी स्‍याङ थुप्‍क्‍यो,” सिन सिदुक।

मत्ती 15:32 ပူးပေါင်းရင်းမြစ်များ

मत्ती 12:40

च्‍यि सासीन योनाला समुन्‍द्रे ङ्या जोदाज्‍यीगी मीक ताङनामेई थे ङीमा सुमताङ ग्‍वामा सुमसाक ङ्ये सुबे नाङ देता फापा च्‍योकराङ परमेश्‍वर ओत्‍सादुई वाबाते मि ङाङ स्‍यिनामेई ङीमा सुमताङ ग्‍वामा सुमसाक सबी चावादु देता फाप्‍क्‍यो।

मत्ती 14:13

यूहन्‍नाला सेताते बात थोनामेकी येशूबा खोपरोङकामा देताप सिन मिओनताङ ठाल्‍गीन डुङ्गाला जेकीन थेरूई गाल्‍सुङ। थे थेरूकी गालाते बात छ्या स्‍येनामेई ठाउँ ठाउँकी मिचेन समुन्‍द्रे छेउताङ छेउ ख्‍याम्‍गीन थेला तिङ ङ्योगीन गाल्‍सुङ।

मत्ती 15:33

थोक सिरजीन चेलातेबेकी “आबिई गुरू, दि छ्याःङ मेङेत्‍च्‍येते ठाउँदुङ दर्गेई दर्गेई मिला साप तेराला च्‍यि ङेत्‍कीतेरो?” सिन सासुङ।

मत्ती 20:34

थेबेकी थोक खाबा थोङगीन येशूला ङिङज्‍ये लासुङ। थोगी थेकी थेबे मिगी थोङस्‍यीत सिन लाक्‍पेकी थेबे मिक दोकीन बिन्‍सुङ। थोक खिताईताङ थेबे मिक दाक थोङच्‍या गाल्‍सुङ। थोक ओङनामेई थेबा ङिबोङ येशूताङराङ ख्‍याम्‍सुङ।

मत्ती 27:63

“हजूर, बातज्‍यीक च्‍यि सासीन थे खोरोङ ख्रीष्‍ट ईन सिन मिओनला ढाँर खित्‍कान्‍तेकी थे सोम्‍बो ओत्‍जीनराङ ‘स्‍याप्‍ते ङीमा सुमगी छोमु ङा लोक्‍ला सोम्‍बो लोइओ,’ सिन साबाते बात ङ्योकोनला ठेम्‍बा लासुङ।

मत्ती 9:36

थोक खाला ख्‍याम्‍जीन थे खोरोङ ओत्‍सादु ओङकान्‍ते हूलताङ हूल मिला थोङजीन थेला आउदी ङिङज्‍ये लाङगीन ओतान। च्‍यिला सासीन जेसुकै पीरताङ तापकी खित्‍सादु खापाङ छ्याःङ आश खित्‍च्‍येते लामराङ मेतेई सेम स्‍यिइन थेबा गोठाला मेताते लुक च्‍योकराङ गाला ओतान।

मर्कूस 9:22

काल्‍बा च्‍योक्‍ते थेला मेताङ छ्युला लुक्‍ला सेता छोल्‍गीदुक। गुरू खुई ठाक्‍पा खिता थुप्‍सीन खुई दयेकी ठाक्‍पा खाला नाङ,” सिन सिदुक।

लूका 7:13

थे फेम्‍मे मिला थोङगीन प्रभु येशूला आउदी ङिङज्‍ये लासुङ। थेमे थेकी थेला “ए आज्‍यी, दोक खाला माङु, ङ्वा माफाबो,” साकीन

शक्ति काम 27:33

था नाम लाङा लाङा खाबा ओतान। थेमे पावलगी जहाजकी नाङ ओताते गाङेताङ बात खिन “था मोसोन्‍च्‍याक्‍वा सिन ज्‍यीबेकी हप्‍ता ङिसाक ख्‍योकोन छ्याःङ मास्‍साबा खाईन देता ओत।

हिब्रू 4:15

ङुरूङगी चुक सजिलो खाला दाक पाप खिता थुप्‍कीते सिन थेला छ्या मेताते मेन। दि बात थेला लेमु खाला छ्या ओतेकी लो था ईन्‍सीनचेन ङा ख्‍योकोनताङ डासुङ सिन नोमुङ मिसिरो। शैतानगी ङुरूङला चुक खाला पाप खित ज्‍युता छोल्‍गीते सिनोङ थेला छ्या ओत। च्‍यिला सासीन थेलाङ शैतानगी परी परी खाईन लुकीन पाप खित ज्‍युता चाला ओतान। शैतानगी थोक खित्‍जीनोङ थेकी नोमुङ छ्याःङ पाप खाबा मेतान।