मत्ती 15:31 - जिरेल

³¹ थोक खानामेई लाटातेबेकी बात खाबाते, कुज्‍येतेबा ठाक्‍पाते, ख्‍याम्‍बा मुथुप्‍कान्‍तेबा लेमु खाईन ख्‍याम्‍बाते थेमे अन्‍धतेबा थोङा थुप्‍च्‍या गालाते थोङगीन थेरू जम्‍मा ओङाते मि गाङे छक्‍क परे खासुङ। थेमे इस्राएलीओन परमेश्‍वर चुक अचम्‍बतेन्‍दे काम खित ज्‍युत्‍कान्‍ते ईन्‍दे सिन थेबेकी थेते जय जय खासुङ।

मत्ती 15:31 ပူးပေါင်းရင်းမြစ်များ

मत्ती 15:30

थेमे थेरू आउदी काल्‍बेई मि जम्‍मा ओङसुङ। थेबेकी थेरू ख्‍याम्‍बा मुथुप्‍कान्‍तेबा, कुज्‍येतेबा, अन्‍धतेबा, लाटातेबा थेमे ज्‍येनोङ नाबाते मि काल्‍बेई खुलाकीन येशू दोन्‍दु ज्‍याक्‍सुङ। थेमे थेकी थेबा गाङेला ठाक्‍पा खासुङ।

मत्ती 18:8

ङा ख्‍योकोनला च्‍यि सिते सासीन ख्‍योकोनगी खेराङ लाक्‍पेकी खित्‍सादु मेलेबाते काम खासुङ सासीन थे लाक्‍पा तुप्‍ला क्‍युर। काम्‍बेकी खित्‍सादु थोक खासीन काम्‍बाराङ तुप्‍ला क्‍युर। दोक माक्‍यासीन ख्‍योकोननी नरककुण्‍डमा मे नाङमा स्‍यूइओ। थेमा सधैँ बारगीन देत्‍च्‍येते मे नाङमा स्‍यूक्‍पा भन्‍दानी ठुटे डुँरे गाल्‍ला नोमुङ मिसिन्‍च्‍येते जुनी ङेत्‍ला स्‍वर्गने देता काल्‍बेई लेमु ईन।

मत्ती 21:14

थेमे अन्‍धतेताङ ख्‍याम्‍बा मुथुप्‍कान्‍ते कुज्‍येतेबा थेरू मन्‍दिरदु येशू ओत्‍सादु ख्‍योल्‍सुङ। थेमे थेकी थेबाला मिगी थोङच्‍या थेमे ख्‍याम्‍बा थुप्‍च्‍या जोकीन बिन्‍सुङ।

मत्ती 8:10

थेकी थोक सिरजीन येशूला आउदी अचम्‍ब लासुङ। थेमे थे खोरोङ तिङ ङ्याकीन ख्‍याम्‍बा ओताते मिओनला “लो तो, दि छेत ङाला विश्‍वास खित्‍कान्‍ते मिनी ङे ख्‍योकोन इस्राएली नाङोङ थातासाक सुङ थोङा मेत।

मत्ती 9:32

थे मि ङिबो थेरूई फिला थेन्‍दाईताङ मिज्‍यीकला टीकीन कोई कोई मि येशू ओत्‍सादु ख्‍योल्‍सुङ। थे मिचेन ल्‍हन्‍डीक खोकीन बातराङ खिता मुथुप्‍च्‍या गालाई ओतान।

मत्ती 9:33

येशूकी थे ल्‍हन्‍डीक तेन्‍गीन ताङनामेकी थे मिकी बात खिताला स्‍यूसुङ। थोक थोङगीन थेरू ओताते मिओन छक्‍क परे खिन “ओहो, दोक्‍ते अचम्‍बते कामनी थातासाक ङुरूङ इस्राएल लुङबादु सुङगीङ खिता थोङा मेत,” सिन सिराला स्‍यूसुङ।

मत्ती 9:8

थेरू थोक ओङा थोङगीन मि गाङेराङ आउदी खाईन आते खासुङ। थेमे थेबेकी परमेश्‍वरगी मिलाङ दोक छ्येज्‍यीक शक्ति बिन्‍दा ओताक्‍वा सिन परमेश्‍वरते जय जय खासुङ।

मर्कूस 2:12

थेकी थोक सानामेकी गाङेकी थोङच्‍या खाईन थे कुज्‍ये खोक लासुङ। थेमे थे खोरोङ खोन्‍च्‍या दिङच्‍या खुरगीन खाम्‍बापा गाल्‍सुङ। थोक ओङा थोङनामेई मि गाङेराङ छक्‍क परे खिन “आबिई, दोक्‍ते अचम्‍बते कामनी थातासाक ङुरूङगी नोमुङ थोङा मेतान,” सिन परमेश्‍वरते जय जय खासुङ।

मर्कूस 7:37

थेमे थे बात थोकान गाङेराङ अचम्‍ब माने खिन “आबिई, थेकी जेसुकै काम चुक लेमु खित्‍च्‍या ईन्‍दाका। थेकीनी ओन्‍बातेबाला थोच्‍या थेमे लाटातेबाला बात खिता थुप्‍च्‍या जोच्‍याक्‍वा,” सिन सिराला स्‍यूसुङ।

मर्कूस 9:43

थेमे ख्‍योकोनगी खेराङ लाक्‍पेकी खित्‍सादु मेलेबाते काम खासुङ सासीन थे लाक्‍पा तुप्‍ला क्‍युर। थोक माक्‍यासुङ सासीन ख्‍योकोननी नरककुण्‍डमा मे नाङमा स्‍यूइओ। नरककुण्‍डमा सधैँ बारगीन देत्‍च्‍येते मे नाङ स्‍यूक्‍पा भन्‍दानी ठुटे डुँरे गाल्‍ला नोमुङ मिसिन्‍च्‍येते जुनी ङेत्‍ला स्‍वर्गने देता काल्‍बेई लेमु ईन।

लूका 14:13

भोज लै खित्‍जीन बरू खुई चुक खिसे सासीन छ्याःङ मेतातेबा, कुज्‍येतेबा, ख्‍याम्‍बा मुथुप्‍कान्‍तेबा थेमे अन्‍धतेबाला काताङला साप बिन।

लूका 14:21

थेरूई थे कातोङ डोकान्‍ते मिकी खाँपा गाल्‍गीन गाङे बात खाम्‍बे धनीला लाःप्‍तुक्‍लो। दि बात थोजीन थेला आउदी खाईन स्‍येदाङ लादुक्‍लो। थेमे थेकी गोमा कातोङ डोकान्‍ते मिलाराङ ‘लो ग्‍युक, खो सारगी नाङपा गाङेपा गाल्‍ला छ्याःङ मेतातेबा, कुज्‍येतेबा, अन्‍धतेबा थेमे ख्‍याम्‍बा मुथुप्‍कान्‍तेबा गाङेला काताङला खोरच्‍योक,’ सिन ताङदुक्‍लो।

लूका 18:43

येशूकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थे परमेश्‍वरते जय जय खिन येशूताङराङ ख्‍याम्‍सुङ। थोक अचम्‍बते काम ओङा थोङगीन थेरू ओताते मि गाङेकीङ परमेश्‍वरते जय जय खासुङ।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

यूहन्‍ना 9:24

गोमा अन्‍ध ओताते थे मिला थेबेकी याङराङ काताङगीन च्‍याकीन “लो परमेश्‍वर साक्षी ज्‍याक्‍ला खो साँचोते बात खि। थे मि पापी ईन सिन ङ्योकोनला लेमु खाला छ्या ओत,” सिन सिदुक।