मत्ती 15:22 - जिरेल

²² थेमे ठाउँज्‍यीक्‍तु चुक ओङसुङा सासीन थेङलाराङ देत्‍कान्‍ते कनानीमाज्‍यीक थे खादु वाकीन ङुइनकामा “ए प्रभु, दाऊद गेल्‍बो सन्‍तान, ङे दुक्‍पा थोङला नाङ। ङे फुमुला ल्‍हन्‍डीक खोबेकी थे ल्‍हन्‍डीककी आउदी दुक्‍पा तेरगीदुक। थेदुकी थे ल्‍हन्‍डीक तेन्‍ला नाङ,” सिन सिदुक।

मत्ती 15:22 ပူးပေါင်းရင်းမြစ်များ

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 15:23

थोक सिरजीन थेकी थेला छ्याःङ मासासुङ। थेमे चेलातेबेकी “गुरू, ओर्च्‍ये, दि फेम्‍मे मिला दोक खाला ङुरूङ खादु वाला छेरा खित माज्‍युत,” सिन सिदुक।

मत्ती 17:15

“प्रभु, ङे फुज्‍युङ दुक्‍पा थोङला नाङ। थेला जा लाङगीदुक। दोक ईन्‍देकी थे याङ याङ छ्युला, मेला जतासुकैपा फाल देइदुक। थेला आउदी दुक्‍पा ओङगीदुक।

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

मत्ती 9:27

थेमे येशू थे खाम्‍बादुई ख्‍याम्‍सुङ। थेरूकी ख्‍याम्‍नामेई लामला अन्‍ध मेन्‍दा ङिकी “ए प्रभु, दाऊद गेल्‍बो सन्‍तान, ङ्योकोन दुक्‍पा थोङला नाङ,” सिन छेरा खिनकामा थे तिङ ङ्यासुङ।

लूका 17:13

“ए गुरू येशू, ङ्योकोन दुक्‍पा थोङला ङ्योकोनला ठाक्‍पा खाला नाङ,” सिन छेरा खासुङ।

लूका 18:13

कर लिन्‍कान्‍ते मिकीचेन मन्‍दिर नाङ कुनाज्‍यीक्‍तु गाल्‍गीन ङा दोक पापी मिङ चुक खाला परमेश्‍वरला प्रार्थना खित्‍च्‍ये सिराच्‍योक खाईन खुङ खुगीन ‘ए परमेश्‍वर, ङा पापी ईन सिन ङाला छ्या ओत। ङाला दया खाला पापदुकी टाल्‍ला नाङ,’ सिन प्रार्थना खादुक्‍लो।

लूका 6:18

येशूकी लोप्‍कीन ओताते परमेश्‍वर बात ङेन्‍दाला थेमे रोग खोबातेबाचेन ठाक्‍पा खाला नाङ सिराला थेरू वाबा ओतान। थेबे नाङ ल्‍हन्‍डीक खोबाते मिओनोङ ओतान। येशूकी थेबाला खोबाते ल्‍हन्‍डीक तेन्‍गीन ताङगीन थेबाला ठाक्‍पा खासुङ।