मत्ती 15:11 - जिरेल11 च्यि सासीन ङुरूङगी दि सा ओङच्येते, थे सा मेङच्येते थेमे लाक्पा चोके खालाकामा सा ओङगो सिरच्येते छ्याःङ मेत। साप सोला पा मोफोगो। मि खानामेकी थेन्च्येते बातकीका मिला पा फोइओ,” सिन सिदुक। အခန်းကိုကြည့်ပါ။ |
मत्ती 15:11
26 ပူးပေါင်းရင်းမြစ်များ
प्रभु येशूताङ जीउज्यीकराङ ओङाते मि ईन्देकी दि बात ङे लेमु खाईन छ्या स्येबा ओत। च्यि सासीन स्या ईन्सीनोङ ज्येनतोक ईन्सीनोङ सा मेङच्येते सिराते छ्याःङ ओतराङ मेत। मिकी जे सोसीनोङ पा फोक्च्येते मेन। दोक ईन्सीनोङ सुइँदाला दिनी सा मेङगो, दि सोसुङ सासीन पा फोइओ सिराच्योक लाङगीन लाङगीन थोक्ते साप सोसुङ सासीन थेबालाचेन दाक पा फोइओ।
दि बातओन ङे च्यिला खाबाते ईन्दे सासीन परमेश्वर राज्यदु स्यूबाते मिओन नाङ दि सा थुङा ओङगो, थे सा थुङा मेङगो सिरच्येते बात छ्याःङ छ्येते बात मेन। छ्येते बातचेन परमेश्वर आत्मे छ्य्वापेई परमेश्वरगी खि साबा साबाच्योक खित्च्येते, दाक्पोन नाङ डिक्ला थुन्ला देत्च्येते थेमे गा खिन देत्च्येतेराङ ईन।
साच्या थुङच्ये बातला माडिक्ला परमेश्वरगी खेराङ नाङ खाबाते काम ङ्ये माज्युत। ईन्दाका ङे आनाङका साबा च्योकराङ जे सोसीनोङ मिला पा फोक्च्येते मेन। ईन्सीनोङ ख्योकोनगी खइँदा सोबा थुबेकी खित्सादु ज्येनगीङ खोपरोङगी मास्साओ मुथुङो सिन साबाते सेइदुक थुङगीदुक सासीन ख्योकोनगी थोक खाईन सोबा थुबाते लेमु मेन।
थेबेकी मिओनला चुक चुक्ते बात लोप्कीते सासीन फाङमा खिता मेङगो, दि सा मेङगो थे सा मेङगो सिन लोप्क्यो। थेबेकी सा मेङगो साबाते सापतेबा गाङे मिओनगी सारस्यीत सिन परमेश्वरगीराङ जोबाते ईन। थोगी येशू ख्रीष्टला विश्वास खाला सत्यते बात ङेन्कान्ते मिओनगी खोपरोङ सापकी लाईदु परमेश्वरला धन्यवाद बिन्नामेई जुन सापोङ सोसीन ओङगो।
सेमला मेलेबा मेताते मिओन लाईदु दि सा मेङगो, दि खिता मेङगो सिरच्येते रीतिथिति छ्याःङ मेन। थोक्ते मिओनगी होदोक्ते रीतिथिति माने माक्यासीनोङ पा मोफोगो। येशूला विश्वास मिक्किकान, सेमला पाप ओताते मिओनगीचेन दि सोसीन, दोक खासीन पा फोइओ सिरच्येते ईन्देकी थोक्ते मिओन लाईदु जेसुकै मेलेबाराङ ओङगो। खोपरोङ सेम लेमु मेतेकी खिता मेङच्येते काम खासीनोङ थेबाला छ्याःङ मेलेबा खाबाच्योक मालाङो।
बात दोक ईन्देकी परमेश्वर बात ईन सिन थे बातताङ डिकराङ मिडिक्च्येते खुदुक खुदुकते बात ङेन्ला छक्के माकेत। परमेश्वरगी दया खाबा ओतेकी खित्सादु होथोक्ते बातला नामज्योक मेसेता खाला छ्याःङ शंका मिक्किता खाला थेला विश्वास खिन देता लेमु ईन। दि सा ओङगो, थे सा मेङगो सिरच्येते नियम ङेन्ला सुङलाङ छ्याःङ फाइदा मेत।
च्यिला सासीन थेबेकी काम लै खित्च्येते बात सिराते छ्याःङ मोलोबो। खोपरोङ जे बादोङ छ्या स्येकान ईन सिराच्योक खाला आउदी छ्ये छ्ये बात खिओ। दाक्पोन खुशी खिन दि सा लुङबे मिओनगी खित्च्येते च्योक्ते खिता मेङच्या ङोचा लाङच्येते काम खिता ताङगीन भर्खर भर्खर परमेश्वरला विश्वास खिताला स्यूबाते मिओनला दिबेकी होथोक्ते काम खासीन छ्याःङ मेङगो साला लोक्ला गोमा खाबाते होथोक्ते कामराङ खित ज्युत्कीदुक।
ကြော်ငြာတွေ